IBPS PO Recruitment Notification 2024-25: దేశంలోని వివిధ ప్రభుత్వరంగ బ్యాంకుల్లో ప్రొబేషనరీ ఆఫీసర్ (పీవో)/మేనేజ్‌మెంట్ ట్రెయినీ (ఎంటీ) పోస్టుల భర్తీకి ఇన్‌స్టిట్యూట్ ఆఫ్ బ్యాంకింగ్ పర్సనల్ సెలక్షన్(ఐబీపీఎస్) నోటిఫికేషన్ (సీఆర్‌పీ-పీవో XIV) విడుదల చేసింది. దీనిద్వారా మొత్తం 4455 ఖాళీలను భర్తీ చేయనున్నారు. ఏదైనా డిగ్రీ అర్హత ఉన్న అభ్యర్థులు ఈ పోస్టులకు దరఖాస్తు చేసుకోవడానికి అర్హులు. ఐబీపీఎస్ పీవో పోస్టుల ఆన్‌లైన్ దరఖాస్తు ప్రక్రియ ఆగస్టు 1న ప్రారంభంకాగా.. ఆగస్టు 21 వరకు దరఖాస్తులు సమర్పించవచ్చు. అభ్యర్థులు దరఖాస్తు ఫీజుగా రూ.850 చెల్లించాలి. ఎస్సీ, ఎస్టీ, దివ్యాంగులు రూ.175 చెల్లిస్తే సరిపోతుంది. ఆన్‌లైన్ విధానంలో దరఖాస్తు చేసుకోవాల్సి ఉంటుంది. రెండు దశల రాతపరీక్షలు, ఇంటర్వ్యూ ద్వారా అభ్యర్థుల ఎంపిక ఉంటుంది.
పోస్టుల వివరాలు..
* ప్రొబేషనరీ ఆఫీస‌ర్లు/ మేనేజ్‌మెంట్ ట్రైనీలు: 4455 పోస్టులు
ఐబీపీఎస్ పరిధిలోని బ్యాంకులు: బ్యాంక్ ఆఫ్ బరోడా, బ్యాంక్ ఆఫ్ ఇండియా, బ్యాంక్ ఆఫ్ మహారాష్ట్ర, కెనరా బ్యాంక్, సెంట్రల్ బ్యాంక్ ఆఫ్ ఇండియా, ఇండియన్ బ్యాంక్, ఇండియన్ ఓవర్సీస్ బ్యాంక్, పంజాబ్ నేషనల్ బ్యాంక్, పంజాబ్ అండ్ సింధ్ బ్యాంక్, యూకో బ్యాంక్, యూనియన్ బ్యాంక్ ఆఫ్ ఇండియా.
బ్యాంకుల వారీగా ఖాళీల వివరాలు:
➥ బ్యాంక్ ఆఫ్ ఇండియా: 885 పోస్టులు
➥ కెనరా బ్యాంక్: 750 పోస్టులు
➥ సెంట్రల్ బ్యాంక్ ఆఫ్ ఇండియా: 2000 పోస్టులు
➥ ఇండియన్ ఓవర్సీస్ బ్యాంక్: 260 పోస్టులు
➥ పంజాబ్ నేషనల్ బ్యాంక్: 200 పోస్టులు
➥ పంజాబ్ అండ్ సింధ్ బ్యాంక్: 360 పోస్టులు
అర్హత: ఏదైనా డిగ్రీ ఉత్తీర్ణత‌తో పాటు, కంప్యూటర్ నాలెడ్జ్ ఉండాలి.
వ‌యోపరిమితి: 01.08.2024 నాటికి 20 - 30 సంవత్సరాల మధ్య ఉండాలి. అభ్యర్థులు 02.08.1994 - 01.08.2004 మధ్య జన్మంచి ఉండాలి. నిబంధనల ప్రకారం ఎస్సీ, ఎస్టీలకు 5 సంవత్సరాలు, బీసీలకు 3 సంవత్సరాలు, దివ్యాంగులకు 10 సంవత్సరాలు, ఎక్స్-సర్వీస్‌మెన్ అభ్యర్థులకు 5 సంవత్సరాలు, 1984 అల్లర్ల బారినపడిన వారికి 5 సంవత్సరాల పాటు వయోసడలింపు వర్తిస్తుంది.
