Tests to Avoid During Menstruation : ఆరోగ్య సమస్యలను తగ్గించుకునేందుకు.. వైద్య చికిత్స కోసం కొందరు బ్లడ్, యూరిన్ వంటి మెడికల్ టెస్ట్లు చేయించుకుంటారు. అయితే పీరియడ్స్ సమయంలో ఈ తరహా రక్త పరీక్షలు చేయించుకోవచ్చా? లేదంటే చేయించుకోకూడదా? ఫలితాల్లో మార్పులు ఏమైనా ఉంటాయా? నిపుణులు ఇచ్చే సలహాలు ఏంటో ఇప్పుడు చూసేద్దాం.
పీరియడ్స్లో ఉన్నప్పుడు కచ్చితంగా బ్లడ్ టెస్ట్ చేయించుకోవచ్చు. అయితే కొన్ని పరీక్షలకు మాత్రం దూరంగా ఉండాలి. మీరు చేయించుకునేవాటిని బట్టి, మీ లక్షణాలు బట్టి వాటిని చేయించుకోవచ్చో లేదో వైద్యులు చెప్తారు. అయితే పీరియడ్స్లో ఉన్నప్పుడు ఎలాంటి బ్లడ్ టెస్ట్లు చేయించుకోవచ్చు? చేయించుకోకూడనివి ఏంటో తెలుసుకుందాం.
చేయించుకోగలిగే రక్త పరీక్షలు..
పీరియడ్స్లో ఉన్నప్పుడు మీరు రక్త పరీక్షలు చేయించుకోవాలనుకుంటే.. CBC రక్తానికి సంబంధించిన కంప్లీట్ బ్లడ్ కౌంట్ చేయించుకోవచ్చు. బ్లడ్ షుగర్ టెస్ట్ చేయించుకోవచ్చు. తినడానికి ముందు, తిన్న తర్వాత చేయించుకోవాలి. లివర్ ఫంక్షన్ టెస్ట్లకు ఎలాంటి ఇబ్బంది ఉండదు. కిడ్నీ ఫంక్షన్ టెస్ట్ కూడా చేయించుకోవచ్చు. విటమిన్ లెవెల్స్, కొలెస్ట్రాల్ టెస్ట్లు చేయించుకోవచ్చు.
పీరియడ్స్లో ఏవి చేయించుకోకూడదంటే..
పీరియడ్స్ సమయంలో మీరు కొన్ని టెస్ట్లను అవాయిడ్ చేస్తే మంచిది. హార్మోనల్ టెస్ట్లు చేయించుకోకపోవడమే మంచిది. పీరియడ్స్ సమయంలో ఇవి కాస్త ఎఫెక్ట్ అవుతాయి కాబట్టి సరైన ఫలితాలు రాకపోవచ్చు. ఈస్ట్రోజెన్, ప్రొజెస్టెరాన్, ఫొలికల్ స్టిమ్యూలేటింగ్ హార్మోన్, ప్రొలాక్టిన్, PCOS కోసం టెస్టోస్టిరాన్ వంటి టెస్ట్లు చేయించుకోవాలంటే పీరియడ్స్ తర్వాత చేయించుకుంటే మంచిది.
థైరాయిడ్ టెస్ట్ చేయించుకోవచ్చా?
థైరాయిడ్ కూడా హార్మోనల్ సమస్యనే కదా. దీనిని కూడా పీరియడ్స్ అయ్యేవరకు చేయించుకోకూడదా అంటే లేదు. పీరియడ్స్లో ఉన్నప్పుడు కూడా థైరాయిడ్ టెస్ట్ చేయించుకోవచ్చట. టెస్ట్లైన TSH, T3, T4 కూడా చేయించుకోవచ్చు. థైరాయిడ్ హార్మోన్ని పీరియడ్స్ ఎఫెక్ట్ చేయవట. అయితే Anti-TPO యాంటీబాడీలు మాత్రం కాస్త రిజల్ట్స్ మారుతాయి.
అలాగే థైరాయిడ్ టెస్ట్ చేయించుకోవాలనుకుంటే ఫాస్టింగ్ చేయాల్సిన అవసరం లేదు. కానీ కొందరు డాక్టర్లు ఉదయాన్నే ఈ టెస్ట్ చేయించుకోమంటారు. మీరు ఇప్పటికే థైరాయిడ్ మెడిసన్ వాడుతుంటే.. టెస్ట్ తర్వాత ఆ మందు వేసుకుంటే మంచిది.
ఫలితాల్లో మార్పులు..
పీరియడ్స్ సమయంలో బ్లడ్ లాస్ ఉంటుంది కాబట్టి.. ఐరన్ లెవెల్స్, హెమోగ్లోబిన్ ఫలితాల్లో మార్పులు ఉంటాయి. కొన్నిసార్లు ఇది ఎనెమియాను సూచిస్తుంది. ఎక్కువ బ్లీడింగ్ అయితే మరిన్ని మార్పులు ఉండొచ్చు. పీరియడ్స్ సమయంలో ఇన్ఫ్లమేషన్ ఎక్కువగా ఉంటుంది కాబట్టి.. పాజిటివ్గా రావాల్సిన ఫలితాలు కూడా నెగిటివ్గా రావొచ్చు.
మీరు టెస్ట్ చేయించుకోవడానికి వెళ్లినప్పుడు ల్యాడ్ టెక్నీషియన్కి గానీ, వైద్యులకు గానీ మీరు పీరియడ్స్లో ఉన్నట్లు చెప్పేయండి. హార్మోనల్, ఐరన్ రిలేటడ్ టెస్ట్లు చేయించుకునేప్పుడు కచ్చితంగా చెప్పాలి. లేకుంటే మీకే నష్టం. మీ పీరియడ్స్ రెగ్యులర్గా రాకపోయినా.. ఫెర్టిలిటీ సమస్యలున్నా దానికి తగ్గట్లు వైద్యులు మీకు టెస్ట్లు ఎప్పుడు చేయించుకోవాలో సూచిస్తారు. బ్లీడింగ్ ఎక్కువగా ఉండి.. బాగా నీరసంగా ఉంటే ఈ టెస్ట్లను తర్వాత చేయించుకోండి. అత్యవసరమైతేనే పరీక్షలు చేయించుకోండి.