అన్నా చెల్లెళ్ల అనుబంధం.. మాటల్లో వర్ణించలేదనిది. తల్లి తర్వత తల్లిగా సోదరి మన బాగోగులు చూస్తే.. తండ్రి తర్వాత తండ్రిగా సోదరులు తమ అక్కచెలెళ్లకు రక్షణగా నిలుస్తారు. ఆ బంధం శాస్వతంగా నిలిచిపోవాలనే ఆకాంక్షతో నిర్వహించే పండుగే ‘రక్షా బంధనం’. ఇంట్లో ఎంత కొట్టుకున్నా.. ఎంత తిట్టుకున్నా.. చివరికి కష్టమొస్తే ఒకరికి తోడుగా ఉండటం ఈ బంధానికే సాధ్యం. ఆ ప్రేమ.. ఆప్యాయతా ఎప్పటికీ వీడిపోరాదనే.. తమ తోబుట్టువు ఎప్పుడూ సురక్షితంగా, సంతోషంగా ఉండాలని కోరుకుంటూ.. ఈ కింది కోట్స్‌ను వాట్సాప్, ఫేస్‌బుక్ తదితర సోషల్ మీడియా వేదికలపై పంచుకుని శుభాకాంక్షలు తెలియజేయండి.
అన్న.. చెల్లికి విష్ చేయాలంటే ఈ కోట్స్ వాడండి:
⦿ రాఖీ కట్టి నన్ను మెప్పించే ఓ బుజ్జాయి.. నీ అల్లరే నాకు సంతోషం.
నీ నవ్వులే నాకు సంగీతం.. ఎప్పటికీ నవ్వుతూనే ఉండాలి నా చెల్లాయి.
- రక్షా బంధన్ శుభాకాంక్షలతో నీ అన్నయ్య.
⦿ మనసే మధుమాసం మా చెల్లెమ్మ,
ప్రేమే అనురాగం.. చిరునవ్వుల చెల్లెమ్మ,
ఇంటికి అందం ముద్దుల చెల్లెమ్మ,
నా కంటికి బంగారం మా చెల్లెమ్మ..
- నా ముద్దుల చెల్లికి రాఖీ శుభాకాంక్షలు.
⦿ మమతల మాగాణీలో పూసిన పువ్వులం
స్నేహానురాగాలు నింపుకొన్న నవ్వులం
అనురాగానికి ప్రతీకలం..
అనుబంధానికి ప్రతిరూపాలయిన సోదరీ సోదరులం.
- రక్షా బంధన్ శుభాకాంక్షలు
⦿ అనుబంధాల హరివిల్లు.. ప్రేమాభిమానాల పొదరిల్లు.
గిల్లికజ్జాల సరదాలు.. తోడు నీడగా సాగిన జీవితాలు.
కాలం మారినా, దూరం పెరిగినా.. చెరగని బంధాలు.
అవే అన్నా చెల్లెళ్ల అనుబంధాలు.. కలకాలం నిలవాలి ఈ రక్షాబంధాలు.
- ప్రియమైన చెల్లికి రాఖీ శుభాకాంక్షలు
⦿ చెల్లమ్మా.. నీకెంత వయసొచ్చినా
నా కంటికి చిన్న పిల్లవే..
కొండంత ప్రేమను పంచి..
నిండుగా దీవించే బంగారు తల్లివి నీవు.
- రక్షా బంధన్ శుభాకాంక్షలు
⦿ బుజ్జగింపు, ఊరడింపులు, పోట్లాటలు, అలకలు..
చిన్ననాటి మధుర స్మృతులను..
తిరిగిరాని ఆ రోజులను..
గుర్తు చేసుకుంటూ.. రాఖీ పండుగ శుభాకాంక్షలు.
తమ్ముడు.. అక్కను విష్ చేయాలంటే..:
⦿ అక్కా.. అమ్మ తర్వాత అమ్మవి నీవు..
కంటికి రెప్పలా చూసుకుంటావు..
నా అల్లరిని ఎన్నోసార్లు నన్ను బరించావు..
కానీ, నా నిశబ్దాన్ని తట్టుకోలేవు..
ఎందుకే.. నేనంటే నీకు అంత ఇష్టం మరి.
- రాఖీ శుభాకాంక్షలు
⦿ అక్క.. తమ్ముడిని విష్ చేయాలంటే:
తమ్ముడూ.. నువ్వే నా ధైర్యం..
నువ్వే నా లోకం.. నే తిడితే కోప్పడతావు..
నే అలిగితే డీలా పడతావు..
నాకు కష్టమొస్తే తోడుంటావు..
నా ఆనందానికి కారణమవుతావు.
ఎంత కొట్టుకున్నా.. మన బంధం వీడనిది, విడదీయనిది.
- సోదరుడికి రాఖీ శుభాకాంక్షలు
చెల్లి అన్నను విష్ చేయాలంటే ఈ కోట్స్ వాడండి:
⦿ అలసిన వేళ అమ్మలా జోలపాడి లాలించిన ఓ అన్నా..
అలిగిన వేళ అలక తీర్చి.. నాన్నవయ్యావు.
చిరునవ్వును పంచి.. అనురాగాలకు అర్థం చెప్పావు.
నీ చల్లని చూపే నాకు చాలు.
- రాఖీ శుభాకాంక్షలతో నీ చెల్లెలు
⦿ అమ్మలో సగం.. నాన్నలో సగం.. మా అన్న.
నన్ను నీ కంటిపాపలా చూసుకునే ఓ అన్నా..
నీ చల్లటి దీవెనలే నాకు శ్రీరామరక్ష.
- రాఖీ శుభాకాంక్షలు అన్నయ్య
⦿ ఏడిస్తే లాలించావు.. నాకు ఆకలేస్తే కడుపు నింపావు..
చిన్న గాయమైనా అమ్మలా చలించిపోయావు..
నా ఆనందం కోసం అహర్నిశలు శ్రమిస్తున్నావు..
అన్నయ్యా.. ఏమిచ్చి నీ రుణం తీర్చుకోను..
మరు జన్మలోనూ నీ చెల్లినై పుట్టాలని కోరుకుంటూ..
- అన్నయ్యకు రాఖీ శుభాకాంక్షలు
⦿ నిను చూస్తేనే పెరిగాను.. నీ వెనుకే తిరిగాను..
నువ్వు భయం చెబుతుంటే నొచ్చుకున్నాను..
నా మంచికే చెబుతున్నావని.. ఆనందించా.
రాఖీ సాక్షిగా.. అన్నయ్యా నన్ను దీవించు..
కలకాలం నన్ను ఇలాగే ప్రేమించు.
- అన్నయ్య నీకు రాఖీ శుభాకాంక్షలు