Karthika Deepam Idi Nava Vasantham Serial Today Episode కార్తీక్, దీపల రిసెప్షన్‌కు జ్యోత్స్న, పారిజాతం వస్తారు. మోసం చేశావని జ్యోత్స్న కార్తీక్ మీద విరుచుకుపడుతుంది. నేను ఏం మోసం చేశానని కార్తీక్ అడిగితే కార్తీక్ చేయి శౌర్య తల మీద వేసి నేను అడిగిన దానికి నీ కూతురి మీద ఒట్టు వేసి నిజం చెప్పు అని అంటుంది.
జ్యోత్స్న: మీరిద్దరూ నాకు చేసిన మోసం అందరికీ తెలియాలి. నేను ఒకే ఒక్క ప్రశ్న అడుగుతాను చెప్పు బావ. దీప నేను నీకు పరిచయం చేయడానికి ముందే నీకు దీప తెలుసా.
పారిజాతం: మనసులో మనవడా పడ్డావురా గోతిలో.
జ్యోత్స్న: చెప్పు బావ. ఇది నీ కన్న కూతురు కాకపోయినా అంత కంటే ఎక్కువ అని నాకు తెలుసు. అందుకే దీని మీద ఒట్టు వేయించాను. నిజం చెప్పు బావ దీపకు నీకు ముందే పరిచయం ఉందా లేదా.
కార్తీక్: ఉంది. (అందరూ షాక్ అయిపోతారు) అయితే ఏంటి. నువ్వు నాకు పరిచయం చేయడానికి ముందే దీప నాకు తెలుసు అయితే ఏంటి.
జ్యోత్స్న: విన్నావా అత్త ఈ విషయం నీకు తెలియకపోయి ఉంటుంది. నేను పుట్టుక ముందే బావ నా భర్త అన్నారు. పెళ్లికి నిశ్చితార్థానికి ఇలా అన్నింటికీ ముహూర్తం పెట్టారు. రెండు రోజుల్లో పెళ్లి అనగా ఆగిపోయింది ఎందుకో మీకు తెలుసా ఈ దీప వల్లే. నేను పరిచయం చేసిన మనిషి మీదే ఇంత ప్రేమ ఉంటే చిన్నప్పటి నుంచి ప్రాణంగా ప్రేమించిన నా మీద ఇంకెంత ప్రేమ ఉండాలి అనుకున్నాను. అప్పుడు తెలిసింది దీప మెడలో నువ్వు ఊరికే తాళి కట్టలేదు బావ మీ ఇద్దరికీ సంబంధం ఉంది. అందుకే లండన్ నుంచి రాగానే నేనుగా ముత్యాలమ్మ గూడెం వెళ్లావు అని మొత్తం చెప్తుంది.
శౌర్యని తీసుకొని అనసూయ వెళ్లిపోతుంది. తండ్రి లాగే కొడుకు కూడా అని శ్రీధర్ రెండో పెళ్లి గురించి పారిజాతం మాట్లాడుతుంది. పెళ్లాం కొడుకు ఉన్నారని తెలిసి మనసిచ్చి తాళి కట్టించుకున్నావు నీదో పెళ్లి అని తిడుతుంది. దాంతో స్వప్న, కాశీ అందరూ పారిజాతం మీద పడతారు. పిలవకుండా వచ్చావ్ పో అని కాశీ అంటే నువ్వు ఎవడ్రా మమల్ని పొమ్మనడానికి అని జ్యోత్స్న అరుస్తుంది. అక్కా అని కాశీ అంటే అలా పిలవొద్దని చెప్తుంది. నీ పెళ్లానికి రెండో పెళ్లి దాన్ని దాని మొగుడు వదిలేయలేదా అని పారు అంటే దానికి జ్యోత్స్న వదిలేయలేదు గ్రానీ తనని పెళ్లి చేసుకోవడానికి నీ మనవడే దగ్గరుండి విడాకులు ఇప్పించాడని అంటుంది.
నన్ను కాదని దీప మెడలో తాళి ఎలా కట్టావ్ అని జ్యోత్స్న అడిగితే ఇదంతా అడగటానికి నువ్వు ఎవరు అని కార్తీక్ అడుగుతాడు. దాంతో మరదలు పిల్ల నువ్వు తాళి కట్టని భార్యని నీ చేతిలో మోసపోయిన ఆడపిల్లనని చెప్తుంది. నన్ను నువ్వు ఇష్టపడటం పెళ్లి చేసుకోవాలి అనుకోవడం దీపకి ఇష్టం లేదని అంటుంది. అందుకే దీప ఈ నాటకం ఆడిందని అంటుంది. నేను తాళి కట్టినప్పుడు మీ ఇంట్లో వాళ్లకి ఒప్పించి కడతాను అన్న నువ్వు దీప మెడలో ఎలా తాళి కడతావు అని అడుగుతుంది. మరోవైపు సుమత్ర కూడా రిసెప్షన్‌కి వస్తుంది.
దీప నీ మనసు మార్చింది బావ అని జ్యో అంటుంది. శౌర్యని కూడా మా బావతో కనుంటావని జ్యో అంటే దీప జ్యో చెంప పగల గొడుతుంది. సుమిత్ర గారు తనకు ఆశ్రయం ఇచ్చారని తిండి పెట్టారని అంటుంది దీప. కార్తీక్ నాకు ముందే తెలిస్తే తప్పు ఏంటి సుమిత్రమ్మ ఎంతో కార్తీక్ అంతే అంటుంది. కార్తీక్ బాబు నీకు బావ అయితే నాకు దేవుడని నా దేవుడు నాకు తాళి కట్టాడని అంటుంది. దీంతో ఇవాళ్టి ఎపిసోడ్ పూర్తయిపోతుంది.
Also Read: ‘కార్తీకదీపం2’ సీరియల్: రిసెప్షన్ కు వచ్చిన జ్యోత్స్న, పారిజాతం – కార్తీక్ ను అవమానించిన జ్యోత్స్న