Nindu Noorella Savasam October 10: ఈరోజు ఎపిసోడ్లో అరుంధతి మిస్సమ్మతో మాట్లాడటానికి ప్రయత్నిస్తుంది. ఇంతలో రాథోడ్ రావటం చూసి మాట్లాడటం ఆపేస్తుంది. రాథోడ్ని గమనించని మిస్సమ్మ అరుంధతికి వెళ్లి వస్తానని చెప్తుంది.
రాథోడ్: ఒకసారి చెప్పింది కదా మళ్లీ మళ్లీ ఎందుకు చెప్తుంది, రిపీట్ కంటెంట్ అయినా ఫీల్తో చెప్పింది. మళ్లీ విందాం అనుకుంటాడు.
తను ఆత్మ అని తెలిసిపోతుందేమో అని కంగారు పడుతుంది అరుంధతి. ఎందుకు ఇంట్లోంచి వెళ్లిపోతున్నావు అని మిస్సమ్మని అడుగుతుంది.
మిస్సమ్మ : ఇంట్లో అందరికీ నచ్చాను కానీ సార్కి నచ్చలేదు, నాకు ఇక్కడ జాబ్ చేయాలని రాసిపెట్టి లేదు. నా తలరాత ఇలా ఉంటే మీరేం చేస్తారు. ఫీల్ అవ్వద్దు అంటుంది.
రాథోడ్: ఈ మాటలు తననే అంటుంది అనుకొని ఈ అమ్మాయి వెనకన ఉన్న నేను ఫీల్ అవుతున్నాను అని తనకు ఎలా తెలుసు అనుకుంటాడు.
మిస్సమ్మ : మీకు ఏ సంబంధం లేకపోయినా నాకు చేయాల్సిన సాయం చేశారు. మీకు థాంక్స్ అని అరుంధతికి చెప్తుంది. మీకు పిల్లల గురించి బాగా తెలుసేమో వాళ్లని బాగా చూసుకోండి అంటుంది.
రాథోడ్: మిస్సమ్మ తనతోనే మాట్లాడుతుంది అనుకొని వాళ్లు నిన్ను పొమ్మన్నా కూడా నువ్వు వాళ్ల మంచే కోరుకుంటున్నావు నీకు అంతా మంచే జరగాలి అంటూ ఎమోషనల్ అయిపోతాడు.
అరుంధతి: ఈ అమ్మాయిని ఇక్కడినుంచి వెళ్లకుండా చేయాలంటే తనతో నేను మాట్లాడాలి. దేవుడా ఈ రాథోడ్ని ఇక్కడినుంచి ఎలాగైనా పంపించు అని దేవున్ని వేడుకుంటుంది.
ఇంతలో నువ్వు ఎవరు అంటూ గట్టిగా మాట్లాడుతాడు రాథోడ్. గేట్ తీసుకొని లోపలికి ఎందుకు వచ్చావు అంటాడు.
ఒకసారిగా గేట్ వైపు చూస్తారు మిస్సమ్మ, అరుంధతి. చిత్రగుప్తుడు గారు రాథోడ్కి కనిపిస్తున్నట్లు ఉన్నారు అని కంగారు పడిపోతుంది అరుంధతి.
అరుంధతి: మిస్సమ్మతో అక్కడ నీకు ఎవరైనా కనిపిస్తున్నారా..
మిస్సమ్మ: చిత్రగుప్తుడు వేషం వేసుకొని ఒకాయన ఉన్నారు కదా, మీకు కనిపించడం లేదా..
అరుంధతి: నాకు కనిపిస్తున్నారు కానీ నీకు కనిపిస్తున్నారో లేదో అని అడిగాను.
మిస్సమ్మ : అదేంటి మీకు కనిపించిన వాళ్లు నాకు ఎందుకు కనిపించకుండా పోతారు.
అప్పుడు అరుంధతికి చిత్రగుప్తుని దగ్గర ఉంగరం తీసుకున్న విషయం గుర్తొస్తుంది. అందుకే ఆయన అందరికీ కనిపిస్తున్నారు అని గ్రహిస్తుంది.
రాథోడ్ : చిత్రగుప్తుడు దగ్గరికి వెళ్లి నీతోనే మాట్లాడుతున్నాను, సమాధానం చెప్పకుండా పైకి చూస్తున్నావ్ ఏంటి?
చిత్రగుప్తుడు : ఆకాశం వైపు చూస్తే ఆలోచనలు వస్తాయి, అయినా నేను ఆకాశం వైపు చూస్తే నీకేం సమస్య అంటూ రాథోడ్ని చూసి పెద్దగా కేక వేస్తాడు చిత్రగుప్తుడు. అయోమయంగా నువ్వు ఎప్పుడు మరణించావు అని అడుగుతాడు.
రాథోడ్: గుండ్రాయిలాగా ఉన్న నన్ను పట్టుకొని చచ్చిపోయాను అంటావా అంటూ అతని మీదకి కాలు దువ్వుతాడు రాథోడ్.
చిత్రగుప్తుడు : నువ్వు మరణించలేదా, అయితే మరి నీకు ఎలా కనిపిస్తున్నాను అని ఆశ్చర్యంగా అడుగుతాడు.
