అఖండ: 


నందమూరి బాలకృష్ణ నటిస్తోన్న లేటెస్ట్ సినిమా 'అఖండ'. బోయపాటి డైరెక్ట్ చేసిన ఈ సినిమా డిసెంబర్ 2న ప్రేక్షకుల ముందుకు రానుంది. 'సింహా', 'లెజెండ్' సినిమాల తర్వాత బాలకృష్ణ, బోయపాటి శ్రీను చేస్తున్న సినిమా కావడంతో 'అఖండ'పై అంచనాలు పెరిగాయి. ఈ సినిమా ప్రమోషన్స్ లో భాగంగా ఇప్పటికే ట్రైలర్, పాటలను విడుదల చేశారు. మాసివ్ ట్రైలర్ కు ఫ్యాన్స్ ఫిదా అయిపోయారు. ఈ సినిమాలో బాలకృష్ణకు జోడీగా ప్రగ్యా జైస్వాల్ నటిస్తున్నారు. వీళ్లిద్దరి కలయికలో తొలి చిత్రమిది. ఈ సినిమాకు ఎస్.ఎస్. తమన్ సంగీతం అందిస్తున్నారు. 




మరక్కార్‌: 


మలయాళ సూపర్ స్టార్ మోహన్ లాల్ నటించిన హిస్టారికల్ మూవీ 'మరక్కార్: లయన్ ఆఫ్ ద అరేబియన్ సీ'. తెలుగులో 'మరక్కార్: అరేబియా సముద్ర సింహం' పేరుతో ప్రేక్షకుల ముందుకు రానుంది. ప్రముఖ నిర్మాణ సంస్థ సురేష్ ప్రొడక్షన్స్ తెలుగులో గ్రాండ్ రిలీజ్ ప్లాన్ చేసింది. డిసెంబర్ 3న ఈ సినిమా ప్రేక్షకుల ముందుకు రానుంది.  ఈ సినిమాలో అర్జున్, సునీల్ శెట్టి, 'కిచ్చా' సుదీప్, ప్రభు, మంజూ వారియర్, కీర్తీ సురేష్, కళ్యాణీ ప్రియదర్శన్ తదితరులు కీలక పాత్రల్లో నటించారు. 




బ్యాక్‌ డోర్‌:


పూర్ణ ప్రధాన పాత్రలో నటించిన ఈ సినిమాను కర్రి బాలాజీ తెరకెక్కించారు. ఇప్పటికే అన్ని కార్యక్రమాలు పూర్తి చేసుకున్న ఈ సినిమాను డిసెంబర్ 3న విడుదల చేయనున్నారు. 


స్కైలాబ్‌:


సత్యదేవ్‌, నిత్యమేనన్‌, రాహుల్‌ రామకృష్ణ ప్రధాన పాత్రల్లో తెరకెక్కిన సినిమా  'స్కైలాబ్‌'. విశ్వక్‌ ఖండేరావు దర్శకత్వం వహించారు. అన్ని కార్యక్రమాలు పూర్తి చేసుకున్న ఈ సినిమా డిసెంబర్ 4న ప్రేక్షకుల ముందుకు రానుంది. నిన్న జరిగిన ఈ సినిమా ప్రీరిలీజ్ ఈవెంట్ కి నాని గెస్ట్ గా వచ్చి సినిమాపై మంచి బజ్ ను క్రియేట్ చేశారు. 




ఓటీటీ.. 



  • ఆహా: ఈ వారం 'మంచి రోజులు వచ్చాయి' సినిమాను ఆహా యాప్ లో డిసెంబర్ 3న విడుదల చేయనున్నారు.

  • నెట్ ఫ్లిక్స్: 'మనీ హెయిస్ట్' అభిమానులు చాలా రోజులుగా ఎదురుచూస్తోన్న సీజన్ 5 ఫైనల్ ఎపిసోడ్ డిసెంబర్ 3న టెలికాస్ట్ చేయనున్నారు.