క్యాచీ బీట్స్ ఉంటే డ్యాన్సు వేయాలనే ఊపు అదే వచ్చేస్తుంది. అలాంటి క్యాచీ బీట్స్ ఉన్న పాట ‘ఊ అంటావా మావా’. ఆ పాటకు ఎవరైనా కాలు కదపాల్సిందే. ఇంతవరకు అది పార్టీ పాట, ఐటెం సాంగ్ అనుకున్నాం కానీ, పెళ్లిళ్లలో కూడా ఆ పాట దుమ్మురేపుతోంది. పుష్ప ఫీవర్ ఈ పాటతో మరింత పెరిగింది. కొత్త పెళ్లయిన వధూవరులు ఈ పాటకు డ్యాన్సు వేస్తున్న వీడియో ఇప్పుడు సోషల్ మీడియాలో వైరల్ గా మారింది.
ఈ వీడియోలో కనిపిస్తున్న వధువు ప్రాచి, వరుడు రోనక్ షిండే. వీరిది మహారాష్ట్ర. వారి పెళ్లి మేకప్ చూస్తే అర్థమైపోతుంది వారికి మరాఠీ సాంప్రదాయమని. పెళ్లయ్యాక వరమాల వేడుకలో ఊ అంటావా పాటని ప్లే చేశారు. ఆ బీట్స్ కు పెళ్లికూతురు, పెళ్లి కొడుకు ఇద్దరూ అదిరి పోయే స్టెప్పులేశారు. ఇద్దిరలో బీట్స్ కు తగ్గట్టు స్టెప్పులేసింది మాత్రం పెళ్లి కూతురే. వధువు గెటప్‌లో ఉన్నా కూడా చక్కగా చేసింది. నెటిజన్లంతా ఆమెను మెచ్చుకుంటూ కామెంట్లు పెట్టారు. చివర్లో పెళ్లికొడుకు పెళ్లికొడుకు చాలు చాలు పదా అని తీసుకెళ్లిపోయాడు. అది మాత్రం నచ్చలేదంటూ చాలా మంది కామెంట్లు పెట్టారు. ఏదైేనా జంట మాత్రం చూడముచ్చటగా ఉంది.
Also Read: మీకు ఏ ఆహారమంటే భయం? ఈ ఫుడ్ ఫోబియాలు మీకున్నాయేమో చెక్ చేసుకోండి...
Also Read: టీ, కాఫీలు మరీ వేడిగా తాగుతున్నారా? ఆ క్యాన్సర్ వచ్చే అవకాశం ఎక్కువంటున్న అధ్యయనం