Chiranjeevi Lakshmi Sowbhagyavathi Today Episode సంయుక్త లక్ష్మీ ఒక్కరే అని అరవిందకు తెలిసిపోతుంది.. లక్ష్మీ గురించి చెప్పుకొని అరవింద జాను దగ్గర బాధ పడుతుంది. మిత్ర కోసం తను చాలా కష్టపడుతుంటే నిజం తెలుసుకోకుండా చనిపోయిందనే భ్రమలో ఉన్నామని అరవింద ఎమోషనల్ అవుతుంది. జయదేవ్ అరవిందను ఓదార్చుతాడు. మరోవైపు లక్ష్మీ, అర్జున్లు మిత్ర గురించి వీధి వీధి తిరుగుతూ వెతుకుతుంటారు. మరోవైపు మిత్రని తప్పించేయాలని రౌడీలు సిద్ధమవుతుంటారు. మిత్ర ఇచ్చిన క్లూ ద్వారా లక్ష్మీ, అర్జున్లు వెతుకుతారు. ఉల్లిపాయలు అమ్మే వ్యక్తికి రూట్ అడుగుతారు. ఫోన్లో విన్న మాటలు బట్టి సంయుక్త, అర్జున్ అటుగా వెళ్తారు.
సంయుక్త, అర్జున్లు కిడ్నాప్ చేసిన వ్యాన్ గుర్తు పడతారు. ఇద్దరూ మెల్లగా కిడ్నాపర్లు చూడకుండా మిత్రని కనిపెడతారు. మిత్రని ఎలా కాపాడాలా అని ఆలోచిస్తుంటారు. ఇక వాళ్లని మనీషా ఫాలో అవుతుంది. మనీషా కూడా మిత్రని ముందు తానే కాపాడినట్లు నటించి క్రెడిట్ కొట్టేయాలని అనుకుంటుంది. అర్జున్ రౌడీలను కొట్టడానికి రెడీ అవుతాడు. మరోవైపు మనీషా మిత్ర వాళ్ల దగ్గరకు వెళ్తుంది. పక్కనే ఉన్న రాడ్ తన్నేయడంతో సౌండ్ వచ్చి మనీషాని పట్టుకోవడానికి రౌడీలు వస్తే అర్జున్, సంయుక్త వాళ్లని చితక్కొడతారు. ఇక మనీషా మిత్ర దగ్గరకు వెళ్లి కట్లు విప్పుతుంది. రౌడీలు ఏమైనా చేస్తారు వెళ్లిపో అని మిత్ర అన్నా మనీషా చావు అయినా చస్తా కానీ వెళ్లను అంటుంది. ఇక రౌడీలు మనీషాని కొడతారు. మనీషా ముందే మిత్రని చంపాలని కత్తి తీస్తారు. మిత్రని పొడవబోతే లక్ష్మీ వచ్చి కత్తి పట్టుకొని రౌడీ మెడ పట్టుకుంటుంది. ఆ క్రమంలో లక్ష్మీ రౌడీని తీసుకెళ్లిపోతే కత్తి కింద పడిపోతుంది. మనీషా ఆ కత్తి తీసుకొని తన చేయి కట్ చేసుకుంటుంది. రౌడీలే ఏదో చేశారని మిత్ర అనుకుంటాడు. అర్జున్, సంయుక్తలు కూడా షాక్ అయిపోతారు.
మనీషా ఏదో సాధించినట్లు నవ్వుతుంది. మిత్ర మనీషా మనీషా అని కంగారు పడతాడు. మిత్రని తీసుకొని మనీషా వెళ్లిపోతుంది. సంయుక్త, అర్జున్ ఇద్దరూ మనీషా లేకపోవడం చూసి షాక్ అయిపోతారు. మనీషా, మిత్ర ఇద్దరూ వెళ్లిపోతారు. మనీషా చేతికి దెబ్బ తగలడంతో మిత్ర విలవిల్లాడిపోతాడు. ఇద్దరూ కలిసి కారులో వెళ్లిపోతారు. సంయుక్త, అర్జున్ వెనుకే వెళ్లినప్పటికి ఇద్దరూ వెళ్లిపోతారు. ఇక అర్జున్ సంయుక్త చేతికి కట్టు కడతాడు. మరోవైపు మిత్ర ఇంటిలో అందరూ మిత్ర కోసం ఎదురు చూస్తున్నారు. సంయుక్తకి కాల్ చేస్తారు జయదేవ్. మిత్రకు ఏం కాలేదని సేవ్ చేశామని ఇంటికి వస్తున్నాం అని సంయుక్త చెప్తుంది. మనీషా మిత్రను తీసుకొని వస్తుంది. అందరూ షాక్ అవుతారు. మనీషా కాపాడిందని చెప్తాడు. మనీషా తన చేతి గాయాన్ని కూడా చూపిస్తుంది. మిత్ర మనీషాకి కట్టు కడతాడు. మనీషా అంతా యాక్టింగ్ అన్నట్లు దేవయానికి సైగ చేస్తుంది. దాంతో దేవయాని మనీషాని పొగుడుతుంది. ఇక అరవింద సంయుక్త, అర్జున్‌ల గురించి అడుగుతుంది. దీంతో ఇవాళ్టి ఎపిసోడ్ పూర్తయిపోతుంది.