Karthika Deepam Idi Nava Vasantham Serial Episode అందరూ భోజనం చేస్తుంటే ఇంతలో సుమిత్రకు కార్తీక్ కాల్ చేసి అర్జెంట్‌గా హాస్పిటల్‌కి రమ్మని పిలుస్తాడు. ఎందుకు కని సుమిత్ర అడిగితే కార్తీక్ మొత్తం చెప్పి నువ్వు మాత్రమే దీపని ఆపగలవని తొందరగా రమ్మని పిలుస్తాడు. సుమిత్ర హడావుడిగా వెళ్లిపోతుంటే దశరథ్ కూడా తోడు వస్తా అంటాడు. సుమిత్ర వద్దని వెళ్లబోతే జ్యోత్స్న తింటున్న ప్లేట్ కోపంతో విసిరి కొడుతుంది.
జ్యోత్స్న: మీ అందరికీ ఏమైంది ఈ రోజు జరగాల్సిన నిశ్చితార్థం ఆగిపోయింది. దాని గురించి ఎవరైనా మాట్లాడుతున్నారా. మరోసారి ఇలా జరగకూడదు అని కానీ కనీసం జరిగిన దానికి మీరు కొంచెం అయినా ఫీలవుతున్నారా. ఒకరేమో రెస్టారెంట్ గురించి, మరొకరేమో ఆరోగ్య సూత్రాలు మాట్లాడుతున్నారు. ఇంకొకరేమో ఎక్కడో ఉన్న ఎవరి కోసమో మాట్లాడుతున్నారు. ఎవరికో సేవలు చేస్తున్నారు. ఇక స్వాయానా నా మాతృమూర్తి అయితే తిన్న ప్లేట్‌లో చేయి కడిగిసే ప్రపంచం ఆగిపోతుంది అన్నట్లు పరుగులు పెడుతుంది. నేను వచ్చి ఇంత సేపు అయింది ఒక్క ముద్ద నోటిలో పెట్టుకోలేదు అది ఎవరైనా గమనించారా. ఒక్కరైనా అడిగారా. పక్కనే ఉన్న కూతురు మనకు అవసరం లేదు కానీ ఎక్కడో ఉన్న దీప కావాలి.
సుమిత్ర: జ్యోత్స్న సాయం చేయడం నా ధర్మం కాదా.
జ్యోత్స్న: ప్రాణాలు కాపాడింది అన్న ఒక్క మాటతో దీప నా ప్రాణాలు తీస్తుంది.
శివనారాయణ: జ్యోత్స్న నీ బాధ మాకు అర్థమైంది. కానీ చూపించే పద్ధతి ఇది కాదు.
ఇక సుమిత్ర హాస్పిటల్‌కి వెళ్తుంది. ఇక శివనారాయణ, దశరథ్‌లు దీప గురించి మాట్లాడుతారు. దీప పాపకి తినిపిస్తూ తాను వెళ్లిపోతే తప్పుగా అనుకుంటారని ఉన్నా తప్పు అనుకుంటారని అనుకుంటుంది. ఇంతలో సుమిత్ర కార్తీక్ దగ్గరకు వస్తుంది. జ్యోత్స్న వచ్చి దీపని తిట్టారని చెప్తాడు. ఇక కార్తీక్‌ని ఇంటికి వెళ్లిపోమని తాను దీపని తీసుకొని వెళ్తానని అంటుంది. సుమిత్ర దీప దగ్గరకు వెళ్తుంది. కార్తీక్ బిల్లు కట్టేశాడని ఇక ఇంటికి వెళ్లడమే అని అంటుంది. దానికి దీప ఆ ఇంటికి రాను అంటుంది. జ్యోత్స్న మాటలు పట్టించుకోవద్దని దీపకు సుమిత్ర చెప్తుంది. నువ్వు నాతో రావాలి అని ఇప్పుడు వెళ్లిపోతే అందరూ తప్పుగా అనుకుంటారని అంటుంది. ఇక సుమిత్ర దీపని ఒప్పించి ఇంటికి తీసుకెళ్తుంది.
నర్శింహ, అనసూయలు భోజనం చేస్తూ ఉంటారు. శోభ వడ్డిస్తూ దెప్పిపొడుస్తుంది. ఇక శోభని పిల్లలు లేకే ఇలా మాకు ఈ పరిస్థితి వచ్చిందని అనసూయ అంటుంది. ఇక నర్శింహ శోభకి తినిపిస్తాడు. అనసూయ కూతురు కావాలి అంటే ముందు తండ్రిగా ఆ పిల్ల మీద ప్రేమ చూపించని అంటుంది. ఇక శోభ మీ అమ్మ మాటలు పట్టించుకోవద్దని అంటుంది. ఇక దీప ఆ ఇంటికే వెళ్తుందని వేరే దాని లేదని నర్శింహ అంటాడు. ఈ సారి ఎలా అయినా తన కూతుర్ని తెచ్చుకుంటానని అంటాడు. సుమిత్ర పాప, దీపని తీసుకొని ఇంటికి వస్తుంది. ఎదురుగా జ్యోత్స్న ఉంటుంది. ఇక జ్యోత్స్న దీపతో మాట్లాడాలి అంటుంది. దీప పాపని లోపల పెట్టి వస్తుంది. నిశ్చితార్థం చెడిపోయినందుకు సారీ చెప్తుంది. దీపతో మాట్లాడుతుంటే సుమిత్ర జ్యోత్స్నని తిడుతుంది. నన్ను ఎవరూ పట్టించుకోరని నీకు ఏదైనా కష్టం వస్తే అందరూ నా దీప నా దీప అని హడావుడి చేస్తున్నారని అంటుంది. దీప తనని అపార్థం చేసుకోవద్దని అంటుంది. దీంతో ఇవాళ్టి ఎపిసోడ్ పూర్తయిపోతుంది.
Also Read: చిరంజీవి లక్ష్మీ సౌభాగ్యవతి సీరియల్: మిత్రకు బురిడీ కొట్టించిన సంయుక్త.. మిత్ర నోట లక్ష్మీ మాట!