Madhuranagarilo August 10th: శ్యామ్ సంయుక్త చేతి మీద ఐ లవ్ యూ రాధ అని రాయడంతో సంయుక్త బాధపడటంతో వెంటనే శ్యామ్ ఇలా చెప్పడం తప్పే కావచ్చు కానీ తప్పదు అని సారీ చెప్పి అక్కడి నుంచి వెళ్తాడు. దాంతో సంయుక్త తన గదికి వెళ్లి తన చెయ్యి చూసుకుంటూ బాగా ఏడుస్తుంది. అప్పుడే రాధ వచ్చి సంయుక్త ఏం జరిగింది ఇలా ఉన్నావని అడగటంతో సంయుక్త కోపంగా ఏం జరిగిందా అంటూ చెయ్యి చూపిస్తుంది.
చూసావా శ్యామ్ ప్రేమ ఎంత దూరం వచ్చిందో చూసావా అంటూ కోపంగా మాట్లాడుతూ.. నా మెహేంది ఫంక్షన్ లో ఐ లవ్ యూ రాధ అని నా చెయ్యి మీద రాసే వరకు వచ్చిందని అంటుంది. అసలు శ్యామ్ నాకోసం రాలేదు మధుర అత్తయ్యకు నిజం చెప్పి పెళ్లి ఆపించాలని వచ్చాడు అని అంటుంది. అందుకే చేతి మీద మెహేంది పెట్టాడు అని అంటుంది. ఇలా చేస్తే నా పెళ్లి జరుగుతుందా అని బాధపడుతుంది.
శ్యామ్ ఇంతలా తెగించాడు అంటే నువ్వు ప్రేమిస్తున్నట్లు అతనికి ఏమైనా హింటిచ్చావా అని అంటుంది. వెంటనే రాధ అటువంటి హింట్ ఏమి ఇవ్వలేదు.. నేను తనని ప్రేమిస్తున్నట్లుగా ఎటువంటి హింట్ ఇవ్వలేదు అనటంతో సంయుక్త షాక్ అవుతుంది. దాంతో రాధ మాటలకు అనుమానం రావటంతో నువ్వు శ్యామ్ ను ప్రేమిస్తున్నావా అని అడుగుతుంది. నేను సార్ ని అస్సలు ప్రేమించడం లేదు మీ ఇద్దరికీ పెళ్లి జరుగుతుంది అని అంటుంది.
శ్యామ్ సర్ మధుర మేడమ్ కి నిజం చెప్పకుండా నేను చూసుకుంటానని మాట ఇస్తుంది. దాంతో సంయుక్త నా చేతిలో ఉన్న నీ పేరు ఎవరి కంటపడకుండా ఎలా చూసుకుంటావని అడుగుతుంది. చూసే వాళ్లకు ఏం సమాధానం చెప్పాలని అరుస్తుంది. దాంతో రాధ ఏమి చెప్పకుండా మౌనంగా ఉంటుంది. మధుర తన డిజైన్ బాగుంది అనడంతో వెంటనే శ్యామ్ మధుర దగ్గరికి వచ్చి నేను సంయుక్తకు వేసిన డిజైన్ ఇంకా బాగుందని అంటాడు.
దాంతో ఏం డిజైన్ వేశావురా అని సంయుక్తను పిలుస్తుంది. అప్పుడే శ్యామ్ నీతో మాట్లాడాలని మధుర తో అంటాడు. నాతో తర్వాత మాట్లాడొచ్చు గాని ముందు సంయుక్త చేతికి ఏం డిజైన్ వేసావో చెప్పు అని అడుగుతుంది. మీరే చూస్తారు కదా అని శ్యామ్ అంటాడు. ఇక సంయుక్త ని పిలవటంతో సంయుక్త అక్కడికి రాగా శ్యామ్ ఏం డిజైన్ వేసాడో చూపించు అని అంటుంది.
తర్వాత చూపిస్తాను అని అనటంతో శ్యామ్ ఇప్పుడే చూపించమని అంటాడు. సంయుక్త చూపించకపోయేసరికి బలవంతంగా శ్యామ్ వెళ్లి తన చెయ్యి అందరికీ చూపిస్తాడు. ఇక అందరూ షాక్ అయినట్లు కనిపిస్తారు. కానీ మళ్లీ మెల్లిమెల్లిగా నవ్వుకుంటున్నట్లు కనిపిస్తారు. వారిని చూసి మరింత ఆశ్చర్యపోతాడు.
వెంటనే మధుర చాలా బాగుంది డిజైన్ అని అంటుంది. శ్యామ్ అనుమానం వచ్చి సంయుక్త చెయ్యి చూడటంతో ఐ లవ్ యూ సంయుక్త అని రాసి ఉంటుంది. వెంటనే రాధ ఎవరికి అనుమానం రాకుండా మేనేజ్ చేయగలం అని అనుకుంటుంది. ఇక మధుర మాత్రం తెగ మురిసిపోతూ ఉంటుంది. సంయుక్త అక్కడినుంచి మళ్లీ తన గదిలోకి వెళ్లి ఏడుస్తూ ఉంటుంది.
