సల్మాన్ ఖాన్‌ను ముంబైలోని అతని ఫామ్ హౌస్‌లో పాము కాటేసింది. ఆ పాము మూడు సార్లు సల్మాన్‌ను కాటేసింది. అయినా సరే సల్మాన్‌కు ఏమీ కాలేదు. కారణం అది విషపూరితమైన పాము కాదు. అయినా సల్మాన్ ఆసుపత్రిలో చేరి, ఒక పూట ఉండి వచ్చేశారు. కాగా ఆ సంఘటనపై సినీ విమర్శకుడిగా చెప్పుకునే కమల్ ఆర్ ఖాన్ వివాదాస్పద వ్యాఖ్యలు చేశారు. ‘పాము తన పని తాను చేసింది. కానీ పాపం అదే చనిపోయింది. ఎందుకంటే అది కాటు వేసిన వ్యక్తి దాని కన్నా విషపూరితం’ అని ట్వీట్ చేశాడు. దీనిపై నెటిజన్లు, సల్మాన్ ఖాన్ అభిమానులు తిడుతూ ట్వీట్లు చేయడం మొదలుపెట్టారు.
సతిందర్ సింగ్ అరోరా అనే నెటిజన్ ‘పాముకన్నా మీలోనే ఎక్కువ విషం ఉన్నట్టుంది. మీరు కాటేస్తేనే భాయ్ కి ఏం కాలేదు, ఇక పాము కాటు ఏం చేయగలదు?’ అని రాసుకొచ్చారు. ఎందుకంటే గతంలో కూడా సల్మాన్‌ను చాలా రకాలుగా విమర్శిస్తూ ట్వీట్లు పెట్టాడు కమాల్ ఆర్ ఖాన్. మరొక నెటిజన్ ‘చాలు... ఈ చెత్త కామెంట్లు ఆపెయ్, చాలా హద్దు మీరుతున్నావ్’ అంటూ మరొకరు హెచ్చరించారు. ‘నువ్వు ఇతరులపై విషం చిమ్మడం చూస్తుంటే నువ్వు అన్ని పాముల కన్నా ప్రమాదకరమైన వాడిలా ఉన్నావ్’ అంటూ ట్వీట్లు వెల్లువెత్తాయి.