ప్రతి ఒక్కరి లైఫ్ లో ఫస్ట్ క్రష్ ఉంటుంది. తొలి ప్రేమ అనుభూతులను అంత సులువుగా మర్చిపోలేరు. మన స్టార్లు కూడా దీనికి అతీతం కాదు. తమ లైఫ్ లో ఫస్ట్ క్రష్ గురించి ఎన్టీఆర్, మహేష్ బాబు, ప్రభాస్ ఇలా చాలా మంది స్టార్లు పలు సందర్భాల్లో బయటపెట్టారు. మరి మన స్టార్లను ప్రేమలో పడేసిన వాళ్లెవరో ఇప్పుడు చూద్దాం!
మహేష్ బాబుకి ఫస్ట్ క్రష్ ఎవరంటే హాలీవుడ్ నటి డెమీ మూర్. మహేష్ ఆమెని ఎంతో ఆరాధించేవారట. ఆ తరువాత 26 ఏళ్ల వయసులో తొలిసారి మరో అమ్మాయితో ప్రేమలో పడ్డాడు మన ప్రిన్స్. చివరి ఆమెనే పెళ్లి చేసుకొని సెటిల్ అయినట్లు ఓ ఇంటర్వ్యూలో చెప్పాడు.
ఎన్టీఆర్, రామ్ చరణ్ ఇద్దరికీ ఒకరిపైనే క్రష్ ఉండేదట. ఆమె మరెవరో కాదు.. మన అతిలోక సుందరి శ్రీదేవి. ఆమెని చూస్తేనే అన్నీ మర్చిపోతానని ఎన్టీఆర్ ఓ సందర్భాల్లో చెప్పారు. రామ్ చరణ్ కు కూడా ఇలాంటి ఫీలింగే ఉండేది. ఈ ఇద్దరు హీరోలు చిన్నతనంలో శ్రీదేవి ఎంతో ప్రేమించేవారు.
ఇక హీరో అల్లు అర్జున్ కి బాలీవుడ్ ముద్దుగుమ్మ ఐశ్వర్యరాయ్ అంటే చాలా ఇష్టం. చిన్నతనంలో ఆమెని చూసి ప్రేమలో పడ్డాడట. దాదాపు ఆమె నటించిన సినిమాలన్నీ చూసేశాడట బన్నీ. మన బాహుబలి ప్రభాస్ కి కూడా ఫస్ట్ క్రష్ ఉందండోయ్.. చిన్నప్పుడు చెన్నైలోని డాన్ బాస్కో స్కూల్ లో చదువుకుంటున్న సమయంలో తన క్లాస్ టీచర్ ని చూసి ఇష్టపడ్డాడు ప్రభాస్. ఇప్పటికీ తనకు ఆ ఫీలింగ్ గుర్తుందని చెబుతుంటాడు.
భల్లాలదేవుడు రానా ఏడో తరగతి చదువుతున్నప్పుడు తన సీనియర్ ని ఇష్టపడ్డాడట. కానీ ఆ విషయాన్ని ఆమెకి చెప్పే ధైర్యం లేక సైలెంట్ గా ఉండిపోయాడు. కొన్నేళ్ల తరువాత ఆమె ఫేస్ బుక్ లో ఫ్రెండ్ రిక్వెస్ట్ పెట్టిందట. వెంటనే రానా యాక్సెప్ట్ చేసి మాట్లాడడం మొదలుపెట్టాడట. కొన్నిరోజుల తరువాత ఆమె మ్యూచువల్ ఫ్రెండ్స్ ఎక్కువగా ఉన్నారని ఫ్రెండ్ రిక్వెస్ట్ పెట్టినట్లు చెప్పిందట. అసలు స్కూల్ డేస్ లో రానా అనే వాడు ఉన్నాడనే విషయం కూడా ఆమెకి తెలియదంటూ ఓ సందర్భంలో రానా చెప్పుకొచ్చాడు.
మన మిల్కీ బ్యూటీ తమన్నా తన స్నేహితుడి సోదరుడిని ఇష్టపడేదట. కానీ అతడు మాత్రం అసలు పట్టించుకునేవాడు కాదట. ఈ విషయం తెలిసిన తరువాత కచ్చితంగా రిగ్రెట్ అయి ఉంటాడు.