ఢిల్లీ సబార్డినేట్ సర్వీసెస్ సెలక్షన్ బోర్డు వివిధ ఉద్యోగాల భర్తీకి నోటిఫికేషన్ విడుదల చేసింది. దీనిద్వారా డైరెక్టరేట్ ఆఫ్ ఎడ్యుకేషన్ విభాగంలో లైబ్రేరియన్, టీచింగ్ పోస్టులను భర్తీ చేయనున్నారు. పోస్టులవారీగా విద్యార్హతలు నిర్ణయించారు. సరైన అర్హతలు ఉన్నవారు అక్టోబరు 19 నుంచి నవంబరు 18 వరకు ఆన్‌లైన్ ద్వారా తమ దరఖాస్తులు సమర్పించాల్సి ఉంటుంది. రాతపరీక్ష ఆధారంగా అభ్యర్థులను ఎంపికచేస్తారు.
పోస్టుల వివరాలు..
* ఖాళీల సంఖ్య: 632
విభాగం: డైరెక్టరేట్ ఆఫ్ ఎడ్యుకేషన్
1) లైబ్రేరియన్: 100 పోస్టులు
అర్హత: ఏదైనా డిగ్రీతోపాటు, లైబ్రరీ సైన్స్ విభాగంలో డిగ్రీ ఉండాలి. సంబంధిత విభాగంలో రెండేళ్ల అనుభవం (లేదా) కంప్యూటర్ అప్లికేషన్‌లో ఏడాది సర్టిఫికేట్ కోర్సు చేసి ఉండాలి.
వయోపరిమితి: 30 సంవత్సరాలకు మించకూడదు.
జీతం: ₹ 44,900 - 1,42,400.
2) అసిస్టెంట్ టీచర్ (నర్సరీ): 04 పోస్టులు
అర్హత: 45 శాతం మార్కులతో ఇంటర్ లేదా తత్సమాన విద్యార్హత ఉండాలి. నర్సరీ టీచర్ ఎడ్యుకేషన్ ప్రోగ్రామ్‌లో డిప్లొమా లేదా సర్టిఫికేట్ కోర్సు చేసి ఉండాలి. (లేదా) బీఈడీ అర్హత ఉండాలి. ఇంటర్ స్థాయిలో హిందీ ఒక సబ్జెక్టుగా ఉండాలి.
వయోపరిమితి: 30 సంవత్సరాలకు మించకూడదు.
జీతం: ₹ 35,400 – 1,12,400.
3) ట్రైయిన్డ్ గ్రాడ్యుయేట్ టీచర్-టీజీటీ (కంప్యూటర్ సైన్స్): 106 పోస్టులు
అర్హత: బీసీఏ డిగ్రీ/ బీఎస్సీ (కంప్యూటర్స్)/ఇంజినీరింగ్ డిగ్రీ (బీఈ/బీటెక్) అర్హత ఉండాలి.
వయోపరిమితి: 30 సంవత్సరాలకు మించకూడదు.
జీతం: ₹ 44,900 – 1,42,400.
4) డొమెస్టిక్ సైన్స్ టీచర్: 201 పోస్టులు
అర్హత: బ్యాచిలర్స్ డిగ్రీ (డొమెస్టిక్ సైన్స్/హోంసైన్స్)తోపాటు డొమెస్టిక్ సైన్స్/హోంసైన్స్ టీచింగ్ సబ్జెక్టుగా బీఈడీ అర్హత ఉండాలి.
వయోపరిమితి: 30 సంవత్సరాలకు మించకూడదు.
జీతం: ₹ 44,900 – 1,42,400.
5) ఫిజికల్ ఎడ్యుకేషన్ టీచర్ (పీఈటీ): 221 పోస్టులు
అర్హత: బ్యాచిలర్స్ డిగ్రీ ఇన్ ఫిజికల్ ఎడ్యుకేషన్ (బీపీఈడీ) లేదా తత్సమాన విద్యార్హత ఉండాలి.
వయోపరిమితి: 30 సంవత్సరాలకు మించకూడదు.
జీతం: ₹ 44,900 – 1,42,400.
దరఖాస్తు విధానం: ఆన్‌లైన్ ద్వారా.
ఎంపిక విధానం: రాతపరీక్ష (వన్ టైర్ ఎగ్జామినేషన్) ఆధారంగా.
రాతపరీక్ష విధానం: మొత్తం 200 మార్కులకు రాతపరీక్ష నిర్వహిస్తారు. మొత్తం 200 ప్రశ్నలు ఉంటాయి.
ముఖ్యమైన తేదీలు..
