ముంబై మహా నగరంలో దారుణం చోటు చేసుకుంది. ఆస్తి గొడవల్లో నటి వీణా కపూర్ (Veena Kapoor) ను ఆమె కన్న కుమారుడు అత్యంత పాశవికంగా హత్య చేశారు. ఈ ఘటన పలువురికి షాక్ కలిగించింది. అసలు వివరాల్లోకి వెళితే...
నటి వీణా కపూర్ ఇక లేరు. ఆమె వయసు 74 సంవత్సరాలు. ముంబైలో ఓ 74 ఏళ్ళ మహిళను కన్న కుమారుడు చంపిన వార్త సోషల్ మీడియాలో వైరల్ అయ్యింది. ఆ మహిళ ఎవరో కాదని, నటి వీణా కపూర్ అని తెలియడంతో యావత్ హిందీ చిత్ర పరిశ్రమతో పాటు ప్రజలు కూడా షాక్ అయ్యారు.
Veena Kapoor Murder Case : వీణా కపూర్‌ను ఆమె చిన్న కుమారుడు సచిన్ కపూర్ హత్య చేశారు. బేస్ బాల్ బ్యాటుతో తల్లి తలపై కొట్టి కొట్టి ప్రాణాలు పోయేలా చేశారు. ఆ తర్వాత మృత దేహాన్ని తీసుకుని ముంబైకు 90 కిలోమీటర్ల దూరం వెళ్ళాడు. రాయఘడ్ జిల్లాలోని ఓ నదిలో పారేశాడు. ఈ విషయాన్ని వీణా కపూర్ స్నేహితురాలు, నటి నీలు కోహ్లీ సోషల్ మీడియాలో పోస్ట్ చేశారు.
నీలు కోహ్లీ తెలియజేసిన వివరాల ప్రకారం... అమెరికాలో ఉంటున్న వీణా కపూర్ మరో కుమారుడికి అనుమానం రావడంతో పోలీసులకు ఫిర్యాదు చేశారు. వాళ్ళు వీణ చిన్న కుమారుడు సచిన్ కపూర్‌ను ఇంటరాగేట్ చేయగా... తల్లిని హత్య చేసినట్లు అంగీకరించాడు. అతడితో పాటు మర్డర్ చేయడంతో పాటు బాడీని మాయం చేయడానికి సహకరించిన వీణా కపూర్ వ్యక్తిగత సహాయకుడిని కూడా పోలీసులు అరెస్ట్ చేశారు. ఆస్తి గొడవల కారణంగా తల్లిని హత్య చేసినట్లు సచిన్ కపూర్ పోలీసులకు తెలియజేసినట్లు సమాచారం.
ముంబైలోని జుహూ ఏరియాలో మర్డర్ జరిగింది. అక్కడ ఓ అపార్ట్‌మెంట్‌లోని ఫ్లాట్‌లో వీణా కపూర్ నివసిస్తున్నారు. సుమారు పన్నెండు కోట్ల రూపాయల విలువ చేసే ఆ ఫ్లాట్ విషయంలో తల్లి కుమారుడి మధ్య గొడవ చోటు చేసుకున్నట్లు తెలుస్తోంది. వీణా కపూర్ మృతి పట్ల పలువురు ప్రముఖులు సంతాపం వ్యక్తం చేశారు. పలు హిందీ సినిమాలు, సీరియళ్లలో వీణా కపూర్ నటించారు.
Also Read : అల్లు అర్జున్ సినిమా వచ్చే ఏడాది లేనట్లే - 'పుష్ప 2' ప్లాన్ మారింది