Satyabhama Today Episode సత్య అందరి కోసం వంట చేస్తుంది. తన అక్కకి వంట గది తనకు అప్పగించి వేరే పని చేసుకో అని చెప్తుంది. వంట పూర్తి అయ్యే వరకు నో ఎంట్రీ అని చెప్తుంది. ఇక సత్య చేపలు పట్టుకొని ఇప్పటి వరకు నాన్ వెజ్ తిననే లేదు అని కాన అందరి కోసం చేయక తప్పదు అనుకుంటుంది. అలా చేస్తేనే తన తల్లి దండ్రులు తాను అత్తింట్లో సంతోషంగా ఉన్నాను అని అనుకుంటారని.. తన అన్న వదినతో సంతోషంగా ఉంటాడని అనుకుంటుంది.
నందిని: తల్లికి కాల్ చేసి.. ఏ ఈడ నేను రోజుకో లొల్లి పెట్టుకుంటున్నా. కానీ ఈడ ఎవ్వరూ నా మీద గొడవకు రావడం లేదు. నేను ఏమన్నా సైలెంట్‌గా సర్దుకొని పోతున్నారు. మా అత్త అయితే మన ఇంటి దగ్గర బర్రెలా నేను ఎంత వర్లినా తలూపుతుంది తప్ప ఎదురు చెప్పడం లేదు.
భైరవి: మీ బాపు అంటే భయం కదా అందుకే వాళ్లు అలా ఉన్నారు.
నందిని: అబ్బా వాళ్లు తప్పు చేయడం కదా మనకు కావాల్సింది. ఇట్లుంటే నేను ఏం గొడవ పెట్టుకుంటా.. ఎట్లా నా పెనిమిటితో విడాకులు తీసుకుంటా.
భైరవి: నీకు నచ్చలేదు కాబట్టి నీ పెళ్లిని నువ్వు చిన్నగా చూస్తున్నావ్ కానీ వాళ్లకి అది చాలా పెద్ద విషయం. అక్కడి వరకు వెళ్లాలి అంటే నువ్వు డోస్ పెంచాలి. నువ్వు అంటే కోపం రావాలి. నువ్వు మాట్లాడితే మండిపోవాలి. సరే ఓ పని చేయ్ నీ మొగుడిని రెచ్చగొట్టు.
నందిని: భలే చెప్పినావ్ లే తీయ్. అత్త బర్రె అయితే తాను గంగిగోవు లెక్క.
భైరవి: ఆ బర్రెని అవమానించు. గంగిగోవు అయినా తల్లిని అంటే రంకెలేసి మరీ కాళ్లతో తంటుంది. ఆయనకు మండితే నోరు పారేసుకుంటాడు. రెచ్చ గొడితే చేయి కూడా చేసుకుంటాడు.
నందిని: అప్పుడు నేను బాపుతో చెప్పి మన ఇంటికి వచ్చేయొచ్చు. ఇక ఈ నందిని పొగరు ఎలా ఉంటుందో చూడు.
సత్య చాలా నాన్ వెజ్ ఐటమ్స్ చేస్తుంది. ఇద్దరు తోటికోడళ్లు ఫుడ్ తీసుకొని వచ్చి టేబుల్ దగ్గర పెడతారు. రేణుక సత్యకు వడ్డించమని చెప్తుంది. ఇంతలో భైరవి అక్కడికి వస్తుంది. ఇక క్రిష్ కూడా వచ్చి కూర్చొంటాడు. సత్య క్రిష్ దగ్గర మంచి నీళ్లు పెడుతుండగా క్రిష్ సత్య నడుము చూస్తాడు. అది సత్య చూసేస్తుంది. దీంతో క్రిష్ అబ్బా దీనికి దొరికిపోయానే అనుకుంటాడు. ఇక అందరూ వచ్చి డైనింగ్ టేబుల్ దగ్గర కూర్చొంటారు. భైరవి వడ్డిస్తుండగా.. సత్య వడ్డిస్తాను అంటుంది. అయితే మహదేవయ్య తన భార్యకే వడ్డించమని అడుగుతాడు. ఇక రుద్రకు రేణుక వడ్డిస్తుంది.
క్రిష్: మనసులో.. బాపునకు ఇంకా సత్య మీద కోపం పోయినట్లు లేదు.
మహదేవయ్య: నాన్ వెజ్ తింటూ.. రేయ్ రుద్ర సేటుకు కాల్ చేసి మీ అమ్మ చేతికి బంగారు కడియం ఆర్డర్ చేయురా.
భైరవి: హా.. అయ్యో.. ఎందుకు ఈ రోజు ఇంత ప్రేమ పుట్టుకొచ్చింది నా మీద.
మహదేవయ్య: నువ్వు నా మనసు ఖుషీ చేస్తే నేను నీ మనసు ఖుషీ చేస్తా. ఈ పూట వంటలు సూపర్ చేశావ్. అందుకే వంట చేసిన ఆ చేతికి బంగారు కడియం చేపిస్తున్నా. రేజు ఇట్లానే కమ్మగా చేయవే.
రేణుక: ఈరోజు వంట చేసింది సత్య మామయ్య. నువ్వు పొగడాల్సింది బంగారు కడియం చేయాల్సింది సత్య కోసం. మహదేవయ్య కోపంతో కడుపు నిండిపోయిందని చేయి కడిగేసి వెళ్లిపోతాడు.
