Ammayi garu Serial Today Episode రూప తండ్రి దగ్గరకు వెళ్లి మనతో పాటు అమ్మ కూడా ఉండాలని అడుగుతుంది. అది జరగదు అని చెప్పి సూర్యప్రతాప్ వెళ్లిపోతాడు. ఇలా ఎందుకు అడిగావ్ అని రాజు రూపని అడుగుతాడు. తప్పు చేసిన వాళ్లు ఇంట్లో దర్జాగా ఉన్నప్పుడు ఏ తప్పు చేయని మా అమ్మ ఎందుకు ఇంట్లో ఉండకూడదు అని రూప అడుగుతుంది. నాన్న అమ్మ గురించి కూడా ఆలోచించాలి కదా అని రూప అంటుంది.
రాజు: అమ్మగారిని ఇంటికి తీసుకురావాలి అంటే మనకు తెలిసిన నిజం పెద్దయ్యగారికి తెలియాలి.
అప్పలనాయుడు: తన ఇంట్లో.. అంటే ఆ రాఘవని తీసుకురావాలి.
రాజు: ఆ రాఘవని పెద్దయ్య గారి ముందుకు తీసుకురావాలి.
విరూపాక్షి: రాజు ఎలా అయినా రాఘవని తీసుకొస్తాడని నాకు తెలుసు అప్పలనాయుడు కానీ రాఘవ లేడు అనే ఆలోచననే నన్ను కుదురుగా ఉంచడం లేదు.
ముత్యాలు: మీరే అంటారు కదమ్మగారు మంచి వాళ్లకి మంచే జరుగుతుందని మీకు అదే మంచి జరుగుతుంది. రాఘవ ఎక్కడో ప్రాణాలతోనే ఉంటాడు.
రాజు: రాఘవ ఎక్కడున్నా తీసుకొచ్చి పెద్దయ్య గారి ముందు ఉంచే బాధ్యత నాది.
ఉదయం సూర్యప్రతాన్ తమ్ముడు చంద్రని పిలిచి ఇవాళ మీటింగ్‌లు ఏం వద్దని నా మనసు బాలేదని చెప్తాడు. ఇంతలో పంతులు ఇంటికి వస్తాడు. విజయాంబిక వచ్చి తానే పిలిపించానని చెప్తుంది. పింకీ, జీవన్‌ల ఫస్ట్‌నైట్ కోసం పంతుల్ని పిలిపించానని చెప్తుంది. అందరూ షాక్ అవుతారు.
సూర్యప్రతాప్: రూప విషయంలో తండ్రిగా ఏం చేయలేకపోయాను. తాను ప్రెగ్నెంట్‌గా ఉన్నప్పుడు దగ్గరకు తీసుకోలేపోయాను. చివరకు నా కోసం తన బిడ్డని చంపుకుంది. కానీ నేను మాత్రం వాళ్లని దగ్గరకు తీసుకోలేకపోయాను. అన్నీ మంచిగా జరిగి ఉంటే ఈ పాటికి ఈ ఇంట్లో కూడా ఓ బిడ్డ ఆడుకుంటూ తిరిగేది.
రాజు: అమ్మాయి గారు పెద్దయ్యగారు అదంతా నిజం అనుకుంటున్నారు అబద్ధంఅని తెలిస్తే మనల్ని క్షమించరు. పెద్దయ్య గారికి నిజం చెప్పేస్తాను.
రూప: రాజు నిజం చెప్తే మనల్ని క్షమించరు రాజు. మనం చెప్పింది చిన్న అబద్ధం కాదు. ప్రెగ్నెన్సీ డ్రామా అని తెలిస్తే అస్సలు ఊరుకోరు. ఈ విషయం చెప్పకపోతే మంచిది. అందరూ దీన్ని మర్చిపోయారు. నువ్వు నిజం చెప్పి కొత్త సమస్యలు తీసుకురావొద్దు.
రూప రాజులు మాట్లాడుకోవడం అందరూ వినేస్తారు. విజయాంబిక సూర్యప్రతాప్కి రాజు, రూపలు మోసం చేశారని చెప్తుంది రూప తానేం తప్పు చేయలేదు అని మేం పెళ్లి అయి మూడేళ్లు అయినా భార్యభర్తలుగా కలిసి లేమని చెప్తుంది. మీ అంగీకారం లేకుండా మేం కలిసి ఉండాలి అనుకోలేదని అంటుంది. ఇక రాజు కూడా శ్వేతతో పెళ్లి ఆపడానికి వచ్చిన రూప కళ్లు తిరిగి పడిపోయిందని ఆ టైంలో డాక్టర్ రూప ప్రెగ్నెంట్ అని చెప్పిందని తాము కూడా షాక్ అయినప్పటికీ పెళ్లి ఆపడానికి ఆ అబద్దం వాడుకున్నామని అంటాడు. జీవన్ మనసులో ప్రెగ్నెన్సీ నాటకం ఆడి తన చెల్లిని మోసం చేశారని జీవితంలో రూపకి ప్రెగ్నెన్సీ రాకుండా చేస్తానని అనుకుంటాడు. దీపక్, విజయాంబిక ఎంత సూర్యప్రతాప్కి తగిలించాలని చూసినా సూర్యప్రతాప్ నా మీద గౌరవంతో ఉండిపోయారని వాళ్లని దగ్గరకు తీసుకుంటాడు.
సూర్యప్రతాప్ ఇక పంతులుతో రాజు, రూపల ఫస్ట్‌నైట్‌కి ముహూర్తం పెట్టమని అంటాడు. ఇక పంతులు రూప వాళ్లకి రేపు, పింకీ వాళ్లకి ఎల్లుండి ముహూర్తం పెడతాడు. విజయాంబికకు రూప వాళ్ల ఫస్ట్ నైట్ బాధ్యతల్ని కూడా సూర్యప్రతాప్ అప్పగిస్తాడు. రాజు, రూపలు జరిగింది తలచుకొని చాలా సంతోషిస్తారు. ఇక రాజు రేపు తన తల్లి పుట్టిన రోజు అని బాధ పడతాడు. ఇక ముత్యాలు కూడా ప్రతీ సంవత్సరం తన కొడుకే దగ్గరుండి గుడికి తీసుకెళ్లి కేక్ కట్ చేయించేవాడని ఈ సారి దూరంగా ఉంటే పుట్టిన రోజు ఎలా జరిపించుకోవాలని బాధ పడుతుంది. ఇంట్లో అందరూ ముత్యాలుకి ఒప్పించే ప్రయత్నం చేస్తారు. రాజు కూడా తన తల్లిదండ్రులు తనని గుర్తు చేసుకోరని అనుకుంటాడు. ఇంతలో మందారం విరూపాక్షికి కాల్ చేస్తుంది. రాజు, రూపల తొలిరేయికి సూర్యప్రతాప్ ముహూర్తం పెట్టించారని చెప్తుంది. రేపు కుదిరితే వాళ్లని గుడికి తీసుకురమ్మని విరూపాక్షి మందారంతో చెప్తుంది. ఇక విరూపాక్షి ముత్యాలుకు రాజుని చూపించాలని అనుకుంటుంది. ఇక మందారం రూపని పిలిచి రాజు తల్లిదండ్రులు గుడికి వస్తున్నారని చెప్తుంది. దీంతో ఇవాళ్టి ఎపిసోడ్ పూర్తయిపోతుంది.