Satyabhama Serial Today Episode మైత్రి కావాలనే స్విమ్మింగ్ పూల్‌లో పడిపోయి ఏం హర్షని పిలుస్తుంది. హర్ష మైత్రిని ఎత్తుకొని వచ్చి నేల మీద పడుకోపెట్టి లేపడానికి ప్రయత్నిస్తాడు. నందిని దూరం నుంచి చూసి కోపంతో ఉంటుంది. పక్కనున్న వాళ్లు కడుపు మీద ఒత్తమని సీపీఆర్ చేయమని చెప్తారు. హర్ష సీపీఆర్ చేయడానికి రెడీ అవ్వగానే నందిని ఆపి తాను చేస్తుంది. నందిని ఒత్తుడికు చచ్చేలా ఉన్నాననుకొని మైత్రి కళ్లు తెరిచేస్తుంది. ఇక తర్వాత నందిని కస్సుబుస్సులాడుతుంది. హర్ష నందినిని అరవొద్దని తర్వాత వాళ్లని వేరే దగ్గరకు తీసుకెళ్తాడు.
సంజయ్: భయపడ్డావా.
సత్య: నీ లాంటి వాళ్లకు నేను ఎందుకు భయపడతాను. అయినా ఆడవాళ్లతో ఎలా ప్రవర్తించాలో తెలీదా నీకు. కామన్ సెన్స్ లేదా.
సంజయ్: కామన్ సెన్స్ ఉంది కానీ నీతో ఒంటరిగా మాట్లాడే అవకాశమే లేదు.
సత్య: నాతో నువ్వు ఎందుకు ఒంటరిగా మాట్లాడాలి.
సంజయ్: చూడు సత్య ఈ ముసుగులో గుద్దులాటలు నా వల్ల కాదు. నిన్ను చూడగానే నచ్చేసేవా నీ అందానికి ఫ్లాట్ అయిపోయా ఇన్నాళ్లు ఎలా గోలా ఓపిక పట్టా కానీ నిన్ను ఇలా తడి బట్టల్లో చూసే సరికి నా మనసు ఆగలేదు. దానిలో దాగున్న మాట చెప్పక తప్పలేదు.
సత్య: నువ్వు ఎవరితో మాట్లాడుతున్నావో తెలుసా.
సంజయ్: తెలుసు కానీ నువ్వు కూడా మొదట్లో క్రిష్‌ని దూరం పెట్టావు కదా తర్వాత ఇష్ట పడ్డావు కదా నా విషయంలోనూ అదే జరుగుతుంది. ఈ విషయం ఇంకెవరికీ తెలీదు మన ఇద్దరి మధ్యలోనే ఉంటుంది.
సత్య: సంజయ్ చెంప మీద ఒక్కటి కొట్టి.. ఫారెన్‌లో పెరిగావ్ కదా వావి వరసలు లేకుండా తయారయ్యావ్. నేను మొదటి నుంచి నా భర్తకి చెప్తూనే ఉన్నా నీ క్యారెక్టర్ బాలేదని కానీ తనే వినిపించుకోవడం లేదు. ఈ సారి నేను ఒపిక పట్టలేను జరిగిందంతా క్రిష్‌కి ఇప్పుడే చెప్పేస్తా.
నందిని, హర్షలు కార్ల డ్రైవ్ చేస్తూ ఉంటారు. అందులో ఓ వ్యక్తి నందిని కావాలనే డాష్ ఇస్తాడు. దాంతో నందిని హర్షకి చెప్తే హర్షని వాళ్లు కొడితే తిరిగి వాళ్లు హర్షని కొడతారు. ఇంతలో నందిని క్రిష్‌ని పిలుస్తుంది. వాళ్లని క్రిష్‌చితక్కొడతాడు. ఇక సత్య వచ్చి క్రిష్‌ని ఆపుతుంది. నా వాళ్ల జోలికి వస్తే ఎవర్నీ వదలను అంటాడు. ఇంతలో సత్య సంజయ్ దగ్గరకు వెళ్లి నందినిని ఏడిపించారనే చితక్కొట్టాడు నా జోలికి వచ్చావంటే కాళ్లు చేతులు తీసేస్తాడని అంటుంది. చక్రవర్తి లాంటి మంచి వ్యక్తికి నువ్వు ఎలా కొడుకులా పుట్టావని అంటుంది. సత్య అందరిలాంటి ఆడ పిల్ల కాదు వణికించడం తప్ప వణకడం తెలీదని వార్నింగ్ ఇస్తుంది. ఇక సంజయ్ వెళ్తూ వెళ్తూ సంధ్య జాయింట్ వీల్ దగ్గర ఫోన్ మాట్లాడటం చూస్తాడు. సత్యని తన దారిలోకి తెచ్చుకోవడానికి సంధ్యని వాడుకోవాలి అనుకుంటాడు.
ఇక నందిని, హర్ష ఓ చోట కూర్చొంటారు. నందిని తన అన్నని పొగిడితే హర్ష అలిగిపోతాడు. మరి హర్ష అని నన్ను ఎందుకు పిలిచావని అడుగుతాడు. దొంగ వెదవలు మా ఆవిడ మీద చేయి వేస్తే ఎలా ఊరుకుంటానని అంటాడు. దానికి నందిని నవ్వుతుంది. నా మీద నీకు చాలా ప్రేమ ఉందని అంటుంది. దానికి హర్ష నేను ప్రేమను ఎక్స్ ప్రెస్ చేయలేను నందిని అంటాడు. ఇక మైత్రి దూరంగా చూసి నన్ను ప్రేమించిన హర్ష దీంతో మాట్లాడుతున్నాడని ఫీలయిపోతుంది. ఇక సంజయ్ సత్య దగ్గరకు వెళ్లి మీ అక్క కోసం నిన్ను బలి చేస్తున్నా ఏం అనుకోవద్దు అని సంధ్యని జాయింట్ వీల్ ఎక్కిస్తాడు. వెనకాలే తాను కూర్చొంటాడు. మరోవైపు సత్య క్రిష్ దగ్గరకు వెళ్తుంది.
అలిగి బుంగ మూతి పెట్టుకొని వేరో చోట కూర్చొంటుంది. అది చూసిన క్రిష్ మళ్లీ గొడవ అని అనుకొని సత్య దగ్గరకు వెళ్తాడు. తన మాటలతో సత్యని కూల్ చేస్తాడు. సత్య కావాలనే క్రిష్‌తో బతిమాలించుకోవాలి అనుకుంటుంది. సత్య లేచి వెళ్లిపోతుంటే క్రిష్ బతిమాలుతాడు. సత్య పడిపోతుంటే పట్టుకుంటాడు. ఇద్దరూ నవ్వుకుంటారు. ఇక అందరూ ఇంటికి బయల్దేరుతారు. ఇక సంజయ్ ఎక్కడున్నాడు అని క్రిష్ అడుగుతాడు. నీ కొట్టుడుకు భయపడి వెళ్లిపోయింటాడని అనుకుంటారు. ఇక సత్య తాను డ్రైవ్ చేస్తానని అంటాడు. దీంతో ఇవాళ్టి ఎపిసోడ్ పూర్తయిపోతుంది.