Prema Entha Madhuram Today Episode: ఈరోజు ఎపిసోడ్ లో ఆస్తి గురించి మాట్లాడుతూ ఆ ఆస్తి నలుగురు పిల్లలకి దక్కుతుంది. దాంట్లో మా ఆవిడకి కూడా వాటా ఉంటుంది అంటాడు యాదగిరి.
హరీష్ తండ్రి : అలాగే కానివ్వండి నేనేమీ కాదనలేదు కదా, ల్యాండ్ మొత్తం హరీష్ కి రాసేయండి. మిగిలిన ముగ్గురికి ఎంత వాటా వస్తుందో అంత డబ్బులు నేను ఇచ్చేస్తాను.
దివ్య, జ్యోతి అందుకు ఒప్పుకుంటారు కానీ ఆర్య ఒప్పుకోడు 50 లక్షలు క్యాష్ ఇస్తాను అని మాట ఇస్తాడు. హరీష్ వాళ్ళు అక్కడ నుంచి వెళ్ళిపోతారు.
మాన్సీ : ఏంటి ఈ హరీష్ ఇంకా ఫోన్ చేయలేదు అనే లోపు హరీష్ ఫోన్ చేస్తాడు.
హరీష్: మనం అనుకున్నది ఒక్కటి, జరిగింది ఒకటి వాళ్లు క్యాష్ ఇవ్వడానికి ఒప్పుకున్నారు అంటాడు.
అదీ మన మంచికే అని చెప్పి నవ్వుతూ ఫోన్ పెట్టేస్తుంది ఛాయాదేవి.
మాన్సీ: ప్లాన్ ఫెయిల్ అయినందుకు బాధపడకుండా నవ్వుతారేంటి, మా బ్రో ఇన్ లా కి 50 లక్షలు నిమిషాల్లో వస్తాయి.
ఛాయాదేవి: ఆర్యకి అయితే వస్తాయి కానీ సూర్యకి రావు. అతను కష్టపడి సంపాదించాలనుకుంటాడు పెళ్లిలోపు అంత డబ్బు సంపాదించలేడు చచ్చినట్టు ల్యాండ్ రాస్తాడు అని ఛాయాదేవి అనడంతో మాన్సీ సంతోషిస్తుంది.
మరోవైపు అంత డబ్బు ఇవ్వటానికి ఎలా ఒప్పుకున్నావు అంటూ దివ్య గొడవ పడుతుంది.
సుగుణ: మన తాహతుకు మించి చేస్తానని ఎందుకు ఒప్పుకున్నావు.
దివ్య: అప్పటివరకు అలాగే అంటాడు పెళ్లి దగ్గర చేసి ఆ ల్యాండ్ పేపర్స్ తీసుకొని పారిపోతాడు.
యాదగిరి: ఏం మాట్లాడుతున్నారో అర్ధం అవుతుందా ఆయనకి 50 లక్షలు అంటే పెద్దదేమి కాదు అంటూ ఉండగానే యాదగిరిని ఏమి మాట్లాడనివ్వకుండా ఆపుతాడు ఆర్య.
జ్యోతి: దివ్య అన్న దాంట్లో తప్పేముంది ఆ టైంకి డబ్బులు ఇవ్వకపోతే నా బతుకులాగే దాని బతుకు కూడా పుట్టింట్లోనే గడిచిపోతుంది.
ఎవరు ఏమీ కంగారు పడకండి డబ్బు నేను అరేంజ్ చేస్తాను అని చెప్పి అక్కడి నుంచి వెళ్ళిపోతాడు ఆర్య. అతని మీద నువ్వు ఎక్కువగా నమ్మకాన్ని పెట్టుకున్నావు అని కూతుర్లు ఇద్దరూ సుగుణని కోప్పడతారు.
మరోవైపు హరీష్ ని ఇంటికి పిలిపిస్తుంది ఛాయాదేవి.
హరీష్: చెప్పండి, ఈరోజు నా టాస్క్ ఏంటి.
ఛాయాదేవి: కొత్త పెళ్లి కొడుకువి కదా షాపింగ్ అది చేయాలి కదా, మీతో పాటు మీ కుటుంబ సభ్యులందరినీ తీసుకెళ్లి షాపింగ్ చేయించు మీ అత్తింటి వారితో అంటుంది. సరే అంటూ అక్కడి నుంచి వెళ్ళిపోతాడు హరీష్.
మరోవైపు ఇంటికి వచ్చిన ఆర్యని కలెక్షన్ ఎంత వచ్చింది అని అడుగుతుంది సుగుణ. 2000 అని చెప్తాడు ఆర్య.
దివ్య: రోజు ఇంతే సంపాదిస్తే నేను షష్టిపూర్తి నాడు పెళ్లి చేసుకుంటాను అని కోపంగా అంటుంది. ఇంతలో హరీష్ ఫోన్ చేసి షాపింగ్ కి వెళ్దాం అనటంతో కంగారుపడుతూ తల్లికి ఫోన్ ఇస్తుంది.
సుగుణ: ఇప్పటికిప్పుడు షాపింగ్ అంటే అని అంటూ ఉండగానే ఇప్పటినుంచి పనులు పూర్తి చేసుకుంటేనే పనులు సజావుగా సాగుతాయి. పైగా మా వాళ్ళందరినీ దివ్యకి చూపించినట్లుగా అవుతుంది అంటూ సుగుణ చెప్పింది వినిపించుకోకుండా ఫోన్ పెట్టేస్తాడు హరీష్. ఆ మాటలు విన్న ఆర్య ఇరకాటంలో పడిపోతాడు. ఇంతటితో ఈరోజు ఎపిసోడ్ పూర్తవుతుంది.
Also Read: బ్రహ్మముడి సీరియల్ - కావ్య చేతుల్లో కాలిపోయిన కల్యాణ్, అనామికల మొదటి శుభలేఖ!