Ammayi garu Serial Today Episode రాజుని ముత్యాలు లాక్కొచ్చి గదిలో పెడుతుంది. ఇక మీద ప్రతాప్ ఇంటికి వెళ్లొద్దని రూపని కలవడానికి వీల్లేదు అని చెప్తుంది. ఇక రాజు గదిలో ఉన్న చిన్నపిల్లల పోస్టర్లు అన్నీ చింపి పడేస్తుంది. రూపని కోడలిగా అంగీకరించని అంటుంది.


ముత్యాలు: అదేదో తప్పు చూపించి నిన్ను వదిలేసి వెళ్లిపోయారు. అలాంటి వాళ్ల కోసం నువ్వు ఆలోచించడం కరెక్ట్ కాదు. ఆ పెద్ద మనిషి ఏదో మనసులో పెట్టుకొని ఇదంతా చేస్తున్నాడు.
రాజుతండ్రి: ముత్యాలు పెద్దయ్య గారి గురించి పక్కనపెట్టు రాజు మీదే పంచప్రాణాలు పెట్టుకొని ఉన్న అమ్మాయి గారి గురించి ఆలోచించు. వాళ్లిద్దరూ కలిసి ఉండక పోతే మనవడు ఎలా వస్తాడు. 
ముత్యాలు: ఏంటయ్యా నువ్వు వాళ్లిద్దరినీ నేను విడదీసినట్లు మాట్లాడుతున్నావు. ఇదంతా వాళ్లే కదా చేసింది. నేను సీమంతం ప్లాన్ చేస్తే ఆ పెద్ద మనిషి గన్ పేలేలా చేశాడు. లేదంటే మన ఇంట్లోకి అంత ధైర్యంగా వస్తారు. ఆయన గన్ ఎవరు గురి పెడతారు. నువ్వు బాగుండటం ఇష్టం లేక నీకు బిడ్డ పుట్టడం ఇష్టం లేక ఇదంతా చేశారు. ఇక చివరకు మీరిద్దరూ కలిసి ఉండటం ఇష్టం లేక ఆ విజయాంబిక ప్లాన్ చేసి నువ్వు ఏదో క్షమించరాని తప్పు చేసినట్లు చూపించి రూపని తీసుకెళ్లిపోయారు. అయినా నువ్వు ఇదంతా ఎందుకు చేశావ్ వాళ్ల మంచి కోసమే కదా. ఆ రూప అయినా నేను రాను నాన్న నాకు నీ కంటే రాజే ఎక్కువ అని చెప్పిందా లేదే. అయినా మొగుడితో కాదని నాన్నతో పోయిన అమ్మాయి మనకు ఎందుకురా. వాళ్లు వద్దు వాళ్ల అమ్మాయి మనకు వద్దు. కాదూ కూడదు అని నువ్వు వెళ్లాలి అనుకుంటే నా శవాన్ని దాటుకొని వెళ్లు.
రాజు: అమ్మా,, అమ్మా.


ప్రతాప్ రూపని తీసుకొచ్చి గదిలోకి వెళ్తారు. ఎవరు పిలిచినా వినరు. దీపక్, విజయాంబిక ఇద్దరూ తమ ప్లాన్ సక్సెస్ అయిందని ఇక విరూపాక్షి మేటర్ క్లోజ్ చేయాలి అనుకుంటారు. ఇక ప్రతాప్ రూపని రాజు గురించి మర్చిపోమని అంటాడు. దానికి రూప రాజు తన భర్త అని రాజు లేకుండా ఉండలేను అని బతికితే రాజుతో బతుకుతాను అని లేదంటే చచ్చిపోతాను అని అంటుంది. దానికి నీకు నాన్న అవసరం లేదా అని ప్రతాప్ అంటాడు. రాజు తప్పు చేశాడని నమ్ముతున్నారా అని అడుగుతుంది. తన అక్కని తప్పుగా చిత్రీకరించిన వాడిని క్షమించనని అంటాడు. చచ్చినా నిన్ను ఆ ఇంటికి పంపించనని ప్రతాప్ రూపతో చెప్తాడు. ఇక్కడే నీకు ఏ లోటు లేకుండా చూసుకుంటానని అంటాడు. దానికి రూప పెళ్లి కాకపోయి ఉంటే మీరు చెప్పినట్లే ఉంటానని కానీ ఇప్పుడు తనకు అంతా రాజే అని అంటుంది. కానీ తనకు తండ్రీ, భర్త ఇద్దరూ కావాలని ఇద్దరూ కలవాలని అంటుంది. దానికి ప్రతాప్ అది ఎప్పటికీ జరగదు అని అంటాడు. రాఘవ దొరకగానే మీకు నిజం చెప్పిస్తాను అని రూప మనసులో అనుకుంటుంది. 


మరోవైపు రాజు తండ్రి దగ్గర బాధ పడతాడు. నీ మీద ప్రేమ వల్లే నీ తల్లి ఇలా చేస్తుందని అంటుంది ఇక రాజు అమ్మాయి గారిని కలవాలి అని తన ఆరోగ్యం ఎలా ఉందో అని టెన్షన్ పడతాడు. దానికి అతని తండ్రి వెళ్లమని అమ్మాయి గారికి ధైర్యం ఇవ్వమని అంటాడు. రూప రాజు, తండ్రి గురించి ఆలోచిస్తుంది. రాజు దొంగతనంగా ప్రతాప్ ఇంటికి వచ్చి రూపని కలుస్తాడు. మరోవైపు ప్రతాప్ విజయాంబికకు క్షమాపణ అడుగుతాడు. ఓ అబద్దాన్ని నమ్మి నిన్ను అసహ్యించుకొని అనరాని మాటలు అన్నానని అంటాడు. ఇక విజయాంబిక ఇదంతా చేసింది ఆ విరూపాక్షినే అని పుల్ల పెడుతుంది. 


ప్రతాప్‌ని నమ్మించాలి అని చూస్తుంది. మొసలి కన్నీళ్లు కార్చుతుంది. రూప, రాజు హగ్ చేసుకొని మాట్లాడుకుంటారు. ఇక రూప దగ్గరకు ప్రతాప్ వస్తాడు. ప్రతాప్ చూడకుండా రాజు దాక్కుంటాడు. రూప తండ్రితో రాజు గురించి మరోసారి ఆలోచించమని అంటుంది. ఇక ప్రతాప్ వెళ్లిపోగానే రాజు బయటకు వస్తాడు. దీంతో ఇవాళ్టి ఎపిసోడ్ పూర్తయిపోతుంది. 


Also Read: 'సీతే రాముడి కట్నం' సీరియల్: త్వరలోనే ఇంటికి వస్తానంటూ సుమతి లెటర్.. టీచర్ మీద సీతకు డౌట్!