అప్పుడే అపర్ణ, సంయుక్త ఫ్రెండ్ అక్కడికి వస్తారు. ఏం జరిగింది ఎందుకు ఏడుస్తున్నావ్ అని అపర్ణ అడుగుతుంది. వెంటనే సంయుక్త జరిగిన విషయం మొత్తం చెబుతుంది. రాధ తన పేరును కనపడకుండా చేసి సంయుక్త అని రాసినట్లు చెబుతుంది. ఇక అపర్ణకు బాగా కోపం వస్తుంది. తను రాధను ప్రేమిస్తున్న విషయం డైరెక్ట్ గా నీకే చెప్పాడు అంటే ఎంత తెగించాడు అని అంటుంది.
ఇప్పుడు మధురకు తెలిస్తే ఏంటి పరిస్థితి అనటంతో అప్పుడే రాధ ఏం జరగకుండా నేను చూసుకుంటాను అని అక్కడికి రావడంతో వెంటనే అపర్ణ రాధ చంప పగలగొడుతుంది. ఈ పరిస్థితి రావడానికి కారణం నువ్వు.. నా కూతురు, అల్లుడికి మధ్య నువ్వు అనేది లేకుంటే పరిస్థితి ఇంత దూరం వచ్చేది కాదు అని అంటుంది. దాంతో రాధ తన ప్రమేయం లేకుండా జరిగిన దానికి నేనేం చేయాలి అని అంటుంది.
కానీ అపర్ణ మాత్రం బాగా అరుస్తూ ఉంటుంది. ఇక రాధ శ్యామ్, సంయుక్తల పెళ్లి జరిగే బాధ్యత నాది.. ఎటువంటి అడ్డంకులు రాకుండా నేను చూసుకుంటాను.. అందుకే ఇందాక నా పేరు తీసేసి సంయుక్త పేరు పెట్టాను వెంటనే సంయుక్త.. అలా నా పేరు పెట్టినందుకు థాంక్స్ కాని ఇలా శ్యామ్ రాయడానికి కారణం నువ్వే అని అంటుంది.
ఇక రాధ నేను మాత్రం తనని ప్రేమించడం లేదు అని అంటుంది. ఇక ఈ విషయం మధురం మేడంకి శ్యామ్ సర్ చెప్పాడని.. ఎందుకంటే తను హార్ట్ పేషెంట్ అని.. ఎలాగైనా మీ పెళ్లి జరుగుతుంది అని ధైర్యం ఇస్తుంది. కానీ సంయుక్త జరగకపోతే పండుకి నువ్వు కన్న తల్లివి కాదన్న విషయం చెప్పేస్తాను అని బెదిరిస్తుంది. మరోవైపు వాసంతి గోరింటాకు ఎర్రగా పండటంతో అందమైన మొగుడు వచ్చాడా అని మరో అమ్మాయి అడగటంతో గన్నవరం గురించి కౌంటర్ వేసే విధంగా డైలాగ్ కొడుతుంది.
శ్యామ్ ఒంటరిగా కూర్చొని తన తల్లికి తన ప్రేమ విషయం ఎలా చెప్పాలో అని ఆలోచిస్తూ ఉంటాడు. అప్పుడే అక్కడికి సంయుక్త వస్తుంది. డిన్నర్ కి రమ్మని అనటంతో వెంటనే నువ్వు చేసిన పనికి నా కడుపు నిండిపోయింది అని చిరాకు పడతాడు. నా మనసులో ఏముందో అని తెలుసి కూడా మళ్లీ నన్ను పెళ్లి చేసుకోవడానికి రెడీ అయ్యావు కదా అని అంటాడు.
అసలు విషయం మీ మమ్మీకి మా మమ్మీకి చెప్పచ్చు కదా అని అంటాడు. వెంటనే సంయుక్త నేను నిన్ను ఇంతలా ఇష్టపడుతున్న దాన్ని ఎలా చెప్పాలి అని అంటుంది. రాధను ప్రేమించిన నువ్వు తనను పెళ్లి చేసుకోవడానికి ఎంత ఆశ పడుతున్నావో నేను కూడా నీ విషయంలో అంతే ఆశ పడుతున్నాను అని అంటుంది. ఇక శ్యామ్ ఇష్టం లేకుండా నేను నిన్ను పెళ్లి చేసుకుంటే మనిద్దరికీ నరకం అని అంటాడు. ఆ నరకాన్ని నేను స్వర్గంగా మార్చుకుంటాను అని సంయుక్త అంటుంది.
ఏదేమైనా రేపు మనిద్దరికీ పెళ్లి జరుగుతుంది అని గట్టిగా చెబుతుంది. శ్యామ్ మాత్రం తల పట్టుకొని చిరాకు పడుతూ ఉంటాడు. రాధ గాని సంయుక్త చేతుల్లో తన పేరు చెరిపేయకుండా ఉంటే ఈపాటికి అందరికీ తెలిసేది అని అనుకుంటాడు. అసలు ఈ రాధ ఎక్కడ ఉంది అని అనుకుంటాడు.
Join Us on Telegram: https://t.me/abpdesamofficial