APPSC Group 2 Mains Exam Postponed: ఏపీలో గ్రూప్-2 పోస్టుల భర్తీకి నిర్వహించనున్న మెయిన్స్ పరీక్షను ఏపీపీఎస్సీ వాయిదావేసింది. పాలనాపరమైన కారణాల వల్ల పరీక్ష వాయిదావేసినట్లు ఒక ప్రకటనలో తెలిపింది. ముందుగా ప్రకటించిన షెడ్యూలు ప్రకారం జులై 28న గ్రూప్-2 మెయిన్స్ నిర్వహించాల్సి ఉంది. అయితే తాజాగా వాయిదా వేస్తున్నట్లు కమిషన్ ప్రకటించింది. గ్రూప్-2 పోస్టుల సంఖ్యకు అనుగుణంగా 1:100 నిష్పత్తిలో మెయిన్స్ పరీక్షకు అభ్యర్థులకు ఏపీపీఎస్సీ ఎంపికచేసిన సంగతి తెలిసిందే. ప్రిలిమ్స్ ఫలితాల ద్వారా మొత్తం 92,250 మంది అభ్యర్థులు మెయిన్స్‌కు అర్హత సాధించారు. 


రాష్ట్ర వ్యాప్తంగా ప్రధాన కేంద్రాల్లో ఫిబ్రవరి 25వ తేదీన ప్రిలిమ్స్‌ జరిగిన విషయం తెలిసిందే. రాష్ట్రవ్యాప్తంగా మొత్తం 1327 కేంద్రాల్లో గ్రూప్-2 పరీక్ష నిర్వహించారు.  ఈ పరీక్షకు మొత్తం 87.17 శాతం అభ్యర్థులు హాజరయ్యారు. రాష్ట్రంలో మొత్తం 897 గ్రూప్-2 పోస్టులకుగాను 4,83,535 మంది దరఖాస్తు చేసుకోగా.. 4,63,517 మంది హాల్‌టికెట్లు డౌన్‌లోడ్ చేసుకున్నారు. వీరిలో 4,04,037 (87.17%) మంది పరీక్షకు హాజరయ్యారు. పరీక్షకు హాజరైనవారిలో 92,250 మంది మెయిన్స్‌కు ఎంపికయ్యారు. మెయిన్ రాతపరీక్షలో కనబరచిన ప్రతిభ ఆధారంగా ఎంపికైన అభ్యర్థులకు కంప్యూటర్ ప్రొఫిషియన్సీ పరీక్ష(CPT) నిర్వహిస్తారు. 


అభ్యర్థుల విజ్ఞప్తుల మేరకే వాయిదా..?
రాష్ట్రంలో జులై 28న నిర్వహించబోయే గ్రూప్-2 మెయిన్స్‌ పరీక్షను వాయిదా వేయాలంటూ రాష్ట్రవ్యాప్తంగా అభ్యర్థుల నుంచి డిమాండ్లు వెల్లువెత్తాయి. ఒకపక్క సిలబస్‌లో మార్పులు, మరోవైపు ఎన్నికల ప్రక్రియ వల్ల పూర్తిస్థాయిలో గ్రూప్-2 మెయిన్స్ పరీక్షకు సన్నద్ధం కాలేకపోయామంటూ.. పరీక్షకు మరికొంత సమయం పెంచాలంటూ పలువురు ఆందోళనలు చేపట్టారు. నిరుద్యోగుల అభ్యర్థన దృష్ట్యా సానుకూల నిర్ణయం తీసుకోవాలంటూ పలువురు ప్రజాప్రతినిధులు సైతం విజ్ఞప్తి చేశారు. ఈ విన్నపాలపై స్పందించిన ఏపీపీఎస్సీ తాజాగా పరీక్షను వాయిదావేస్తున్నట్లు ప్రకటించింది.



గ్రూప్-2 మెయిన్ పరీక్ష విధానం..



