Jyothi Rai Birthday: చాలామంది నటులు సినిమాల్లో అవకాశాలు రాకపోతే బుల్లితెరపైకి వస్తారు. అలా వచ్చి బుల్లితెరపైనే సెటిల్ అయిపోయినవారు కూడా చాలామందే ఉన్నారు. కానీ బుల్లితెరపై నుంచి వెండితెరపైకి వెళ్లి సక్సెస్ అయినవారు చాలా తక్కువ. ఇప్పుడు ఆ లిస్ట్‌లో చేరాలనుకుంటోంది ‘గుప్పెడంత మనసు’ ఫేమ్ జ్యోతి రాయ్. ఇప్పటివరకు కేవలం తెలుగు బుల్లితెరపై అలరించిన ఆమె.. ఇప్పుడు ‘ఏ మాస్టర్‌పీస్’ మూవీతో వెండితెరపై వెలగడానికి సిద్ధమవుతోంది. ఈ మూవీలో తను ఒక కీలక పాత్రలో కనిపించనుంది. తాజాగా జ్యోతి పుట్టినరోజు సందర్భంగా ఒక స్పెషల్ పోస్టర్ విడుదల చేసింది మూవీ టీమ్.
డిఫరెంట్ పోస్టర్..
జ్యోతి రాయ్ క్లోజ్ ఫ్రెండ్ అయిన సుకు పూర్వజ్.. ‘ఏ మాస్టర్‌పీస్’కు డైరెక్టర్‌గా వ్యవహరించాడు. దీంతో ఇందులో జ్యోతికి కూడా నటించే అవకాశం దక్కింది. ప్రస్తుతం టాలీవుడ్‌లో ఎన్నో ప్రయోగాలు జరుగుతున్నాయి. అందులో చాలావరకు ప్రయోగాలు.. ప్రేక్షకులను ఇంప్రెస్ చేసి హిట్ సాధిస్తున్నాయి. ‘ఏ మాస్టర్‌పీస్’ కూడా అలాంటి ప్రయోగాత్మక చిత్రాల్లో ఒకటి. అరవింద్ కృష్ణ ఇందులో హీరోగా నటించాడు. ఈ మూవీ టీజర్‌ను బట్టి అరవింద్ కృష్ణ తల్లి పాత్రలో జ్యోతి రాయ్ నటించనుందని తెలుస్తోంది. కానీ జ్యోతి బర్త్ డే సందర్భంగా విడుదలయిన పోస్టర్‌లో మాత్రం తను ఒక దేవత రూపంలో కనిపించడం విశేషం.
క్లారిటీ లేదు..
‘ఏ మాస్టర్‌పీస్’ నుంచి విడుదలయిన పోస్టర్‌లో అమ్మవారిగా కాస్త మోడర్న్ దుస్తుల్లో కనిపిస్తుంది జ్యోతి రాయ్. దీంతో అసలు ఈ సినిమాలో తన పాత్ర ఏమయ్యింటుంది అని ఎవరూ గెస్ చేయలేకపోతున్నారు. పైగా ఇప్పటివరకు ‘ఏ మాస్టర్‌పీస్’ నుంచి పోస్టర్లు, టీజర్ తప్పా ఇంకా ఏ అప్డేట్ బయటికి రాలేదు. కొన్నిరోజుల క్రితం విడుదల చేసిన టీజర్‌లో కూడా అసలు కథ ఏంటి అని పూర్తిగా రివీల్ చేయలేదు మేకర్స్. హీరోకు సూపర్ పవర్స్ వస్తాయని, ఆ తర్వాత తను కొంతమందిని ఎదిరించడానికి ముందుకొస్తాడనే విషయం మాత్రమే క్లారిటీ వచ్చింది. కానీ జ్యోతి రాయ్ మాత్రం ఎప్పటికప్పుడు ఇలా డిఫరెంట్ గెటప్స్‌లో ఎలా కనిపిస్తుంది అనే విషయంపై మాత్రం ఇంకా క్లారిటీ లేదు. అయితే, ఎప్పుడూ గ్లామర్‌గా కనిపించే జ్యోతిరాయ్.. ఇలా అమ్మవారి పాత్రలో నటించడం ఏమిటనే చర్చ నడుస్తోంది. అలాగే.. ఆ పోస్టర్‌పై కూడా పలువురు అభ్యంతరం వ్యక్తం చేస్తున్నారు.
హాట్ ఫోటోషూట్స్..
‘గుప్పెడంత మనసు’ సీరియల్‌లో జగతి మేడమ్‌గా నటించి విపరీతమైన పాపులారిటీ సంపాదించుకుంది జ్యోతి రాయ్. సీరియల్‌తో తను సంపాదించుకున్న పాపులారిటీ ఒక ఎత్తు అయితే.. సోషల్ మీడియా ద్వారా తనకు వచ్చిన ఫాలోయింగ్ వేరే లెవెల్. ‘గుప్పెడంత మనసు’లో హీరో తల్లి పాత్రలో కనిపించి అలరించిన జ్యోతి.. ఇన్‌స్టాగ్రామ్‌లో మాత్రం చాలా హాట్ ఫోటోషూట్స్‌ను అప్లోడ్ చేస్తూ అందరినీ ఆశ్చర్యపరుస్తూ ఉంటుంది. ప్రస్తుతం ‘గుప్పడెంత మనసు’లో తన క్యారెక్టర్ ఎండ్ అయిపోవడంతో ‘ఏ మాస్టర్‌పీస్’పైనే పూర్తిగా ఫోకస్ పెట్టింది జ్యోతి రాయ్.
Also Read: అమ్మాయిగా మాస్ కా దాస్, ‘లైలా’ ఫస్ట్ లుక్ ఎంత బాగుందో!