వంటల పోటీలకు వెళ్లేందుకు అప్లికేషన్ నింపామని జానకి చెప్పడంతో జ్ఞానాంభ ఆగ్రహంతో ఊగిపోతుంది. ఎన్నిసార్లు చెప్పినా నువ్వు మారవా అంటూ రంకెలేస్తుమది. ఈసారి ఇంట్లో ఆ మాట వినిపించకూడదని హుకుం జారీ చేస్తుంది. పోటీలకు చాలా మంది గొప్ప గొప్ప వాళ్లు వస్తారని... అమయాకుడైన తన కుమారుడు వాళ్లను తట్టుకోలేదని ఆవేదన వ్యక్తం చేస్తుంది జ్ఞానాంభ. ఒప్పించే ప్రయత్నం చేస్తుంది జానకి. కానీ ఇలాంటి పోటీలు ఏమీ అక్కర్లేదని జ్ఞానాంభ చెప్పేస్తుంది. ఒప్పుకోనని చెప్పేశాక... మళ్లీ మళ్లీ ఈ ప్రయత్నాలెందుకని ప్రశ్నిస్తుంది. ఎన్ని విధాలుగా ప్రయత్నించినా జ్ఞానాంభ ఒప్పుకోదు. వంటల పోటీల ప్రస్తావన మరోసారి ఇంట్లో వినిపిస్తే మర్యాదగా ఉండదని జానకి వార్నింగ్ ఇచ్చి వెళ్లిపోతుంది.
జ్ఞానాంభ అలా తెగేసి చెప్పేసరికి ఏం చేయాలో తెలియక ఆలోచిస్తూ కూర్చుంటారు రామా అండ్‌ జానకి. వాళ్లిద్దరి వద్దకు వచ్చిన గోవిందరాజు వచ్చి జ్ఞానాంభకు చెప్పకుండా వెళ్లి గెలిచి చూపించాలని సలహా ఇస్తాడు. ఇది విన్న జానకి, రామ్‌లు షాక్‌కు గురి అవుతారు. కుమారుడు ఓడిపోయి ఎక్కడ కుమిలిపోతాడో అన్న భయంతో వద్దని అంటుందని... గెలిస్తే ఆనందిస్తుందని ధైర్యం చెప్పి పంపిస్తాడు గోవిందరాజు. ఆయన మాటకు అడ్డు చెప్పిన జానకి... అత్తయ్యకు చెప్పకుండా వెళ్లదలుచుకోలేదని చెబుతుంది. అత్తయ్యను మోసం చేయలేమని చెప్పేస్తుంది. రామా ఈ పరిస్థితిలో ఉండటానికి తానే కారణమని... ఈ బాధ సంతోషంగా మారాలంటే ఆ పోటీల్లో గెలవాలని చెప్పి జానకికి నచ్చజెప్పే ప్రయత్నం చేస్తాడు. జానకి పక్కనే ఉంటే రాముడికి ఏం కాదని ప్రోత్సహిస్తాడు. అయినా జానకి ఒప్పుకోదు. దూరపు బంధువుల పెళ్లికని చెప్పి హైదరాబాద్ పోటీలకు వెళ్లమని సలహా ఇస్తాడు గోవిందరాజు. ఆయన ఒట్టేసి చెప్పేసరికి జానకిరామా కాదనలేకపోతారు.
జానకీ, రామా, గోవిందరాజుల డిస్కషన్ విన్న మల్లిక అసహనంతో రగిలిపోతుంది. ఎలాగైనా అడ్డుకుంటానని అనుకుంటుంది. వెంటనే పెద్దమ్మకు ఫోన్ చేసి విషయాన్ని వివరిస్తుంది. అడ్డుకోవాలని ప్లాన్ చెబుతుంది.
వైజాగ్‌ పెళ్లికి అని చెప్పి జానకి, రామాను ఎలా పంపించాలి... జ్ఞానాంభను ఎలా ఒప్పించాలని ఆలోచిస్తుంటాడు గోవిందరాజు. ఇంతలో మల్లిక కలుగుజేసుకొని జ్ఞానాంభకు అసలు విషయం చెబుతుంది. దీంతో అందుకున్న గోవిందరాజు... వైజాగ్‌ పెళ్లికి ఎవరు వెళ్తారని ప్రశ్నిస్తాడు. ఇందులో ఆలోచించడానికి ఏముందన్న జ్ఞానాంభ... మనిద్దరం వెళ్లొద్దామని సింపుల్‌గా చెప్పేస్తుంది. ఏదో ఫిటింగ్ పెట్టి ఆ పెళ్లికి జానకిరామాను పంపించాలని ప్లాన్ చేస్తాడు గోవిందరాజు. విష్ణు అందుకొని వాళ్లు పెద్ద కొడుకు, కోడల్ని పంపించారని... మనం కూడా అలా చేయాలని సలహా ఇస్తాడు కుమారుడు విష్ణు. దానికి మద్దతుగా గోవిందరాజు... జానకి, రామాను పంపిస్తే ఎలా ఉంటుందని ప్రపోజల్ పెడతాడు.
రేపటి ఎపిసోడ్
వైజాగ్‌ పెళ్లి పేరుతో హైదరాబాద్ వెళ్లేందుకు జానకీరామా రెడీ అవుతున్న టైంలో స్వీట్స్ ఆర్డర్ వస్తుంది. స్వీట్స్ ఆర్డర్ తీసుకుంటుంది జ్ఞానాంభ.