Type 2 Diabetes Risk : టైప్ 2 డయాబెటిస్​ను​ పెంచేస్తున్న రెగ్యూలర్ ఫుడ్స్.. తాజా అధ్యయనంలో షాకింగ్ విషయాలు

Emulsifier Effect : నిర్థిష్టమైన ఎమల్సిఫైయర్లను తీసుకోవడం వల్ల టైప్ 2 డయాబెటిస్ వచ్చే ప్రమాదం ఎక్కువగా ఉందని తాజా అధ్యయనం తెలిపింది. ఇంతకీ ఎమల్సిఫైయర్లు అంటే ఏమిటి? ఇవి దేనిలో ఉంటాయో చూద్దాం. 

Emulsifier is Dangerous for Type 2 Diabetes : కొన్నిరకాల ఫుడ్స్​ని చిక్కగా, సంరక్షించడానికి, ఆకృతిని మెరుగుపరిచేందుకు ఉపయోగించే ఆహార పదర్థాన్నే ఎమల్సిఫైయర్లు అంటారు. ఇవి డయాబెటిస్ ప్రమాదాన్ని పెంచుతాయని తాజాగా నిర్వహించిన అధ్యయనం తెలిపింది. అయితే ఇది చాలా ఫేమస్​ అయిన ఆహారాలలో ఉంటాయని షాకింగ్ విషయాలు తెలిపింది. అంతేకాకుండా.. FDA వీటిని సురక్షితమైనవిగానే గుర్తించింది. కానీ తాజాగా జరిపిన అధ్యయనం ఈ ఎమల్సిఫైయర్లు టైప్ 2 డయాబెటిస్​ను ప్రమోట్ చేస్తున్నాయని షాకింగ్ విషయం తెలిపింది. 

డీకోడ్ చేసిన అధ్యయనం

రక్తంలో చక్కెర స్థాయిలు నిశ్శబ్ధంగా ఎలా పెరుగుతున్నాయో ఈ అధ్యయనం తెలిపింది. బిస్కెట్లు, సలాడ్స్​ వంటి వాటి ద్వారా ఎమల్సిఫైయర్లు శరీరంలోకి వెళ్తున్నట్లు పరిశోధకులు గుర్తించారు. ఇన్సులిన్ నిరోధకతపై ఎమల్సిఫైయర్లు ఎలాంటి ప్రభావం చూపిస్తున్నాయని ఈ అధ్యయనంలో డీకోడ్ చేశారు. దీనిగురించి.. ది లాన్సెట్​లో ప్రచురించారు. ఈ న్యూ స్టడీ.. ఎమల్సిఫైయర్లు వల్ల టైప్ 2 డయాబెటిస్ అభివృద్ధి చేస్తుందని గుర్తించింది. రెగ్యూలర్​గా వినియోగించే, ప్రాసెస్ చేసిన ఏడు ఆహారాలలో ఎమల్సిఫైయర్​లు ఉన్నట్లు గుర్తించారు. 

ఇన్సులిన్​పై ప్రతికూల ప్రభావం

మయోనైస్, సలాడ్ డ్రెస్సింగ్, కుకీలు, బ్రెడ్స్, ఐస్​క్రీమ్​లు తీసుకున్నప్పుడు జాగ్రత్తగా ఉండాలని సూచిస్తున్నారు. ఈ ఫుడ్స్ లేబుల్​పై ఓ కన్ను వేయాలని చెప్తున్నారు. ఎమల్సిఫైయర్లు.. చమురు, నీరు వంటి రెండు వేర్వేరు పదార్థాలను కలిపి చేసే బైండింగ్ ఏజెంట్​లుగా చెప్తున్నారు. ఇవి టైప్ 2 డయాబెటిస్​ను అభివృద్ధి చేస్తాయని తెలిపారు. ఉప్పు, మోనో డైగ్లిజరైడ్స్, ఫ్యాట్స్, సోడియం సిట్రేట్, క్యారేజీనన్స్ లేదా సముద్రపు పాచి, గ్వార్ గమ్, శాంతన్ గమ్​.. ఈ పదార్థాలు ఇన్సులిన్​ నిరోధకతకు దారితీస్తాయి. గట్ బ్యాక్టీరియా, జీవక్రియ పనితీరులో జోక్యం చేసుకుని.. మధుమేహ ప్రమాద కారకాలను 15 శాతం వరకు పెంచుతాయని అధ్యయనం తెలిపింది. 

