Seethe Ramudi Katnam Serial Today November 14th: 'సీతే రాముడి కట్నం' సీరియల్: ఎన్‌కౌంటర్ నుంచి తప్పించుకున్న విద్యాదేవి.. మహాలక్ష్మీ  అంతు చూడటానికి చేతులు కలిపిన అత్తాకోడళ్లు!

Seethe Ramudi Katnam Today Episode విద్యాదేవి ఎన్‌కౌంటర్ నుంచి తప్పించుకోవడం సుమతినే విద్యాదేవి అని సీతకు తెలిసిపోవడంతో ఇవాళ్టి ఎపిసోడ్ ఆసక్తికరంగా మారింది.

Seethe Ramudi Katnam Serial Today Episode మహాలక్ష్మీ సీఐకి కాల్ చేసి విద్యాదేవి అలియాస్ సుమతిని ఎన్‌కౌంటర్ చేయమని చెప్తుంది. దాంతో సీఐ త్రిలోక్ విద్యాదేవిని పిలిచి వేరే స్టేషన్‌కి తీసుకెళ్లాలని అంటాడు. ఎక్కడికి తీసుకెళ్తున్నారు చెప్పమని విద్యాదేవి అడుగుతుంది. పోలీసులు విద్యాదేవిని తీసుకొని ఎన్‌కౌంటర్ చేయడానికి రాత్రి బయటకు వెళ్తారు. సీన్ కట్ చేస్తే ఉదయం పోలీసులు మహాలక్ష్మీ ఇంటికి వస్తారు. 

మహాలక్ష్మీ: అర్చనతో.. విద్యాదేవిని ఎన్‌కౌంటర్ చేశామని చెప్పడానికి వచ్చారు.
జనార్థన్: ఏంటి సీఐ గారు ఇలా వచ్చారు. 
సీఐ: మీకు ఒక విషయం చెప్పాలి. 
మహాలక్ష్మీ: నాకు తెలుసు సీఐ గారు విద్యాదేవి పారిపోవడానికి ప్రయత్నించి ఉంటుంది. దాంతో ఎన్‌కౌంటర్ చేసుకుంటారు. తను స్పాట్‌లోనే చనిపోయి ఉంటుంది. అంతే కదా. 
రామ్: టీచర్ పారిపోవడానికి ప్రయత్నించారా. ఏదో ఒక మూల ఆవిడ అలాంటిది కాదు అని ఒక నమ్మకం ఉండేది ఇప్పుడు అది కూడా పోయింది.
మహాలక్ష్మీ: ఏంటి సీఐ గారు విద్యాదేవి డెడ్ బాడీ గుర్తించడానికి మమల్ని రమ్మంటారా.
సీఐ: ఆవిడ చనిపోలేదు మేడం. పారిపోయింది. వేరే స్టేషన్‌కి  షిఫ్ట్ చేయాలని ఆర్డర్స్ వచ్చాయి షిఫ్ట్ చేస్తుంటే తను పారిపోయింది.

ఫ్లాష్ బ్యాక్..

విద్యాదేవిని రాత్రి పోలీసులు తీసుకెళ్తుంటే విద్యాదేవికి అనుమానం వస్తుంది. ఇదంతా మహాలక్ష్మీ ప్లాన్ అని గ్రహించి తప్పించుకోవాలి అనుకుంటుంది. ఇక ఓ చోట పోలీసుల్ని ఆపించి టాయిలెట్‌కి వెళ్లాలి అని చెప్పి ఇద్దరు లేడీ కానిస్టేబుల్స్‌తో కలిసి బయటకు వస్తుంది. అక్కడ వాళ్ల ముఖంలో మట్టి విసిరేసి పారిపోతుంది విద్యాదేవి. లేడీ కానిస్టేబుల్స్ విషయం సీఐకి చెప్తే వెతకమని అంటారు. 

ఇక ఈ విషయం అంతా సీఐ మహాలక్ష్మీ వాళ్లకి చెప్తారు. అలా ఎలా వదిలేశారని మహాలక్ష్మీ అడిగితే తన మీద కనిపిస్తే కాల్చేయమని ఆర్డర్స్ వచ్చాయని సీఐ త్రిలోక్ చెప్తాడు. తర్వాత మహాలక్ష్మీ సీఐతో మాట్లాడుతుంది. ఈ సారి తప్పించుకుంది కానీ నేనేంటో పని పూర్తి చేసి చూపిస్తానని చెప్తుంది. సాఫ్ట్‌గా ఉండే టీచర్ అంత వైలెంట్‌గా ఎలా ఉందో అర్థం కావడం లేదని రామ్ అంటాడు.

ఇక సీత ఓ చోట తన వ్యాన్ డిక్కీ ఓపెన్ చేస్తుంది. దానిలో విద్యాదేవి ఉంటుంది. రాత్రి విద్యాదేవి పోలీసుల నుంచి తప్పించుకుంటుంటే అదే టైంకి అక్కడికి సీత చీరల వ్యాన్‌తో వస్తుంది. విద్యాదేవిని చూసి తన వ్యాన్ ఎక్కించి పోలీసుల నుంచి తప్పిస్తుంది. 

విద్యాదేవి: థ్యాంక్యూ సీత నన్ను కాపాడావు.
సీత: నా మేనత్తని కాపాడుకోవడానికి ఆ మాత్రం చేయలేనా అత్తమ్మ. ( విద్యాదేవి షాక్ అయిపోతుంది) అవును మీరే నా మేనత్త మా సుమతి అత్తమ్మ. 
విద్యాదేవి: ఇదంతా నీకు ఎలా.
సీత: నాకు అంతా తెలుసు అత్తమ్మ నాన్నతో నువ్వు ఫోన్లో మాట్లాడటం. ప్రీతి పెళ్లి కోసం ఆరాటపడటం. మొన్న అంజనం వాడితో మాట్లాడటం అంతా విన్నాను. నాకు మొదటి నుంచి మీరే నా మేనత్త అని అనుమానంగా ఉండేది అదే నిజం అయింది.
విద్యాదేవి: సీత అని ఇద్దరూ హగ్ చేసుకుంటారు. చాలా సార్లు మాట నోటి వరకు వచ్చి ఆగాను. నువ్వు చాలా తెలివైన దానివి నన్ను ఇట్టే పసిగట్టేశావు. ఆ మహాలక్ష్మీ తెలివిగా నన్ను ఇరికించింది.
సీత: అవును అత్తమ్మ ఇప్పుడు మీరే సుమతి అత్తమ్మ అని నిరూపించాలి అంటే నాకు బలమైన సాక్ష్యాలు కావాలి ప్రీతి పెళ్లిలోపు అవి సంపాదిస్తా. అప్పటి వరకు మీకు అజ్ఞాతం తప్పదు. నేను సాక్ష్యాలు సంపాదిస్తా అప్పుడు ఆ మహాలక్ష్మీ అంతు చూద్దాం. అప్పటి వరకు మీరు ఈ వ్యాన్‌లోనే ఉండాలి. ఇందులో అయితే ఎవరికీ అనుమానం రాదు. ఇందులోనే మీకు అన్ని ఏర్పాట్లు చేస్తాను. 

సీత ఇంటికి వస్తుంది. సుమతిని వ్యాన్లోనే ఉండమని తాను లోపలికి వెళ్తుంది. సీత ఇంటికి రాగానే రామ్ రాత్రి ఇంటికి రాలేదు ఎందుకు అని సీరియస్ అవుతాడు. దీంతో ఇవాళ్టి ఎపిసోడ్ పూర్తయిపోతుంది.