Jagadhatri Today Episode: ఈరోజు ఎపిసోడ్ లో కళ్ళకు గంతలు కట్టుకున్న కీర్తి చూసుకోకుండా బురద కాళ్లతో నిషిక చీర తొక్కేస్తుంది. అది చూసిన నిషిక కోపంతో కీర్తిని కొట్టి కిందకు నెట్టేస్తుంది. .
ధాత్రి : కీర్తికి దెబ్బ తగలడం చూసి కోపంతో రగిలిపోయి నిషిక చెంప పగల కొడుతుంది.
నిషిక : నీకు ఎంత ధైర్యం ఉంటే నన్ను కొడతావు, అయినా కీర్తి తప్పు చేసింది కాబట్టి కొట్టాను. ఈ చీర నాకు మా అత్తగారు పెట్టిన మొదటి చీర దీని విలువ ఎంతో తెలుసా అని పొగరుగా మాట్లాడుతుంది.
ధాత్రి : చీర ఖరీదు ఎంత అయితే మాత్రం చిన్న పిల్లని ఇలా కొడతావా, కొట్టడానికి నీకు మనసు ఎలా వచ్చింది అంటుంది.
కౌషికి : మీ చెల్లెలికి అసలు మనసు అనేది ఉంటే కదా, తనని ఏమైనా అందామంటే నా తమ్ముడు బాధపడతాడని ఊరుకుంటున్నాను అని బాధపడుతూ కూతురుని తీసుకుని అక్కడి నుంచి వెళ్ళిపోతుంది.
వైజయంతి, యువరాజ్ కూడా ధాత్రి చేసింది తప్పు అని ఆమెని కోప్పడి అక్కడి నుంచి వెళ్ళిపోతారు.
గదిలోకి వెళ్లిన నిషిక కోపంతో రగిలిపోతూ ఉంటుంది. అప్పుడే ఆమె దగ్గరికి యువరాజ్, వైజయంతి వస్తారు.
నిషిక : అసలు అది ఎవరు నన్ను కొట్టడానికి ఇప్పుడే మా అమ్మకి చెప్పి రమ్మని చెప్తాను అంటుంది.
యువరాజ్: వద్దు, గొడవ పెద్దదవుతుంది అంటాడు.
వైజయంతి: రానివ్వు ఎన్నాళ్ళని నిషి గొంతు నొక్కేస్తాము.. మాట్లాడవలసిన వాళ్ళు వచ్చి మాట్లాడితే వాళ్ళ పొగరులు అణుగుతాయి అంటుంది.
వెంటనే నిషిక తల్లికి ఫోన్ చేసి జరిగిందంతా చెప్తుంది. కోపంతో రగిలిపోయిన రాగిణి ఇక్కడ ఉన్నప్పుడు అణిగి మణిగి ఉండేది అక్కడికి వెళ్ళాక పెత్తనాలు చేస్తుందా.. ఇప్పుడే వస్తాను అని తన వదినతో కలిసి కౌషికి ఇంటికి వస్తారు.
రాగిణి: ధాత్రిని పిలిచి నువ్వు ఎవరివి నా కూతురిని కొట్టడానికి దాని మీద చేయి చేసుకునే అంత ధైర్యం నీకు వచ్చిందా అని ధాత్రిని కొట్టడానికి చెయ్యి ఎత్తుతుంది.
కేదార్: ఆమె చేయి పట్టుకొని ఇన్నాళ్ళు తను మీకు కూతురు అయి ఉండవచ్చు కానీ ఇప్పుడు నా భార్య. మీరు చేయి చేసుకుంటే ఊరుకునేది లేదు అని అడ్డుకుంటాడు.
భార్యని ఒక మాట అంటే ఊరుకోవటం లేదు చూసి నేర్చుకో అని యువరాజ్ ని మందలిస్తుంది రాగిణి. ఆ తర్వాత ధాత్రిని నిషికకి క్షమాపణ చెప్పమంటుంది. తను తప్పు చేయలేదు క్షమాపణ చెప్పదు అంటాడు కేదార్.
రాగిణి : సరే అయితే విలువ లేని ఇంట్లో ఉండటం ఎందుకు నిషి వెళ్లి బట్టలు సర్దుకో వెళ్ళిపోదాం అని నిషిని తీసుకుని ఆమె గదికి వెళ్ళిపోతుంది. వెనకే నిషి అత్త కూడా వెళుతుంది.
ధాత్రి : పరుగెత్తుకుంటూ వెళ్లి చిన్న విషయానికే చెల్లి పుట్టింటికి వచ్చేస్తే పుట్టింటి పరువు పోతుంది క్షమాపణ నేను చెప్తాను తనని ఎక్కడికి తీసుకు వెళ్ళకండి అని నిషికి క్షమాపణ చెప్తుంది ధాత్రి. అయినా పొగరుగా ఆమెని నెట్టేసి కిందికి వస్తారు రాగిణి వాళ్ళు.
ఇంట్లో వాళ్ళందరూ కూర్చుని మాట్లాడుకుందాం. అంతేకానీ ఇలా వెళ్లిపోవడమేమిటి అని సర్ది చెప్తారు.
రాగిణి : అదంతా నాకు తెలియదు వాళ్ళు ఈ ఇంట్లో ఉన్నంతకాలం నా కూతురు సుఖపడలేదు అంటుంది.
కేదార్: ఇంకొక పది రోజులు వరకు మేము ఎక్కడి నుంచి కదిలేది లేదు తర్వాత మీ ఇష్టం అని చెప్పి భార్యని తీసుకొని అక్కడి నుంచి వెళ్ళిపోతాడు.
అయితే మేము కూడా వెళ్ళిపోతాము అంటున్న రాగిణి తో వాళ్లు వెళ్లిపోవడమే కదా మీకు కావలసింది నేను వెళ్లి మాట్లాడుతాను అని చెప్పి కౌషికిని తీసుకొని వాళ్ళు ఉన్న గదికి వెళ్తాడు సుధాకర్. ఇంతటితో ఈరోజు ఎపిసోడ్ పూర్తవుతుంది.
Also Read: 'త్రినయని' సీరియల్ - తన మొదటి భర్త రావడంతో షాకైన తిలోత్తమ, గంగాధర్ చేతిలోనే చనిపోతుందా!