Bengaluru AI startup offers Rs 1 crore job: ఇప్పుడు కాలం మారిపోతోంది. ఉద్యోగానికి కావాల్సింది టాలెంట్ కానీ రెజ్యూమ్ కాదు.. కాలేజీ డిగ్రీ కాదు. ఈ విషయం ఓ స్టార్టప్ నిరూపిస్తోంది. బెంగళూరులోని AI స్టార్టప్ స్మాలెస్ట్ AI.. సాంప్రదాయిక రిజ్యూమ్ , డిగ్రీ అవసరం లేకుండా రూ. 1 కోటి జీతంతో ఉద్యోగ ఆఫర్ను ప్రకటించింది. ఈ ఆఫర్ డేటా సైన్స్, సాఫ్ట్వేర్ ఇంజనీరింగ్, AI రీసెర్చ్లో నైపుణ్యం ఉన్న కోడర్ల కోసం ప్రకటించారు.
ఈ ఉద్యోగం కోసం అభ్యర్థులు ఒక కోడింగ్ ఛాలెంజ్ను పూర్తి చేయాలి, ఇది వారి సాంకేతిక నైపుణ్యాలను పరీక్షిస్తుంది. సాంప్రదాయిక విద్యా అర్హతలు , CVలు అవసరం లేవు, బదులుగా నైపుణ్యాలు , సమస్య-పరిష్కార సామర్థ్యాలపై ఈ స్టార్టప్ దృష్టి పెట్టింది. స్మాలెస్ట్ AI, భారతదేశంలో AI ఆవిష్కరణలను వేగవంతం చేయడానికి శ్రమిస్తున్న స్టార్టప్, ఈ ఆఫర్ ద్వారా సాంప్రదాయిక రిక్రూట్మెంట్ పద్ధతులను సవాలు చేయాలని లక్ష్యంగా పెట్టుకుంది. సంస్థ వ్యవస్థాపకుడు సోషల్మీడియాలో ఈ ఆఫర్ పోస్టు చేశాడు. వెంటనే వైరల్ అయింది.
ఉద్యోగం కావాలనుకునే అభ్యర్థులు స్మాలెస్ట్ AI కోడింగ్ ఛాలెంజ్ను విజయవంతంగా పూర్తి చేయాలి,. ఇది AI, మెషిన్ లెర్నింగ్, సాఫ్ట్వేర్ డెవలప్మెంట్లో వారి సామర్థ్యాలను పరీక్షిస్తుంది. ఈ ఛాలెంజ్ ఓపెన్-సోర్స్ ప్రాజెక్టులు, రియల్-టైమ్ కోడింగ్ సమస్యలు, స్టార్టప్ ప్రాడక్ట్కు సంబంధించిన నిర్దిష్ట టాస్క్లను కలిగి ఉండవచ్చు. ఎంపిక ప్రక్రియ పూర్తిగా నైపుణ్యం ఆధారితమైనది, ఇది డిగ్రీ లేదా అనుభవం లేని వారికి కూడా అవకాశం కల్పిస్తుంది.
ఈ జాబ్ ఆఫర్ సోషల్ మీడియాలో చర్చనీయాంశమయింది. కొందరు దీనిని నైపుణ్యం ఆధారిత రిక్రూట్మెంట్లో ఒక విప్లవాత్మక చర్యగా పొగడగా, మరికొందరు దీనిని అసాధ్యమైన షరతులతో కూడిన "పబ్లిసిటీ స్టంట్"గా విమర్శించారు. కొంత మంది పెట్టుబడి కోసం పబ్లిసిటీగా భావిస్తున్నారు.