టాలీవుడ్ స్టార్ హీరోయిన్ సమంత ప్రస్తుతం చాలా బిజీగా ఉంటుంది. వరుస ప్రాజెక్ట్ లను ఒప్పుకుంటూ.. బిజీ షెడ్యూల్స్ తో గడుపుతోంది. ఓ పక్క సినిమాలు చేస్తూనే.. మరోపక్క కాస్త గ్యాప్ దొరికినా ట్రిప్ లకు చెక్కేస్తోంది. ఈ మధ్యకాలంలో ఆమె చాలా వెకేషన్స్ కి వెళ్లింది. ఎప్పటికప్పుడు తనకు సంబంధించిన ఫొటోలను, అప్డేట్స్ ను అభిమానులతో పంచుకుంటుంది. ఇటీవల 'పుష్ప' సినిమాలో ఐటెం సాంగ్ లో కనిపించి రచ్చ చేసింది సమంత.
ప్రస్తుతం ఈ బ్యూటీ 'యశోద' అనే సినిమా షూటింగ్ లో పాల్గొంటుంది. ఇదిలా ఉండగా.. ఇప్పటికే సమంత గుణశేఖర్ దర్శకత్వంలో 'శాకుంతలం' సినిమాను పూర్తి చేసింది. కొన్ని రోజులుగా ఈ సినిమా పోస్ట్ ప్రొడక్షన్ కార్యక్రమాలు జరుగుతున్నాయి. తాజాగా ఈ సినిమా నుంచి ఫస్ట్ లుక్ ను రిలీజ్ చేశారు. ఇందులో సమంత దేవకన్యలా కనిపించింది. అరణ్యం మధ్యలో జంతువులతో కలిసి కూర్చున్నట్లుగా కనిపించింది సమంత.
ఈ పోస్టర్ చూస్తుంటే.. 'జగదేకవీరుడు అతిలోకసుందరి' సినిమాలో శ్రీదేవి గుర్తొస్తుంది. ఆ సినిమాలో ఓ సన్నివేశంలో శ్రీదేవి కూడా ఇలానే అరణ్యంలో జంతువులతో కూర్చొని కనిపిస్తుంది. ప్రస్తుతం శకుంతలగా సమంత లుక్ సోషల్ మీడియాలో వైరల్ అవుతోంది. ఈ సినిమాలో దేవ్ మోహన్ హీరోగా నటించగా.. అల్లు అర్జున్ కూతురు అర్హ చిన్నప్పటి శకుంతలగా కనిపించనుంది.
ఇక సామ్ సినిమాల విషయానికొస్తే.. 'యశోద'తో పాటు పాటు ఓ బైలింగ్యువల్ సినిమా, అలానే ఓ ఇంటర్నేషనల్ ప్రాజెక్ట్ లలో నటించనుంది. బాలీవుడ్ లో కూడా హీరోయిన్ గా ఎంట్రీ ఇవ్వబోతుంది.