Liver Friendly Foods : కాలేయ సమస్యలు చాలా లేట్గా బయటపడతాయి. అప్పటికే జరగాల్సిన డ్యామేజ్ జరిగిపోతుంది. అందుకే ముందు నుంచే కాలేయ సంరక్షణ కోసం కొన్ని జాగ్రత్తలు తీసుకోవాలి. ఆల్కహాల్కి దూరంగా ఉండడంతో పాటు వ్యాయామం చేస్తూ ఉండాలి. వీటితో పాటు కాలేయ ఆరోగ్యంలో ఫుడ్ కీలక పాత్ర పోషిస్తుంది కాబట్టి హెల్తీ ఫుడ్ని డైట్లో చేర్చుకోవాలి. ఇంతకీ ఎలాంటి ఫుడ్ చేర్చుకుంటే లివర్ ఆరోగ్యానికి మేలు జరుగుతుందో ఇప్పుడు తెలుసుకుందాం.
ఓట్స్
ఓట్స్లో ఫైబర్ పుష్కలంగా ఉంటుంది. దీనిలోని బీటా గ్లూకాన్ శరీరంలోని చెడు కొలెస్ట్రాల్ని తగ్గించడంలో హెల్ప్ చేస్తుంది. ఇది కాలేయంలో కొవ్వును కరిగించడంలో హెల్ప్ చేస్తుంది. ఉదయాన్నే బ్రేక్ఫాస్ట్గా తీసుకోవచ్చు. ఓట్మీల్, ఫ్రూట్స్తో కలిపి కూడా డైట్లో చేర్చుకోవచ్చు.
పసుపు
పసుపులో కర్కుమిన్ అనే పదార్థం ఉంటుంది. ముఖ్యంగా పచ్చి పసుపును డైట్లో చేర్చుకోవచ్చు. ఇది శోథ నిరోధక ప్రభావాన్ని కలిగి ఉంటుంది. దీనివల్ల కాలేయ కణాలు దెబ్బతినకుండా హెల్ప్ చేస్తుంది. వంటల్లో, హెర్బల్ డ్రింక్ రూపంలో డైట్లో చేర్చుకోవచ్చు.
ఆకుకూరలు
పాలకూర, మెంతి కూర, కొత్తిమీర వంటి ఆకుకూరలు కాలేయంలో కొవ్వును కరిగించడంలో హెల్ప్ చేస్తాయి. ఇందులో యాంటీఆక్సిడెంట్లు పుష్కలంగా ఉంటాయి. కూరల రూపంలో, సలాడ్స్, స్మూతీలుగా కూడా డైట్లో వీటిని తీసుకోవచ్చు.
వెల్లుల్లి
వెల్లుల్లిని కూడా డైట్లో చేర్చుకుంటే మంచిదని చెప్తున్నారు నిపుణులు. కాలేయంలో కొవ్వు ఏర్పడకుండా ఇది హెల్ప్ చేస్తుంది. వెల్లుల్లి శరీరంలోని టాక్సిన్లను బయటకు పంపడంలో హెల్ప్ చేస్తుంది. దీనిని నేరుగా తినొచ్చు. లేదా పచ్చళ్లు, కూరలు, ఇతర రూపాల్లో తీసుకోవచ్చు. ఇవి వంట రుచిని కూడా పెంచుతాయి.
సిట్రస్ ఫ్రూట్స్
నారింజ, ద్రాక్షలు, ఆపిల్, బెర్రీలు వంటివాటిలో యాంటీఆక్సిడెంట్లు పుష్కలంగా ఉంటాయి. విటమిన్ సి, ఫైటోకెమికల్స్ ఎక్కువగా ఉంటాయి. ఇవి కాలేయాన్ని డీటాక్స్ చేయడంలో హెల్ప్ చేస్తాయి. అంతేకాకుండా రోగనిరోధక శక్తిని పెంచుతాయి. స్నాక్స్ టైమ్లో వీటిని తీసుకోవచ్చు.
గ్రీన్ టీ
గ్రీన్ టీలో కాటెచిన్స్ వంటి యాంటీఆక్సిడెంట్లు ఉంటాయి. ఇవి కాలేయ కొవ్వును తగ్గించడంలో హెల్ప్ చేస్తాయి. ఉదయం ఏమైనా తిన్న తర్వాత తీసుకోవచ్చు. లేదంటే సాయంత్రం కూడా తాగవచ్చు.
వాల్నట్స్
వాల్నట్స్లో ఒమేగా 3 ఫ్యాటీయాసిడ్స్ ఉంటాయి. ఇవి కాలేయ ఆరోగ్యానికి మేలు చేస్తాయి. ఇవి శరీరంలోని ఫ్యాట్ని తగ్గించడంలో హెల్ప్ చేస్తాయి. ఉదయాన్నే తింటే మంచిది. వీటిని నేరుగా, సలాడ్స్ రూపంలో తీసుకోవచ్చు. రాత్రి నానబెట్టుకుని ఉదయం తిన్నా మంచిదే.
ఆలివ్ ఆయిల్
ఆలివ్ నూనెలో హెల్తీ ఫ్యాట్స్ ఉంటాయి. మోనోశాచ్యురేటెడ్ ఫ్యాట్స్ కాలేయ కొవ్వును తగ్గించడంలో హెల్ప్ చేస్తాయి. మీరు వంటకు ఉపయోగించే ఆయిల్ని దీనితో రిప్లేస్ చేస్తే కాలేయంతో పాటు గుండెకు మేలు జరుగుతుంది.
అలాగే బాగా డీప్ ఫ్రై చేసినా, అన్హెల్తీ ఫుడ్కి దూరంగా ఉండాలి. కాలేయ ఆరోగ్యం కోసం ఆల్కహాల్, స్మోకింగ్ మానేయాలి. అప్పుడే లివర్ హెల్తీగా ఉంటుంది. మరి ఇంకెందుకు ఆలస్యం కాలేయం పాడవకుండా ఉండేందుకు మీరు కూడా వీటిని డైట్లో చేర్చేసుకోండి.