Chiranjeevi Lakshmi Sowbhagyavathi Serial Today Episode అరవింద రంగా గురించి తెలుసుకొని వెళ్తుందని సరయుకి మనీషా చెప్పి రంగాని చంపేయ్ మని అంటుంది. సరయు వాళ్లు వెళ్తారు. మిత్ర లక్ష్మీ దగ్గరకు వస్తాడు. ఏమైంది ఎందుకు అలా ఉన్నారని లక్ష్మీ అడిగే మమ్మీ సాక్ష్యం కోసం వెళ్తున్నా అని చెప్పిందని నువ్వు ఒకసారి ఫోన్ చేసి అడుగు అంటాడు. లక్ష్మీ అరవిందకు ఫోన్ చేసి ఎక్కడికి వెళ్తున్నారని అడుగుతుంటే వచ్చాక చెప్తానని అంటుంది. సాక్ష్యం అన్నారు కదా ఏంటి అది అని అడుగుతుంది.


అరవింద: నిన్ను ఎవరు చంపాలి అనుకున్నారో వాళ్ల గురించి తెలిపే సాక్ష్యం. నీ మీద హత్యా ప్రయత్నం చేసిన డైవర్ అన్ని విషయాలు నాకు చెప్తా అన్నాడు. వాడి దగ్గరకే వెళ్తున్నా లక్ష్మీ. ఈ రోజు మనీషా పని అయిపోతుంది. అది నన్ను జైలుకి పంపడం కాదు నేనే దాన్ని జైలుకి పంపేస్తా.
లక్ష్మీ: మీరు ఒక్కరే ఎందుకు వెళ్లారు అత్తయ్య గారు. ఆయనో వివేక్‌నో తీసుకెళ్లాల్సింది కదా.
అరవింద: ఏం పర్లేదు లక్ష్మీ కాసేపట్లో నీ సమస్యలు అన్నీ తీరిపోతున్నాయి. మనీషాని జైలుకి పంపిస్తా. నేను వచ్చే వరకు మిత్రకు ఏం చెప్పకు.
మిత్ర: లక్ష్మీఆ సాక్ష్యం ఏంటి.
లక్ష్మీ: సాక్ష్యం కాదండి శకనం అని దీక్షితులు గారి దగ్గరకు వెళ్తున్నారు.
మిత్ర: ఆయన ఊరిలో లేరు కదా ఆయన శిష్యులు దగ్గరకు వెళ్లారా.


అరవింద రంగాని కలుస్తుంది. మనీషా లక్ష్మీని గాయపరచమంటే సరయు చంపేయమని చెప్పిందని చెప్తాడు. రంగా, అరవింద మాట్లాడుకోవడం చూసి సరయు షాక్ అవుతుంది. మిత్రకు ఏం కాకూడదని మనీషా చెప్తే సరయు మిత్రని కూడా చంపేయమని చెప్పిందని రంగా అరవిందతో చెప్తాడు. రంగాని తీసుకొని ఇంటికి బయల్దేరుతుంది అరవింద. సరయు మనీషాకి విషయం చెప్తుంది. మనీషా షాక్ అయిపోతుంది. రంగాకి మనీషా కాల్ చేస్తుంది. నువ్వు ఎవరితో ఉన్నావో నాకు తెలుసు నీ పెళ్లాం పిల్లలు నా దగ్గర ఉన్నారు నువ్వు నోరు తెరిస్తే వాళ్లని చంపేస్తా అని బెదిరిస్తుంది. మరోవైపు జున్నుకి ఫ్రైజ్ ఇచ్చిందని జున్నుని ఎత్తుకొని తిప్పమని లక్కీ అంటుంది. జున్నుని జయదేవ్ ముద్దాడుతాడు. ఇక లక్కీ మళ్లీ చెప్పడంతో మిత్ర జున్నుని ఎత్తుకొని తిప్పుతాడు. పిల్లలు నానమ్మ గురించి అడుగుతారు. 


దేవయాని మనీషాతో ఈ ఫ్యామిలీలో నీ చాప్టర్ క్లోజ్ అని అంటుంది. అరవింద సాక్ష్యం తీసుకురాగానే నిన్ను మిత్ర గెంటేస్తాడని చెప్తుంది. నన్ను నీ విషయంలో లాగొద్దని దేవయాని అంటుంది. మిత్ర లేకుండా నేను బతకలేనని అంత వరకు వస్తే చనిపోతానని మనీషా అంటుంది. అందరూ అరవింద కోసం ఎదురు చూస్తూ ఉంటారు. అరవింద ఫోన్ స్విఛ్ ఆఫ్ వస్తోందని జయదేవ్ చెప్తాడు లక్ష్మీ ఆలోచనలో పడుతుంది. మనీషా చాటుగా చూడటం చూసిన లక్ష్మీ తనని చూసి మనీషా దాక్కోవడం గమనిస్తుంది. మరోవైపు దేవయాని కూడా తొంగి తొంగి చూడటం చూసిన లక్ష్మీ తనకు ఏదో కీడు శంకిస్తుందని అంటుంది. మిత్ర రావడంతో విషయం చెప్తుంది. ఇంతలో మిత్రకు ఫోన్ వస్తుంది. మిత్ర కంగారు పడతాడు. పోలీసులు ఫోన్ చేశారని వెంటనే రమ్మన్నారు అని చెప్తాడు. అందరూ షాక్ అవుతారు. మిత్ర, లక్ష్మీ, జయదేవ్ పోలీస్ స్టేషన్‌కి బయల్దేరుతారు. దీంతో ఇవాళ్టి ఎపిసోడ్ పూర్తయిపోతుంది. 


Also Read: సత్యభామ సీరియల్: సత్యతో మసాజ్ చేయించుకోవాలని క్రిష్ తంటాలు.. కోడలికి షాక్ కొట్టించాలని భైరవి ప్లాన్!