MeghasandesamSerial Today Episode: గగన్ పంతులును పిలిస్తాడు. పంతులు వచ్చి పెళ్లి ముహూర్తాలు చూస్తుంటాడు. ఇంతలో భూమి పై నుంచి శివను తీసుకుని కిందకు వస్తుంది. శివ డల్లుగా కూర్చుని ఉంటాడు. అది చూసి భూమి ఆశ్చర్యపోతుంది.
శివ: ఒరేయ్ ప్రేమించిన అమ్మాయితో పెళ్లి ముహూర్తాలు ఖాయం చేస్తుంటే సిగ్గుతో అలా కూర్చుంటావేంట్రా..? కాస్త నవ్వరా..? అయ్యో ఏమైందిరా నీకు నీ నవ్వు కూడా రావాలా వద్దా అన్నట్టు అంత మొహమాటంగా బయటకు వస్తుంది.
పంతులు: అయ్య గగన్ గారు మీ చెల్లెలికి శివ గారికి జతకూర్చే మూడు దివ్యమైన ముహూర్తాలు ఉన్నాయి. అమ్మగారిని చెల్లెలు గారిని పిలిస్తే ఆ ముహూర్తాలు చెప్తాను.
గగన్: అమ్మా అమ్మా పూరిని తీసుకుని వచ్చేయ్..
అని గగన్ పిలవగానే.. శారద లోపలి నుంచి ఆ వస్తున్నానురా..? నీకు అన్నింటికి కంగారే.. అంటూ పూర్ణిమను తీసుకుని వస్తుంది. వాళ్లను చూసిన భూమి, గగన్ ఆశ్చర్యపోతారు.
భూమి: ఒరేయ్ చూడరా..? నీకు కాబోయే శ్రీమతి నీ మతి పోగోట్టేంతగా రెడీ అయింది. (అని చెప్పగానే.. శివ అఇష్టంగానే తిరిగి చూస్తాడు. పూర్ణి స్థానంలో శివకు బిందు కనిపిస్తుంది. దీంతో పట్టలేనంతా ఆనందంగా చూస్తుంటాడు.) కన్ను కూడా కదపడం లేదంటే నిన్ను నువ్వు మర్చిపోయినట్టు ఉన్నావు.
శివ: అవును అక్కా.. బిందు చాలా బాగుంది.
భూమి షాక్ అవుతుంది.
భూమి: ఏంటి..? ఏమన్నావు..
శివ: అదే అక్కా.. చాలా బాగుంది అంటున్నాను..
పూర్ణి, శారద కిందకు వస్తారు.
గగన్: అదిగోండి మా ఇంటి బంగారం.. మీరేం చెప్పాలనుకున్నా భూమికి చెప్పండి. అంటే అది భూమి నా భార్య కావొచ్చు కానీ ఈ పెళ్లి విషయానికి వచ్చేసరికి భూమి మగ పెళ్లి వారి తరపున పెద్ద అన్నమాట. మన సాంప్రదాయం ప్రకారం మగపెళ్లివారు ఉండగా అన్ని ఆడపెళ్లి వారికే చెబితే అది మగపెళ్లివారిని అవమానించినట్టు అవుతుంది. అంతే కదా పంతులు గారు.
పంతులు: అంతేనండి భూమి గారు మీ భార్య అయినప్పటికీ ఆడపెళ్లివారు, మగపెళ్లి వారు అన్న సంప్రదాయాన్ని పాటించడం చాలా ఆనందంగా ఉంది. అమ్మా భూమి మొత్తానికి మూడు ముహూర్తాలు కాయం చేశాను. ఒకటైతే మహా స్పీడుగా వచ్చేస్తుంది. వచ్చే శుక్రవారం సాయంత్రం నాలుగు గంటల నలభై అయిదు నిమిషాలకు ఇంత త్వరగా పెళ్లి పనులు చక్కబెట్టుకోవడం కష్టం అనుకుంటే మరొకటి వచ్చే నెల 18వ తేదీన, ఇంకొకటి 30వ తేదీన ఉన్నాయి. ఏది ఖాయం చేస్తారో చెబితే ఆ ముహూర్తానికి లగ్న పత్రిక రాస్తాను.
భూమి: మీరు చెప్పండి బావ. ఏది ఖాయం చేద్దాం అంటారు.
గగన్: అరే ఇప్పుడే కదా చెప్పాను. అది మగపెళ్లివారి ఇష్టం నువ్వే ఖాయం చేయ్ భూమి. పెళ్లి ముహూర్తాలు పెట్టడం దగ్గర నుంచి శివ పూరి మెడలో తాళి కట్టే వరకు అంతా నీదే బాధ్యత. అన్ని నువ్వే దగ్గర ఉండి చూసుకోవాలి.
భూమి: మీరు ఏంటో మీరు మరీ నా మీద భారం పెట్టేస్తున్నారు బావ. కాకపోతే మీ మాట నేను ఎప్పుడు కాదన్నాను. పంతులు గారు వచ్చే శుక్రవారం ముహూర్తమే కాయం కానివ్వండి.
శారద: వారం రోజులే ఉంది భూమి. ఈలోగా అన్ని పనులు ఎలా చేస్తాము..
భూమి: ఇందులో సర్దుకోవడానికి ఏముంది అత్తయ్య.. అబ్బాయి, అమ్మాయి మన ఇంటి వారే పెట్టిపోతలు పట్టింపులు అని మన మధ్య ఏముంటాయి. మన ముగ్గురం అనుకున్నామంటే అన్ని ఇలా చిటికెలో అయిపోతయి.
గగన్: భూమి చెప్పిందంటే అయిపోతాయి అమ్మ. అంటే భూమి మీద నాకు నమ్మకం ఉందని చెప్తున్నాను.
శారద: నీకు ఉన్న నమ్మకం నాకు లేదా ఏంటి..? సరే అలాగే కానిచ్చేద్దాం. వచ్చే శుక్రవారం పెళ్లి ముహూర్తమే ఖాయం చేద్దాం..
పంతులు: శుభం ఇక అదే మూర్తానికి రాస్తాను ( లగ్న పత్రిక రాస్తాడు.) అమ్మా భూమి ఈ లగ్న పత్రిక తీసుకెళ్లి దేవుడి దగ్గర పెట్టమ్మా..?
భూమి: సరే పంతులు గారు..
అంటూ లగ్న పత్రిక తీసుకెళ్లి దేవుడి ముందు పెట్టి మొక్కుతుంది. ఇంతలో అక్కడికి గగన్ వెళ్తాడు. హల్లో కూర్చున్న శివ మాత్రం బాధపడుతుంటాడు. పూర్ణి హ్యాపీగా ఫీలవుతుంది. ఇంతలో ఇవాళ్టీ ఎపిసోడ్ అయిపోతుంది.
ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!