Ammayi garu Serial Today Episode రూప బాధగా కిందకి వస్తూ నాన్నకి నాకు ఎలాంటి రోజు అయితే రాకూడదు అనుకున్నానో అలాంటి రోజే వచ్చిందని బాధ పడుతుంది. తాను బాధ పడినా పింకీ నచ్చిన వాడిని పెళ్లి చేసుకొని సంతోషంగా ఉంది అది చాలు అని అనుకుంటుంది. ఇక దీపక్, విజయాంబికలు బాధ పడుతున్న చంద్ర, సుమ దగ్గరకు వెళ్తారు.


విజయాంబిక: తమ్ముడు బాధ పడొద్దు పింకీ తన తప్పు తెలుసుకొని తిరిగి వస్తుంది.
చంద్ర: పింకీ తిరిగి వచ్చినంత ఈజీగా పోయిన మన పరువు అన్నయ్య గౌరవం తిరిగిరాదు.
విజయాంబిక: సుమ నువ్వు ఎందుకు బాధ పడుతున్నావ్ మీ లాంటి అమ్మానాన్నల్ని వదిలి వెళ్లినందుకు పింకీ బాధ పడాలి. రాజభోగాలు వదిలి ఆ బస్తీకి వెళ్లినందుకు పింకీనే బాధ పడాలి. 
రూప: నీ నోట్లో ఇలాంటి పనికిమాలిన మాటలు తప్ప మంచి మాటలు రావా అత్తయ్య. రాజభవనం, బస్తీలోని పూరి గుడిసల్లో ఏది బాగుంటుందా అని చూడటానికి మనం వాటి కోసం వాడిన మట్టినో సిమెంట్‌నో కాదు చూడాల్సింది అందులో ఉన్న మనుషుల్ని చూడాలి. అలా చూస్తే మీ లాంటి మనుషులు ఉన్న ఈ రాజభవనం కంటే మంచి మనుషులు ఉన్న రాజు ఇల్లే గొప్పది. పిన్ని బాబాయ్ మీరు బాధ పడకండి. అక్కడ రాజు ఉన్నాడు పింకీ అక్కడ చాలా హ్యాపీగా ఉంటుంది.
చంద్ర: పింకీ గురించి మాకు ఏ బాధ లేదమ్మా కానీ మీరు అన్నయ్య గురించి ఎందుకు ఆలోచించలేదని మేం బాధపడుతున్నాం.
సుమ: మాకు విలువ ఇవ్వకపోయినా మేం ఇంత బాధపడం కానీ బావగారు ఈ ఇంటి కోసం ఎంత కష్టపడ్డారు అలాంటి ఆయన గురించి మీరు ఎందుకు ఆలోచించలేదు.
రూప: బాబాయ్ అంతా సెట్ అవుతుంది మీరు బాధపడకండి. జీవన్ లాంటి దుర్మార్గుడే పింకీ భర్త అనగానే ఒప్పుకున్నారు అలాంటిది మంచివాడైన గోపీని అంగీకరించరా చెప్పండి. ఇంతలో రూప జీవన్ ఎందుకు బంటీని కిడ్నాప్ చేయాలి అనుకున్నాడని ఆలోచించి విజయాంబిక వాళ్లతో జీవన్‌తో మీకు ఏంటి పని అని అడుగుతుంది.
విజయాంబిక:  ఏం మాట్లాడుతున్నావ్ రూప జీవన్‌తో మాకు ఏం పని ఉంటుంది.
రూప: బంటీని కిడ్నాప్ చేయించింది మీరే కదా. జీవన్‌కి నువ్వు కాల్ చేశావ్ కదా దీపక్. నీ ఫోన్ ఇవ్వు.


రూప దీపక్ ఫోన్ తీసుకొని చెక్ చేస్తుంది. దీపక్ హిస్టరీ డిలీట్ చేయడంతో రూప ఏం అనలేదు. విజయాంబిక, దీపక్‌లు కవర్ చేస్తారు. ఇక రూప బంటీని కిడ్నాప్ చేయడంలో మీకు సంబంధం ఉందని తెలిస్తే మీ పని అప్పుడు ఉంటుందని వార్నింగ్ ఇచ్చి వెళ్తుంది. ఇక విజయాంబిక జీనవ్, దీపక్‌లు ఫోన్ మాట్లాడుకోవడం రూపకి తెలియడం ఏంటి అని షాక్ అయి జీవన్‌కి కాల్ చేసి జాగ్రత్తగా ఉండాలని చెప్తుంది. జీవన్ ఆలోచించి హారతి రూపకి విషయం చెప్పుంటుందని కోపంగా వెళ్తాడు.


