సినీ హీరోయిన్ల జీవితాలు చాలా అందంగా కనిపిస్తాయి, వారు ఆర్ధికంగా చాలా ఉన్నతంగా ఉంటారు కాబట్టి ఏ సమస్యలు ఉండవనుకుంటారు సామాన్యజనం. కానీ సెలెబ్రిటీలు కూడా సాధారణ మనుషులే, వారికీ ఎన్నో ఆరోగ్యసమస్యలు వేధిస్తాయి.దీపిక పడుకోన్ డిప్రెషన్ బారిన పడిన సంగతి తెలిసిందే, ఇక సల్మాన్ ఖాన్ ముఖ కండరాల సమస్యతో బాధపడుతున్నారు. ఇప్పుడు శ్రుతి హాసన్ కూడా తనను వేధిస్తున్న ఆరోగ్య సమస్య గురించి బయటపెట్టింది. ఇన్ స్టాగ్రామ్ పోస్టులో తన సమస్యను వివరించింది. ‘శారీరకంగా నీరసంగా ఉన్నాను, కానీ మానసికంగా మాత్రం దృఢంగా ఉన్నాను’ అని రాసుకొచ్చింది. తాను కొన్ని చెడు హార్మోన్ సమస్యలతో బాధపడుతున్నానని చెప్పింది. వాటి నుంచి బయటపడేందుకు పోరాటం చేస్తున్నట్టు తెలిపింది శ్రుతి హాసన్. హార్మోన్ ఇంబ్యాలెన్స్ సమస్య నుంచి బయటపడేందుకు సమయానికి తినడం, నిద్రపోవడం, వ్యాయామం చేయడం చేస్తున్నట్టు రాసుకొచ్చింది. మానసికంగా తాను చాలా స్ట్రాంగ్ అని చెప్పుకొచ్చింది. ఇలాంటి సమస్యలు జీవితానికి విసిరే సవాళ్లని, వాటిని స్వీకరించాలని పేర్కొంది. ఇలాంటి సమస్యు మహిళలకు రావడం సహజమని, వాటిని బయటకు చెప్పేందుకు సంకోచించకూడాదని తెలిపింది. ఆమె పెట్టిన పోస్టు ఇప్పుడు వైరల్ గా మారుతోంది.
హీరో కమల్ హాసన్ కూతురిగా కెరీర్ మొదలుపెట్టిన శ్రుతి, తరువాత తన నటన, అందంతో అవకాశాలు అందిపుచ్చుకుంది. ఆమె మొదటి సినిమా అనగనగా ఒక ధీరుడు. ఆమె పవన్ కళ్యాణ్ ‘గబ్బర్ సింగ్’ సినిమాతో క్రేజీ హీరోయిన్ గా మారింది.అంతకుముందు ఐరన్ లెగ్ అనే పేరు తెచ్చుకుంది. గబ్బర్ సింగ్ హిట్ తరువాత వరుసపెట్టి సినిమాలు చేసింది. మధ్యలో గ్యాపిచ్చిన శ్రుతి రవితేజతో కలిసి క్రాక్ సినిమాతో తిరిగి హిట్ అందుకుంది. ప్రస్తుతం ఆమె ప్రభాస్ సినిమాలో నటిస్తోంది. ప్రశాంత్ నీల్ డైరెక్షన్లో సలార్ సినిమాలో ప్రభాస్ నటిస్తున్న సంగతి తెలిసిందే. అందులో మెయిన్ హీరోయిన్ శ్రుతి హాసన్.
Also read: ‘రాకెట్రీ’ సాంగ్స్, గుండె బరువెక్కించే సాహిత్యం, కన్నీరు ఆపడం అసాధ్యం!