ఏపీలో 899 గ్రూప్-2 పోస్టుల భర్తీకి  ఏపీపీఎస్సీ(APPSC) గతేడాది డిసెంబరు 7న నోటిఫికేషన్ విడుదల చేసిన సంగతి తెలిసిందే. గ్రూప్-2 పోస్టులకు సంబంధించి మొత్తం 899 ఖాళీల్లో.. 53 క్యారీడ్ ఫార్వర్డ్ పోస్టులకాగా, 846 తాజా ఖాళీలు ఉన్నాయి. వీటిలో 333 ఎగ్జిక్యూటివ్(Excutive), 566 నాన్-ఎగ్జిక్యూటివ్(Non Excutive) పోస్టులు ఉన్నాయి. అభ్యర్థుల నుంచి డిసెంబరు 21 నుంచి జవనరి 17 వరకు దరఖాస్తులు స్వీకరించారు. గ్రూప్-2 పోస్టుల భర్తీని ప్రిలిమినరీ, మెయిన్ పరీక్షల ఆధారంగా భర్తీచేయనున్నారు. అభ్యర్థులకు ఫిబ్రవరి 25న స్క్రీనింగ్ పరీక్ష (ప్రిలిమినరీ పరీక్ష) నిర్వహించారు. ఈ పరీక్షలో అర్హత సాధించిన అభ్యర్థులను ఏపీపీఎస్సీ నిర్ణయించిన నిష్పత్తి ఆధారంగా మెయిన్ పరీక్షకు ఎంపిక చేస్తారు. మెయిన్ పరీక్ష తేదీలను తర్వాత ప్రకటించనున్నారు. మెయిన్ రాత పరీక్షలో కనబరచిన ప్రతిభ ఆధారంగా అభ్యర్థులకు కంప్యూటర్ ప్రొఫిషియన్సీ పరీక్ష(CPT) నిర్వహిస్తారు. స్క్రీనింగ్ పరీక్ష, మెయిన్ పరీక్ష రెండూ ఆఫ్‌లైన్ మోడ్(ఓఎంఆర్) ఆబ్జెక్టివ్ విధానంలోనే జరుగుతాయి. కొత్త సిలబస్ ప్రకారమే గ్రూప్-2 మెయిన్స్ పరీక్ష నిర్వహించనున్నారు. 


గ్రూప్-2 పోస్టుల వివరాలు..


ఖాళీల సంఖ్య: 899


➥ ఎగ్జిక్యూటివ్ పోస్టులు: 333


➥ నాన్-ఎగ్జిక్యూటివ్ పోస్టులు: 566


ఎగ్జిక్యూటివ్ పోస్టుల వివరాలు..


➥ మున్సిపల్ కమిషనర్ గ్రేడ్-III: 04 పోస్టులు
➥ సబ్-రిజిస్ట్రార్ గ్రేడ్- II: 16 పోస్టులు
➥ డిప్యూటీ తహసీల్దార్: 114 పోస్టులు
➥ అసిస్టెంట్ లేబర్ ఆఫీసర్: 28 పోస్టులు
➥ అసిస్టెంట్ రిజిస్ట్రార్: 16 పోస్టులు
➥ ఎక్స్‌టెన్షన్ ఆఫీసర్: 02 పోస్టులు
➥ ప్రొహిబిషన్ & ఎక్సైజ్ సబ్-ఇన్‌స్పెక్టర్: 152 పోస్టులు
➥ అసిస్టెంట్ డెవలప్‌మెంట్ ఆఫీసర్: 01 పోస్టు


నాన్-ఎగ్జిక్యూటివ్ పోస్టుల వివరాలు..


➥ అసిస్టెంట్ సెక్షన్ ఆఫీసర్ (GAD): 218 పోస్టులు
➥ అసిస్టెంట్ సెక్షన్ ఆఫీసర్ (లా): 15 పోస్టులు
➥ అసిస్టెంట్ సెక్షన్ ఆఫీసర్ (లెజిస్లేచర్): 15 పోస్టులు 
➥ అసిస్టెంట్ సెక్షన్ ఆఫీసర్ (ఫైనాన్స్): 23 పోస్టులు 
➥ సీనియర్ ఆడిటర్: 08 పోస్టులు
➥ ఆడిటర్: 10 పోస్టులు
➥ సీనియర్ అకౌంటెంట్ (కేటగిరీ-1 HOD): 01 పోస్టు
➥ సీనియర్ అకౌంటెంట్ (కేటగిరీ-1): 12 పోస్టులు
➥ సీనియర్ అకౌంటెంట్: 02 పోస్టులు
➥ జూనియర్ అకౌంటెంట్: 22 పోస్టులు
➥ జూనియర్ అసిస్టెంట్: 240 పోస్టులు


గ్రూప్-2 పోస్టుల అర్హతలు, ఇతర వివరాల కోసం క్లిక్ చేయండి.. 



మరిన్ని ఉద్యోగ వార్తల కోసం క్లిక్ చేయండి. . .