ఆ కెమికల్స్​తో జాగ్రత్త

ఐస్​ క్రీమ్​, బట్టర్, మయోన్నైస్ వరకు రోజువారీ ఆహారాల్లో ఎమల్సిఫైయర్​లు చూడవచ్చు. ఇవి అంతర్లీనంగా చెడు చేయవు. కానీ.. ఎమల్సిఫైయర్లు పండ్లలోని పెక్టిన్​ వలె సహజంగా కూడా సంభవిస్తాయి. అయితే కొన్ని పరిశోధనలు ఆహార సంకలిత ఎమల్సిఫైయర్​లు కొన్ని వ్యాధులపై తీవ్ర ప్రభావాలు ఇస్తాయి. క్యారేజీనాన్స్, క్యారేజీనన్ గమ్, ట్రిపోటాషియం ఫాస్పేట్, మోనోగ్లిజరైడ్స్, డైగ్లిజరైడ్స్, గమ్ అరబిక్, క్షాంతన్ గమ్.. ఈ ఏడురకాల ఎమల్సిఫైయర్స్​ టైప్ 2 డయాబెటిస్​కు ప్రధాన కారణమవుతున్నాయి. 

ఎమల్సిఫైయర్స్ అంటే ఏమిటి?

ఎమల్సిఫైయర్లు కెమికల్స్. ఇవి సాధారణంగా ఆహార పదార్థాల్లో ఉంటాయి కానీ.. వాటిలో కలిసిపోవు. నీళ్లలో నూనె కలుస్తుందా? లేదు కదా.. అలానే ఎమల్సిఫైయర్లు కూడా ఫుడ్​లో కలిసిపోవు. కానీ ఇవి మిశ్రమంగా మార్చడానికి సహాయపడతాయి. కొన్ని ఆహార పదార్థాలను ఎక్స్​పెయిరీ డేట్​ వరకు చిక్కగా, కరిగిపోకుండా ఉండేందుకు దీనిని ఉపయోగిస్తారు. నీరు, కొవ్వు పదార్థాలను ఒకదానితో ఒకటి బాగా మిక్స్​ చేస్తారు. ఐస్​క్రీమ్​ను కూడా ఇలానే తయారు చేస్తారు. అందుకే అది కరిగిపోకుండా ఉంటుంది. 

వాటికి దూరంగా ఉంటే మంచిది..

ఎమల్సిఫైయర్లు టైప్​ 2 డయాబెటిస్​కు దారి తీస్తాయి. కాబట్టి తీసుకునే ఆహారంలో ఎమల్సిఫైయర్​లు లేకుండా జాగ్రత్తలు తీసుకోవాలి. ఈ అధ్యయనం కోసం మే 1, 2009 నుంచి ఏప్రిల్ 26, 2023 వరకు లక్షమందిని పైగా స్టడీ చేశారు. పరిశోధకులు ప్రతి ఆరు నెలలకు ఈ స్టడీలో పాల్గొనేవారి ఆహారపు అలవాట్లు, ఎమల్సిఫైయర్ ఎక్స్​పోజర్​ను ల్యాబ్ పరీక్షల ద్వారా ట్రాక్​ చేశారు. ఈ ఫాలో అప్ తర్వాత.. టైప్​ 2 డయాబెస్​తో బాధపడుతున్నవారిని, వారి డేటాను గమనించి.. నిర్దిష్టమైన ఎమల్సిఫైయర్లు తీసుకోవడం వల్లనే టైప్ 2 మధుమేహం వచ్చినట్లు గుర్తించారు. 

ఈ ఎమల్సిఫైయర్​లు గట్​లోని రక్షిత శ్లేష్మ పొరను దెబ్బతీస్తాయి. గట్ ప్రమాదాన్ని పెంచుతాయని మునుపటి పరిశోధనలు కూడా తెలిపాయి. దీనివల్ల కడుపులో మంట సమస్య ఎక్కువ అవుతుంది. పోషకాలను, జీవక్రియలను ఉత్పత్తి చేసే గట్ సామర్థ్యం తగ్గిపోతుంది. ఇది శరీరంపై ప్రభావం చూపి.. ఇన్సులిన్​ సున్నితత్వాన్ని, గ్లూకోజ్​ను జీవక్రియ చేసే సామర్థ్యంపై ప్రతికూల ప్రభావం చూపి మధుమేహానికి దారి తీస్తుంది.