డ్రైఫ్రూట్స్ సమతుల్య ఆహారంలో అద్భుతమైన ఒక భాగం. పోషకాలు, ఆరోగ్య ప్రయోజనాలు సమృద్ధిగా అందిస్తాయి. అనేక రాక గింజల్లో వేరుశెనగ, బాదం రెండూ మంచి ఎంపికలు. ఇవి రెండు రుచికరమైనవే. అయితే పోషకాల విషయానికి వస్తే మాత్రం ఏది శక్తివంతమైంది? ఏది ఆరోగ్యరకమైనది?


వేరుశెనగ


వేరుశెనగ సాంకేతికంగా చిక్కుళ్ళు. నిజమైన గింజలు కాదు. కానీ పోషకాల పరంగా వాటిని గింజల కింద పరిగణిస్తారు. వేరుశెనగలో ప్రోటీన్లు పుష్కలంగా ఉన్నాయి. శాఖాహారులకి అద్భుతమైన మొక్కల ఆధారిత ప్రోటీన్ మూలం. మానవ ఆరోగ్యానికి అవసరమైన మొత్తం తొమ్మిది ముఖ్యమైన అమైనో ఆమ్లాలని కలిగి ఉంటాయి.


వేరుశెనగలో మోనోఅన్ శాచురేటెడ్ కొవ్వులు ఉన్నాయి. ముఖ్యంగా ఒలేయిక్ యాసిడ్ ఉంటుంది. ఇది గుండె ఆరోగ్యం, హృదయ సంబంధ వ్యాధుల ప్రమాదాన్ని తగ్గిస్తుంది. ఇందులోని ఫైబర్ కంటెంట్ జీర్ణక్రియని ప్రోత్సహిస్తుంది. బరువు తగ్గించడంలో సహాయపడుతుంది. రక్తంలో చక్కెర స్థాయిలని నియంత్రణలో ఉంచుతుంది.


నియాసిన్(విటమిన్ బి30, ఫోలేట్( విటమిన్ బి9) విటమిన్ ఇ, మెగ్నీషియం, ఫాస్పరస్, పొటాషియం వంటి ముఖ్యమైన ఖనిజాలు ఉన్నాయి.


బాదం పప్పు


బాదం పప్పు పోషకాల పవర్ హౌస్ అనే విషయం అందరికీ తెలిసిందే. విటమిన్ ఇ పుష్కలంగా ఉంటుంది. శక్తివంతమైన యాంటీ ఆక్సిడెంట్ లక్షణాలు ఉన్నాయి. ఆక్సీకరణ నష్టం నుంచి రక్షించడంలో సహాయపడుతుంది. చర్మ ఆరోగ్యానికి మద్దతు ఇస్తుంది. రోగనిరోధక శక్తిని పెంచుతుంది.


ఇందులోని మోనోఅన్ శాచురేటెడ్ కొవ్వులు సమృద్ధిగా లభిస్తాయి. గుండె ఆరోగ్యానికి మేలు చేస్తాయి. చెడు కొలెస్ట్రాల్ ని అదుపులో ఉంచడంలో సహాయపడుతుంది. కాల్షియం అద్భుతమైన మూలం. ఎముకలు, దంతాలు బలంగా మారేందుకు ఉపయోగపడతాయి.


బాదంపప్పులో ఫ్లేవనాయిడ్స్, పాలీఫెనాల్స్ వంటి వివిధ ఫైటోన్యూట్రియెంట్లు ఉంటాయి. ఇవి యాంటీ ఆక్సిడెంట్, యాంటీ ఇన్ఫ్లమేటరీ లక్షణాలని కలిగి ఉన్నాయి.


ఫైనల్ గా..


వేరుశెనగ, బాదం రెండూ పోషకాలు, ఆరోగ్య ప్రయోజనాలని సమానంగా అందిస్తాయి. వీటిలో ఏది బెస్ట్ అంటే చెప్పడం కాస్త కష్టమే. బాదం పప్పులు విటమిన్ ఇ, కాల్షియం ఇవ్వడంలో మెరుగ్గా ఉంటే వేరుశెనగ ప్రోటీన్, గుండెకి ఆరోగ్యకరమైన కొవ్వులనని ఇస్తూ ప్రత్యేకంగా నిలుస్తుంది. అందుకే ఈ రెండింటిలో ఏది ఉత్తమ ఎంపిక అంటే వాటి పోషక అవసరాలు, రుచిని బట్టి ప్రాధాన్యతగా ఎంచుకోవచ్చు. సమతుల్యమైన పోషక విలువలని ఇవ్వడంలో రెండూ రారాజుగా నిలుస్తాయి.


అందుకే చిన్న పిల్లల దగ్గర నుంచి పెద్ద వాళ్ళ వరకు వీటిని రోజూ కొద్దిగా తింటే అనేక ఆరోగ్య ప్రయోజనాలు పొందుతారు. రోజుకొక పల్లీ ముక్క తింటే ఎముకలు గట్టి పడతాయి. అలాగే నాలుగు లేదా ఐదు బాదం పప్పులు నానబెట్టుకుని తింటే గుండె ఆరోగ్యంగా ఉంటుంది.


గమనిక: పలు అధ్యయనాలు, పరిశోధనల నుంచి సేకరించిన సమాచారాన్ని ఇక్కడ యథావిధిగా అందించాం. ఇది వైద్య నిపుణుల సూచనలకు ప్రత్యామ్నాయం కాదు. తప్పకుండా వైద్యుడు లేదా ఆహార నిపుణుల సలహా తీసుకున్న తర్వాతే ఈ ఆహారాన్ని మీ డైట్‌లో చేర్చుకోవాలి. ఈ సమాచారం కేవలం మీ అవగాహన కోసమే.


Also Read: ఈ ఆహారపు అలవాట్లు ఉండే గుండె జబ్బుల వచ్చే అవకాశమే ఉండదు


Join Us on Telegram:https://t.me/abpdesamofficial