దరఖాస్తు విధానం: ఆన్‌లైన్ ద్వారా.
దరఖాస్తు ఫీజు: దరఖాస్తు ఫీజుగా ఎస్సీ, ఎస్టీ, దివ్యాంగులు రూ.175; ఇతరులు రూ.850 చెల్లించాలి.
ఎంపిక విధానం: ప్రిలిమనరీ, మెయిన్స్ రాతపరీక్షలు; ఇంటర్వ్యూ ద్వారా.
ప్రిలిమ్స్ పరీక్ష విధానం:
| విభాగం | ప్రశ్నలు | మార్కులు | సమయం |
| ఇంగ్లిష్ లాంగ్వేజ్ | 30 | 30 | 20 నిమిషాలు |
| క్వాంటిటేటివ్ అప్టిట్యూడ్ | 35 | 35 | 20 నిమిషాలు |
| రీజినింగ్ ఎబిలిటీ | 35 | 35 | 20 నిమిషాలు |
| మొత్తం | 100 | 100 | 60 నిమిషాలు |
మెయిన్స్ పరీక్ష విధానం:
| విభాగం | ప్రశ్నలు | మార్కులు | సమయం |
| రీజనింగ్‌ అండ్ కంప్యూటర్ అప్టిట్యూడ్ | 45 | 60 | 60 నిమిషాలు |
| జనరల్‌/ఎకానమీ/బ్యాంకింగ్ అవేర్‌నెస్‌ | 40 | 40 | 35 నిమిషాలు |
| ఇంగ్లిష్ లాంగ్వేజ్ | 35 | 40 | 40 నిమిషాలు |
| డేటా అనాలిసిస్‌ అండ్ ఇంటర్‌ప్రిటేషన్‌ | 35 | 60 | 45 నిమిషాలు |
| మొత్తం | 155 | 200 | 3 గంటలు |
| ఇంగ్లిష్ లాంగ్వేజ్ (లెటర్ రైటింగ్ & ఎస్సే) |
02 | 25 | 30 నిమిషాలు |
ముఖ్యమైన తేదీలు...
➥ ఆన్‌లైన్ దరఖాస్తు, ఫీజు చెల్లింపు ప్రక్రియ ప్రారంభం: 01.08.2024
➥ ఆన్‌లైన్ దరఖాస్తు, ఫీజు చెల్లించడానికి చివరితేది: 21.08.2024.
➥ ప్రీ-ఎగ్జామ్ ట్రైనింగ్: సెప్టెంబరు, 2024.
➥ ప్రిలిమిన‌రీ పరీక్ష(ఆన్‌లైన్) కాల్‌లెట‌ర్ డౌన్‌లోడ్‌: అక్టోబరు, 2024.
➥ ప్రిలిమిన‌రీ పరీక్ష: అక్టోబరు, 2024.
➥ ప్రిలిమిన‌రీ పరీక్ష ఫ‌లితాలు: అక్టోబరు/న‌వంబ‌రు 2024.
➥ మెయిన్ ఎగ్జామ్ కాల్‌లెట‌ర్ డౌన్‌లోడ్‌: న‌వంబ‌రు 2024.
➥ మెయిన్ ఎగ్జామ్: న‌వంబ‌రు 2024.
➥ మెయిన్ ఎగ్జామ్ ఫ‌లితాలు: డిసెంబ‌రు 2024/జనవరి 2025.
➥ ఇంటర్వ్యూ కాల్‌లెట‌ర్ డౌన్‌లోడ్‌: జనవరి/ఫిబ్రవరి 2025.
➥ ఇంటర్వ్యూ: జనవరి/ఫిబ్రవరి 2025.
➥ నియామకం: ఏప్రిల్ 2025.