క్రిష్: అమ్మా ఏమాటకు ఆమాట చెప్పాలి. ఇంత టేస్టీ భోజనం నేను ఏ రోజు ఈ ఇంట్లో చేయలేదమ్మా.
భైరవి: ఇక చాలు ఆపు నీ పెళ్లాన్ని పొగడాలి అనుకుంటే పొగుడు. అంతే కానీ నా వంటను నన్ను తక్కువ చేసి మాట్లాడకు. ఇద్దరు కోడళ్ల వైపు కోపంగా చూసి వెళ్లిపోతుంది భైరవి.
పంకజం: అమ్మగారు వంట బాగా చేసి అందర్ని తన వైపు తిప్పుకుంది. ఇంకా కొన్ని రోజులు పోతే మాయ చేసి తన మాటలతో అందరూ తన చుట్టూ తిరిగేలా చేసుకుంటుంది.
భైరవి: పని చూసుకో పో..
క్రిష్: సత్య నీ వంటలే కాదు నీ యాక్టింగ్ కూడా అదుర్స్.. మహా నటి... మహానటి...
సత్య: నువ్వెంత రెచ్చ గొట్టినా నేను రెచ్చిపోను. ఎందుకు అంటే నాది నటన కాదు కాబట్టి.
క్రిష్: సత్య వడ్డించడం గుర్తు చేసుకుంటూ.. అయితే నిజంగానే నా సంపంగి మనసు మారుతుందా. నాతో కాపురం చేయడం ఇష్టం లేని సంపంగి. ఇంట్లో వంటలు చేస్తుంది. అందరితో మంచిగా ఉంటుంది. మార్కులు కొట్టేస్తుంది. ఏందిది..
సత్య: ఇదిగో మజ్జిగ..
క్రిష్: ఈ రోజు మస్త్ కొత్తగా కనిపిస్తున్నావ్. కొంపతీసి మనసు మార్చుకున్నావా ఏంటి.
సత్య: ఏ విషయంలో..
క్రిష్: అదే భార్యగా నాకు దగ్గరవుతావేమో అని.
సత్య: ఇంకో జన్మ ఎత్తాలి.
క్రిష్: అప్పటి దాకా ఆగాలా..
సత్య: తీయగా కబుర్లు చెప్తే పడిపోతా అనుకోకు.
క్రిష్: పోనీ తీయగా ముద్దు ఇస్తే పడిపోతావా..
సత్య: గది బయట కాబట్టి తప్పుదు కాబట్టి భార్యగా సేవలు చేస్తున్నా అంతే.
క్రిష్: ఐడియా.. ఓ పని చేద్దాం. మన మంచం తీసుకొని వచ్చి ఇక్కడ వేద్దాం. ఫలితం దక్కుతుంది. ఓయ్ ఒక చిన్న రిక్వెస్ట్. సాయంత్రం ఫ్రెండ్‌ ఇంట్లో ఫంక్షన్ ఉంది. కంపల్సరీ భార్యతో రావాలి అని కండీషన్ పెట్టాడు.
సత్య: నాకు ఏంటి సంబంధం.
క్రిష్: అట్లా అంటావేంటి నువ్వే కదా నా భార్యవి. నువ్వు నాతో పార్టీకి రావాలి.
సత్య: నేను రాను. నిన్ను పెళ్లి చేసుకోవడమే ఎక్కువ. ఇంక నీతో పార్టీలకు ఎలా రావాలి.
క్రిష్: ఏయ్ ఒక్క గంటే కదా.. వాళ్లకు నిన్ను తీసుకొని వస్తా అని చెప్పా.
సత్య: ఒక్క నిమిషం కూడా రాను. నేను రాను అంతే.
క్రిష్: ఓర్నీ వాడు ఫోన్ చేసి అడుగుతాడు ఏం చెప్పాలి. ఛాన్స్ దొరికింద కదా అని ఆడుకోకు. ప్లీజ్ అంటున్నా కదా.. నీకు కూడా ఎప్పుడొ ఒకప్పుడు ఇలాంటి అవసరం వస్తుంది.
సత్య: నాకు ఇలాంటి అవసరం రాదు. అయినా నేను నిన్ను బతిమాలను.
పంకజం: చెప్పులా ఉండాల్సిన మీ చిన్న కోడలు చెప్పుకింద రాయిలా దూరి మీ చిన్న కొడుకును ఆడిస్తున్నారు అమ్మ.
భైరవి: అది తెలిసిన ముచ్చటే కదా కొత్త ఏముంది.
పంకజం: అక్కడితో ఆగలేదు అమ్మ. మీ చిన్న కొడుకు బయటకు వెళ్లాలి అంటే మీ చిన్న కోడలి పర్మిషన్ తీసుకోవాల్సిన పరిస్థితి దాపరించింది. నా కళ్లారా చూశా.. ప్లీజ్ ప్లీజ్ రావా అంటూ బతిమాలుతున్నారు. ఛీ పో అంటూ తిడుతుంది. ఇప్పుడు చిన్న బాబుని బతిమాలించుకున్నట్లే రేపు మీతో కూడా బతిమాలించుకుంటుంది. ఇప్పుడే జాగ్రత్త పడండి అమ్మ. దీంతో ఇవాళ్టి ఎపిసోడ్ పూర్తవుతుంది.