Naga Panchami Serial Promo Today January 5th: 'నాగ పంచమి' సీరియల్ : పంచమికి ఇష్టరూప నాగుల శక్తులు ప్రసాదించిన నాగదేవత, మోక్షను కాటేస్తుందా!

Naga Panchami Serial Promo Today: పంచమికి నాగదేవత శక్తులను ప్రసాదించడంతో పంచమి మోక్షను కాటేసేందుకు సిద్ధమవుతుంది. దీంతో ఇవాళ్టి ప్రోమో ఆసక్తికరంగా మారింది.

Naga Panchami Promo Today: ‘నాగపంచమి’ సీరియల్ రోజుకో ట్విస్టుతో ఆకట్టుకుంటోంది. తాజాగా ఈ సీరియల్ నుంచి వచ్చిన ప్రోమో చూస్తే.. ఈ రోజు ఎపిసోడ్ ఇంటస్ట్రింగ్‌గా సాగనున్నట్లు తెలుస్తోంది. ప్రోమోలో ఏముందంటే..

ఫణేంద్ర నాగ దేవతను కలిసి పంచమికి ఇష్టరూప నాగుల శక్తులను ప్రసాదించమని అలా చేస్తే పంచమి పాములా మారి ఈ రాత్రికే మోక్షను కాటేసి చంపేలా చేసి నాతో పాటు నాగలోకానికి తీసుకొచ్చేస్తాను అని చెప్తాడు. దీంతో నాగదేవత నీపై నమ్మకంతో యువరాణికి ఇప్పుడే నాగశక్తులు ప్రసాదిస్తాను అని శక్తులు ఇస్తుంది. మరోవైపు పంచమి, మోక్ష ఒంటరిగా నడుస్తూ ఉంటారు. పంచమికి నాగదేవత శక్తులు ప్రసాదించడంతో పంచమి పాములా మారుతుంటుంది. మోక్ష ఏమైంది అని దగ్గరకు వెళ్లడంతో మోక్షని కాటేసేందుకు ప్రయత్నిస్తుంది. పంచమి మోక్షని కాటేస్తుందా.. అసలు ఏం జరగనుందో తెలియాలి అంటే పూర్తి ఎపిసోడ్ వచ్చేవరకు వేచి ఉండాల్సిందే.

నిన్నటి ఎపిసోడ్‌లో ఏం జరిగింది అంటే..

ఫణేంద్ర పాములా మారడం చూసిన జ్వాల ఇంట్లో అందరికి ఆ విషయం చెప్తుంది. ఇక చిత్ర పంచమి కూడా పాము అని చెప్తుంది. పాముల మాటలు పంచమికి అర్థమవుతాయని.. పాములను పంచమి పసిగట్టగలుగుతుందని అప్పుడే తనకు అనుమానం వచ్చిందని చిత్ర చెప్తుంది. తర్వాత నాగుపాములా డ్యాన్స్‌ చేయడం.. ఒంట్లోకి శక్తి రావడం ఇవన్నీ పాము చేష్టలే అని ఇంట్లో వాళ్లకి చెప్తుంది దీంతో అందరూ పంచమి పాము అని నమ్ముతారు. 

మరోవైపు అందరూ పంచమి పామే అని నమ్మేస్తారు. ఇక పంచమి పాము అని అందరూ పూర్తిగా నమ్మేస్తే నాగమణి దక్కించుకోవడానికి తనకు చాలా ఇబ్బంది అవుతుంది మేఘన తెగ కంగారు పడుతుంది. పంచమి పాము కాదు అని అందర్ని నమ్మించే ప్రయత్నం చేస్తుంది. మరోవైపు వైదేహి పంచమి ఏ రూపంలో ఉన్నా ఈ ఇంట్లో అడుగు పెట్టలేదని అంటుంది. ఈ విషయం బయటకు పొక్కకుండా పాములు పట్టేవాళ్లని పిలచి ఒకసారి ఇళ్లంతా గాలించే పని చేయించమని కొడుకులకు చెప్తుంది. ఇక రాత్రి వైదేహి మేఘనతో ఒంటరిగా మాట్లాడి నువ్వు ఈ ఇంటి కోడలు అయితే బాగున్ను. మోక్షను పెళ్లి చేసుకోమని అడుగుతుంది. దీంతో మేఘన మీరు అవునన్నా కాదు అన్నా ఎలా అయినా మోక్షను తన వశం చేసుకుంటానని మనసులో అనుకుంటుంది. కానీ పైకి మాత్రం పంచమి తన ప్రాణ స్నేహితురాలు అని తనకి అన్యాయం చేయలేను అంటుంది.

నాగులావరంలో పంచమి, మోక్ష శివుడిని దర్శించుకుంటారు. పంచమి తల్లితో ఇద్దరూ మాట్లాడుతారు. గౌరి మోక్షకు ధైర్యం చెప్తుంది. నాగసాధువు కూడా ఇద్దరూ కలిసే ఉండాలని ఏమైనా కలిసే ఎదుర్కొమని చెప్తారు. నాగ గండం నుంచి నాగకన్య అయిన పంచమి మాత్రమే నిన్ను కాపాడగలదు అని మోక్షకు నాగసాధువు చెప్తారు. ఇక అందరి ఆశీర్వాదం తీసుకొని పంచమి, మోక్ష అక్కడి నుంచి బయల్దేరుతారు. ఇక మోక్ష, పంచమి ఇద్దరూ ఇంటికి వస్తే వైదేహి అడ్డుకుంటుంది. ఇక మోక్షతో నీ పక్కన ఉన్నది పంచమి కాదు పాము. తనని కొట్టి చంపేయ్ మోక్ష. లేకుంటే నిన్ను కాటేసి చంపేస్తుంది. అని అంటుంది. ఇంట్లో వాళ్లందరికీ మొత్తం తెలిసిపోయింది అని నువ్వు పెళ్లి చేసుకుంది మనిషిని కాదు పాముని అని మోక్షతో అంటుంది. ఇక పంచమితో పంచమి నువ్వు మా వాడిని వదిలి వెళ్లిపో. లేదంటే మా చేతుల్లో చచ్చిపోతావ్ అని బెదిరిస్తుంది. ఇక మోక్ష ఈ న్యూసెన్స్ ఏంటి అని ఇంట్లో వాళ్లకి ఎదురు తిరగుతాడు. తన భార్యని అవమానిస్తే ఊరుకునేది లేదని తేల్చి చెప్తేస్తాడు.