ఉదయం రూప గుడికి వస్తుంది. తన తండ్రి పేరు మీద, రాజు పేరు మీద అర్చన చేయిస్తుంది. చనిపోయిన తన కొడుకు పుట్టిన రోజు కావడంతో ఆ బాబు పేరు మీద కూడా అర్చన చేయమని అంటుంది. పేరు ఏంటని పూజారి అడిగితే పేరు పెట్టలేదని 5 ఏళ్ల క్రితం ఇదే రోజున ఇదే సమయానికి పుట్టాడని ఎమోషనల్ అవుతుంది. ఈ రోజే నా కొడుకు చనిపోయాడని పంతులుకి చెప్పి బాధ పడుతుంది. పంతులు రూపకి ప్రదక్షిణలు చేయమని చెప్తారు. ఇక రాజు బంటీని కొత్త డ్రస్‌లో రెడీ చేసి చాలా సార్లు పుట్టిన రోజు విషెస్ చేసి పింక్ కలర్ బాక్స్ గిఫ్ట్ ఇస్తాడు. పింకీ చూసి బంటీ రాజుని నాన్న అంటున్నాడేంటి అనుకుంటుంది. ముత్యాలు దేవుడికి హారతి ఇచ్చి బంటీకి ఇస్తుంది. బంటీ పెద్దల దగ్గర ఆశీర్వాదం తీసుకుంటాడు. రాజు పింకీని  చూసి పింకీకి అనుమానం వచ్చినట్లు ఉందని అనుకుంటాడు. 


మరోవైపు వవిజయాంబిక, దీపక్‌, జీవన్‌లు రూప ఉన్న గుడిలోనే కలుస్తారు. వాళ్లు ముగ్గురు మాట్లాడుకోవడం రూప చూసి చాటుగా ఏం మాట్లాడుకుంటున్నారా అని వింటుంది. రూప వాళ్ల ముగ్గురు మాట్లాడుకోవడం ఫొటో తీస్తుంది. హారతి వల్లే రూపకి బంటీ కిడ్నాప్ గురించి తెలిసిపోయిందని మాట్లాడుకుంటారు. రూపకి మన మీద డౌట్ వచ్చిందని ఇలా అయితే రూప కొడుకు చనిపోలేదు బతికే ఉన్నాడని రూపకి తెలిసి పోతుందని విజయాంబిక అంటుంది. ఆ మాట రూప విని షాక్ అయిపోతుంది.  నా కొడుకు బతికే ఉన్నాడా అని ఏడుస్తుంది. విజయాంబిక దగ్గరకు వెళ్లి నా కొడుకు బతికే ఉన్నాడా అత్తయ్యా అని అడుగుతుంది.


విజయాంబిక, దీపక్‌లు మందారం కొడుకు మణిదీప్ గురించి రూప కొడుకు అని అన్నాం అని అంటారు. నేను విన్నానని రూప అంటుంది. అసలు మీరు జీవన్‌ని ఎందుకు కలిశారు బంటీని ఎందుకు కిడ్నాప్ చేయాలి అనుకున్నారు నేను నాన్నకి చెప్తానని అంటుంది. రూప కొడుకు బతికే ఉన్నాడని తెలిస్తే మన జీవితాలు అయిపోతాయని రూప తండ్రిని కలవకుండా ఆపాలని దీపక్, విజయాంబిక పరుగులు తీస్తారు. పింకీ మనసులో బంటీ రాజుని నాన్న అంటున్నాడు. అసలు ఎవరు ఈ బంటీ అని అనుకుంటుంది. రాజు వరాలుతో బంటీని పంపి చుట్టుపక్కల వాళ్లకి చాక్లెట్స్ ఇప్పించమని అంటాడు. పింకీ రాజుతో రాజు ఎవరు ఈ బంటీ అక్కకి పుట్టిన కొడుకు ఆ రోజే చనిపోయాడు కదా అని అంటుంది. మీ బిడ్డ పుట్టి చనిపోయిన రోజే ఈ బిడ్డ పుట్టిన రోజు ఏంటి అని ప్రశ్నిస్తుంది. దీంతో ఇవాళ్టి ఎపిసోడ్ పూర్తయిపోతుంది. 


Also Read: సత్యభామ సీరియల్: రోడ్లు ఊడుస్తున్న సత్య.. పాపం అని చేస్తుందా.. ప్రచారం కోసం చేస్తుందా!