✪ ఆన్‌లైన్ దరఖాస్తు ప్రక్రియ ప్రారంభం: 19.10.2022.
✪ ఫీజు చెల్లింపు ప్రక్రియ ప్రారంభం: 19.10.2022.
✪ ఆన్‌లైన్ దరఖాస్తుకు చివరితేది: 18.11.2022.
✪ ఫీజు చెల్లించడానికి చివరితేది: 18.11.2022.
Notification
Online Application
ఇవీ చదవండి..
స్టేట్ బ్యాంక్ ఆఫ్ ఇండియాలో 1422 ఉద్యోగాలు, పూర్తి వివరాలివే!
స్టేట్ బ్యాంక్ ఆఫ్ ఇండియా, కార్పొరేట్ సెంటర్ దేశవ్యాప్తంగా ఉన్న ఎస్‌బీఐ సర్కిళ్లలో 1422 సర్కిల్ బేస్డ్ ఆఫీసర్(సీబీవో) పోస్టుల భర్తీకి ఆన్‌లైన్ దరఖాస్తులు కోరుతోంది. హైదరాబాద్ సర్కిల్‌లో 176 ఖాళీలున్నాయి. ఎంపికైన అభ్యర్థులు దరఖాస్తు చేసుకున్న సర్కిల్/ రాష్ట్రంలో విధులు నిర్వర్తించాల్సి ఉంటుంది. ఏదైనా డిగ్రీ అర్హత ఉన్నవారు ఈ ఉద్యోగాలకు దరఖాస్తు చేసుకోవడానికి అర్హులు. ఆన్‌లైన్ ద్వారా దరఖాస్తు చేసుకోవాల్సి ఉంటుంది. రాతపరీక్ష, ఇంటర్వ్యూ ఆధారంగా ఎంపిక చేస్తారు.
నోటిఫికేషన్, పోస్టుల వివరాల కోసం క్లిక్ చేయండి..
ఎగ్జిమ్ బ్యాంకులో ఉద్యోగాలు, జీతమెంతో తెలుసా?
ఎక్స్‌పోర్ట్-ఇంపోర్ట్ బ్యాంక్ ఆఫ్ ఇండియా (ఎగ్జిమ్) మేనేజ్‌మెంట్ ట్రైనీ, మేనేజర్ ఉద్యోగాల భర్తీకి నోటిఫికేషన్ విడుదల చేసింది. పోస్టులవారీగా విద్యార్హతలు నిర్ణయించారు. సరైన అర్హతలున్న వారు ఆన్‌లైన్ ద్వారా దరఖాస్తు విధానంలో దరఖాస్తు చేసుకోవాల్సి ఉంటుంది. ఈ పోస్టుల భర్తీకి అక్టోబరు 14న దరఖాస్తు ప్రక్రియ ప్రారంభంకాగా.. నవంబరు 4 వరకు దరఖాస్తు చేసుకోవచ్చు. అభ్యర్థులు దరఖాస్తు ఫీజుగా రూ.600 చెల్లించాలి. ఎస్సీ, ఎస్సీ, దివ్యాంగులు, ఈడబ్ల్యూఎస్, మహిళా అభ్యర్థులు రూ.100 చెల్లిస్తే సరిపోతుంది. రాతపరీక్ష ద్వారా అభ్యర్థులను ఎంపికచేస్తారు.
నోటిఫికేషన్, పోస్టులు తదితర వివరాల కోసం క్లిక్ చేయండి..
సీడాక్‌‌లో 530 ప్రాజెక్ట్‌ స్టాఫ్‌ పోస్టులు, ఈ అర్హతలుంటే చాలు
పుణెలోని సెంటర్ ఫర్ డెవలప్ మెంట్ ఆఫ్ అడ్వాన్స్‌డ్ కంప్యూటింగ్(సీడ్యాక్) వివిధ పోస్టుల భర్తీకి దరఖాస్తులు కోరుతోంది. ఇంజినీరింగ్‌లో డిగ్రీ, పీజీ, పీహెచ్‌డీ చేసిన అభ్యర్థులు ఈ పోస్టులకు దరఖాస్తు చేసుకోవడానికి అర్హులు. అభ్యర్థులు ఆన్‌లైన్ ద్వారా అక్టోబరు 20లోపు దరఖాస్తు చేసుకోవాల్సి ఉంటుంది. రాతపరీక్ష, ఇంటర్వ్యూ ఆధారంగా ఉద్యోగ ఎంపికలు చేపడతారు.
నోటిఫికేషన్, పోస్టులు తదితర వివరాల కోసం క్లిక్ చేయండి..