రాథోడ్: అవును మరి నువ్వు పెద్ద దేవుడివి చనిపోతేగాని కనిపించకపోవటానికి. వేషం వేసుకొని వచ్చినంత మాత్రాన దేవుడివైపోతావా.. చిత్రగుప్తుడి వేషం వేసుకొచ్చినంత మాత్రాన నమ్మేయటానికి నేనేమైనా వెర్రివాడిని అనుకుంటున్నావా..
చిత్రగుప్తుడు : ఇది వేషం కాదురా అర్బకా..
రాథోడ్: అలా అయితే నేను యముడిని అంటూ చిత్రగుప్తుడిని ఆటపట్టించి అక్కడ నుంచి బయటికి తరిమేస్తాడు రాథోడ్. తనని రక్షించమంటూ అరుంధతిని బ్రతిమాలుతాడు. అయినా కూడా చిత్రగుప్తుడుని తరిమి కొడతాడు రాథోడ్.
చిత్రగుప్తుడి పరిస్థితికి బాధపడుతుంది అరుంధతి. కానీ మిస్సమ్మతో మాట్లాడటానికి ఇదే కరెక్ట్ సమయం తనతో మాట్లాడి ఎలా అయినా వెనక్కి తిరిగి వెళ్లేలాగా చేయాలి అనుకుంటూ మిస్సమ్మతో మాటలు కలుపుతుంది అరుంధతి.
అరుంధతి: అయినా మీరు ఎందుకు వెళ్లాలండి.. మీరు అన్ని ఎగ్జామ్స్ పాసై ఇక్కడ వరకు వచ్చారు. ఆయన ఒక్క ఆయనకి నచ్చకపోతే మీరు వెళ్లిపోవాలా, మీ నాన్నగారి ఆరోగ్యం కోసమైనా మీరు ఇక్కడే ఉండాలి అంటూ రెచ్చగొడుతుంది.
మిస్సమ్మ: అవును నిజమే నేనెందుకు వెళ్లిపోవాలి, అయితే నేనేం చేయాలి.
అరుంధతి నేను చెప్పినట్లు చేయండి అంటూ ఆమె చెవిలో ఏదో చెప్తుంది.
ఆ మాటలు విన్న మిస్సమ్మ ఆవేశంగా ఇంటిలోకి వస్తూ ఉంటే మనోహరి వాళ్లు చూస్తారు. ఇదేంటి ఇంత ఫోర్సుగా వస్తుంది. వెళ్లేటప్పుడు బాడీ లాంగ్వేజ్ ఇప్పుడు బాడీ లాంగ్వేజ్ కి చాలా తేడా కనిపిస్తుంది. తను వచ్చే ఏదో హడావిడి చేసే లోపల మనమే ఏదో చేసి తనని బయటకి పంపించేద్దాం అని గుమ్మంలోకి వస్తారు మనోహరి, నీల.
మనోహరి : మళ్లీ వెనక్కి వస్తున్నావ్ ఎందుకు ఇంట్లో ఏమైనా మర్చిపోయావా చెప్పు.. నీలా తెచ్చి పెడుతుంది.
ఆ మాటలు ఏవి పట్టించుకోకుండా వాళ్లిద్దరిని తోసుకొని లోపలికి వెళ్లి అమర్ని గట్టిగా కేకలు వేసి పిలుస్తుంది.
ఆ పిలుపుకి ఇంట్లో వాళ్లందరూ బయటకు వస్తారు. అప్పుడే రాథోడ్ కూడా లోపలికి వస్తాడు. మిస్సమ్మ కేకలకి కిందికి వచ్చిన అమర్.. వెళ్లిన దానివి మళ్లీ వెనక్కి ఎందుకు వచ్చావు అంటాడు.
మిస్సమ్మ : అసలు నేను ఎందుకు వెళ్లాలి, నేను అన్ని పరీక్షలు పాస్ అయ్యి సెలెక్ట్ అయిన తర్వాతే జాబ్ ఇచ్చారు. అయినా బయట ఎక్కడో ఉన్నట్టు ఇంట్లో ఎందుకు ఉంటాను, మీరు మీ అమ్మగారితో ఉన్నట్టు మీ పిల్లలతో ఉంటారా అంటూ గట్టిగా నిలదీస్తుంది. ఇంట్లో అందరికీ నచ్చిన నేను కేవలం మీకు మాత్రమే నచ్చలేదని పనిలోంచి తీసేయడం మీకు ఏమైనా న్యాయంగా ఉందా అంటూ నిలదీస్తుంది. మీరు మనోహరిగారితో పెళ్లి చూపులకు వెళ్లి మేడమ్ గారిని పెళ్లి చేసుకున్నారని తెలిసింది.
రాథోడ్: ఈ అమ్మాయి ఏం మాట్లాడుతుంది, సార్కి ఇంకా కోపం తెప్పించేలాగా ఉంది అని భయపడతాడు.
మిస్సమ్మ: మీరు కొన్ని ప్రశ్నలు అడిగితే వాటిని సమాధానం చెప్పారు కాబట్టి మేడం మీకు నచ్చి పెళ్లి చేసుకున్నారు.
అలాగే మీరు నన్ను కొన్ని ప్రశ్నలు అడగండి సమాధానం చెప్పకపోతే అప్పుడు బయటకి పంపించేయండి అంటుంది. ఇంతటితో ఈరోజు ఎపిసోడ్ పూర్తవుతుంది.