DIY Beauty Tips : వాతావరణంలో మార్పులు, ఇతర కారణాలతో స్కిన్ డల్గా మారిపోతుందా? అయితే మీరు మీ స్కిన్ని మళ్లీ సాధరణ స్థితికి తీసుకురావాలన్నా.. ఫేస్లో గ్లోని పెంచుకోవాలన్నా మీరు పార్లర్కి వెళ్లాల్సిన అవసరం లేదు. ఇంట్లోనే ఉండే వస్తువులతో చర్మంపై ఉన్న డర్ట్ని, ట్యాన్ని తొలగించుకుని మెరిసే గ్లోయింగ్ చర్మాన్ని సొంతం చేసుకోవచ్చు. ఇంతకీ ఇంట్లోనే తయారు చేసుకోగలిగే ఫేస్ప్యాక్స్ ఏంటి? వాటితో కలిగే లాభాలు ఏంటో చూసేద్దాం.
తేనె, కాఫీ పౌడర్ ఫేస్ ప్యాక్
తేనెను కాఫీ పౌడర్ను సమానంగా తీసుకుని బాగా కలిపి పేస్ట్ చేసుకోవాలి. దీనిని ముఖానికి అప్లై చేసి.. పదిహేను నిమిషాల తర్వాత కడిగాలి. ఈ ప్యాక్తో మీరు స్కిన్లో మంచి మార్పులు చూస్తారు. గ్లోయింగ్ స్కిన్ మీ సొంతమవుతుంది. డల్నెస్ పోతుంది. తేనెలోని మాయిశ్చర్ చర్మానికి అందుతుంది. కాఫీ చర్మాన్ని ఎక్స్ఫోలియేట్ చేసి.. చర్మంపై పేరుకుపోయిన మృతకణాలని తొలగిస్తుంది.
బియ్యం పిండితో ఫేస్ ప్యాక్
బియ్యం పిండి చర్మంపై ఉన్న ట్యాన్ని తొలగించడంలో మంచి ఫలితాలు చూపిస్తుంది. దీనితో ఫేస్ ప్యాక్ చేసుకునేందుకు బియ్యం పిండిలో బంగాళదుంప జ్యూస్, అలొవెరా జెల్, నిమ్మరసం, టమాటా రసం వేసి బాగా మిక్స్ చేసుకుని ముఖానికి అప్లై చేయాలి. దీనిని 20 నిమిషాలు అలాగే ఉంచి కడిగేయాలి. ఈ ప్యాక్ని వారానికి రెండుసార్లు వేసుకుంటే ట్యాన్ క్రమంగా తగ్గుతుంది. చర్మంపై ఉన్న మృతకణాలు తొలగిపోతాయి. స్కిన్ కాంప్లెక్షన్ తగ్గి.. చర్మం నిగారిస్తుంది.
టొమాటో, పెరుగు ఫేస్ ప్యాక్
స్కిన్ గ్లో రావడం, హెల్తీ స్కిన్ కోసం మీరు ఈ ప్యాక్ని ట్రై చేయవచ్చు. టొమాటో గుజ్జు, పెరుగు సమానంగా తీసుకోవాలి. దానిలో ఓ టీస్పూన్ నిమ్మరసం వేసి కలపాలి. దీనిని ముఖానికి అప్లై చేసి.. 15 నిమిషాల తర్వాత కడిగేయాలి. టొమాటోలోని పోషకాలు, మినరల్స్ చర్మంపై డార్క్ స్పాట్స్ని తగ్గిస్తాయి. స్కిన్ మెరిసేలా చేస్తాయి. పెరుగు హైడ్రేషన్ని, పోషణను అందిస్తుంది. నిమ్మరసం కూడా స్కిన్టోన్ని మెరుగు పరచడంలో హెల్ప్ చేస్తుంది. మంచి గ్లో అందుతుంది.
పెరుగు, పసుపుతో ఫేస్ ప్యాక్
కీరదోసను తరిగి.. దానిలో పెరుగు, పసుపు వేసి పేస్ట్గా చేసుకోవాలి. దీనిని ముఖానికి అప్లై చేసి పావు గంట తర్వాత చల్లని నీటితో కడిగేయాలి. ఇది మీకు రిఫ్రెష్ ఫీలింగ్ని ఇచ్చి.. చర్మానికి ఎన్నో ప్రయోజనాలు అందిస్తుంది. సహజంగా చర్మాన్ని మెరిసేలా చేస్తుంది. స్కిన్ ఇరిటేషన్ని తగ్గించి.. ముఖానికి తాజాదనం తీసుకురావడంలో హెల్ప్ చేస్తుంది.
శనగపిండి, గంధంతో ఫేస్ ప్యాక్
శనగపిండి, గంధం రెండూ కూడా అందాన్ని మెరుగుపరచడంలో హెల్ప్ చేస్తాయి. అయితే ఈ రెండింటీని కలిపి ఫేస్ ప్యాక్ చేసుకున్నప్పుడు వాటి ఫలితాలు మరింత ఎక్కువగా ఉంటాయి. ఓ టీస్పూన్ శనగపిండిలో ఓ టీస్పూన్ గంధం పొడి వేయాలి. దానిలో అర టీస్పూన్ పసుపు, రోజ్ వాటర్ వేయాలి. ఈ పేస్ట్ని ముఖానికి అప్లై చేసి పావుగంట ఉంచుకోవాలి. ఇది చర్మంపై ఉన్న ఆయిల్ని తొలగిస్తుంది. స్కిన్ ఇరిటేషన్ని, పింపుల్స్ని తగ్గిస్తుంది. కూలింగ్ ఎఫెక్ట్ని ఇవ్వడమే కాకుండా చర్మం మెరిసేలా చేస్తుంది.
ఈ ఫేస్ ప్యాక్లను మీరు డైలీ రొటీన్లో చేర్చుకోవచ్చు. లేదంటే మీరు ఏదైనా ఫంక్షన్కి వెళ్లేప్పుడు ఇన్స్టాంట్ గ్లో కోసం వీటిని ప్రయత్నించవచ్చు. రెగ్యులర్గా ఈ ఫేస్ ప్యాక్లు ట్రై చేస్తే మెరిసే, ఫ్రెష్ స్కిన్ మీ సొంతమవుతుంది.