Satyabhama Today Episode క్రిష్ వాళ్లు కోర్టు బయట నిల్చొని ఉంటే లాయర్ ధనుంజయ్ గ్రాండ్ ఎంట్రీ ఇస్తారు. ఆయన్ను చూసి క్రిష్ ఎవరిది ఇంత బిల్డప్ ఇస్తున్నాడు అంటే ఆయనకు అంత బిల్డప్ ఉందని క్రిష్ వాళ్ల లాయర్ ప్రకాశం అంటాడు. పేరు మోసిన క్రిమినల్ లాయర్ అని ఆయన కేసు టేకప్ చేస్తే గెలవడం ఖాయమని జడ్జిలు కూడా ఆయన తీసే లా పాయింట్లకి బుక్స్ తిరగేస్తారని చెప్తాడు.
క్రిష్: వాని సంగతి సరే కాని నువ్వు జడ్జి చుట్టూ పొర్లు దండాలు పెట్టి అయినా సరే బెయిల్ ఇప్పించాలి. అర్థమైందా.
సత్య: క్రిష్ మాటలు తలచుకొని బాధ పడుతూ కూర మాడ్చేస్తుంది. రేణుక వచ్చి ఏమైందని అడుగితే తండ్రి బెయిల్ విషయం గురించి ఆలోచిస్తున్నాను అని అంటుంది. క్రిష్ని నమ్మి వెళ్లలేదు అక్క. నేను నాన్నని దూరం చేసుకున్నానో నాన్న నన్ను దూరం చేసుకున్నారో తెలీడం లేదు అక్క దిగులుగా ఉంది. ఒంటరిగా అని పిస్తుంది.
రేణుక: నా బిడ్డని కాపాడింది నువ్వు సత్య ఆ పుణ్యం ఊరికే పోదు మీ నాన్నని కాపాడుతుంది.
భైరవి: తోడికోడళ్ల అనుబంధం చూడ ముచ్చటగా ఉంది. వెటకారంగా అంటుంది. ఇక కూర మాడిపోయినందుకు సత్యని తిడుతుంది. నా మీద ఎందుకు కక్ష కట్టారని అడుగుతుంది. దాంతో భైరవి ఇన్ని రోజులు నా కొడుకుని బుట్టలో వేసుకొని ఆడించావ్ అని ఇప్పుడు వాడు నీ నిజస్వరూపం తెలుసుకొని నిన్ను ఇంట్లో నుంచి కదల కుండా చేశాడని అంటుంది.
కోర్టులో విశ్వనాథం కేసు వాదన జరుగుతుంది. విశ్వనాథాన్ని హంతకుడు అని పీపీ అంటే సంధ్య లేచి మా నాన్న హంతకుడు కాదు అని అరుస్తుంది. ఇక పీపీ విశ్వనాథానికి బెయిల్ ఇవ్వొద్దని అంటాడు. ప్రకాశం విశ్వనాథం తరపున మాట్లాడుతాడు. జడ్జి విశ్వనాథాన్ని అసలేం జరిగిందో అని అడుగుతాడు. మీరు చెప్పే సమాధానం మీద తీర్పు ఉంటుందని అంటాడు. హర్ష, సంధ్యలు వద్దు అని తల ఊపుతారు. విశ్వనాథం మాత్రం తాను చేసిన నేరానికి శిక్ష విధించండని అంటాడు. అందరూ షాక్ అయిపోతారు. ఇక నేరం చేసినట్లు ముద్దాయి ఒప్పుకున్నందుకు బెయిల్ పిటిషన్‌ని కోర్టు కొట్టేస్తుంది. మరోవైపు మహదేవయ్య లాయర్ ప్రకాశానికి కాల్ చేస్తాడు. మీరు పీక పిసకమంటే చిన్నబాబు ఊపిరి ఇవ్వమంటున్నాడని అంటాడు. విశ్వనాథానికి బెయిల్ రాకుండా చేశానని అంటాడు. ఇక ఫోన్ ఎవరు చేశారని ప్రకాశానికి అడిగితే శాడిస్ట్ క్లైంట్ అని అంటాడు. బెయిల్ రాలేదు కదా ఏం చేద్దామని క్రిష్ అడిగితే తన కంటే పెద్ద లాయర్‌తో మాట్లాడాలి అని అంటాడు. కేసు మీ వైపే ఉందని మంచి లాయర్‌ని పెట్టుకోమని చెప్పి ప్రకాశం వెళ్లిపోతాడు. మరోవైపు కోర్టులో ఏమైందని సత్య టెన్షన్ పడుతుంటుంది. క్రిష్ ఇంటికి వచ్చి సత్యకి నిజం తెలిస్తే చాలా బాధ పడుతుందని అనుకుంటాడు. సత్య క్రిష్ని చూసి దగ్గరకు వెళ్లబోతూ మామయ్యని చూసి ఆగిపోతుంది.
తాను కాబోయే ఎమ్మెల్యే కాబోతున్నట్లు అందరికీ తెలిసిపోయిందని అందుకే తోటలో బంగ్లాకు రేపే మారుతున్నాం అని అంటాడు. ఇక భైరవి పరువు కామెంట్లు చేస్తే మహదేవయ్య తీసేస్తాడు. భైరవి బుంగమూతి పెట్టుకుంటుంది. తన జాతకం ప్రకారం కొడుకు కోడలు పూజ చేయాలని మహదేవయ్య అంటాడు. తాను పూజ చేస్తాను అని రుద్ర అంటే చిన్నా చేస్తాడని అంటాడు. నేను ఉండగా చిన్నావాళ్లతో చేయించడం ఏంటి అని రుద్ర అడిగితే పెద్ద కోడలు కడుపుతో ఉంది కాబట్టి చిన్నా వాళ్లు చేస్తారని అంటాడు. ఇక పార్టీ ప్రెసిడెంట్ వస్తారని అన్నీ సత్యనే చేసుకోనేలా చూడమని మహదేవయ్య అంటాడు. సత్య అలిగి వెళ్లిపోతుంది. సత్యని నెత్తిన పెట్టుకున్నావ్ అంటే మహదేవయ్య కాళ్లు కట్టేశాను అని అంటాడు. దీంతో ఇవాళ్టి ఎపిసోడ్ పూర్తయిపోతుంది.
Also Read: 'త్రినయని' సీరియల్: గాయత్రీ పాపపై మంత్ర దండం ప్రయోగించనున్న గంటలమ్మ.. హత్యకు వాడిన కత్తికి పూజలు!