రష్మికా మందన్నా (Rashmika Mandanna)ను నేషనల్ క్రష్ అని ఊరికే అనలేదు. సౌత్ ఇండియన్ ఆడియన్స్‌లో మాత్రమే కాదు... నార్త్ ఆడియన్స్‌లో సైతం ఆమెకు విపరీతమైన ఫాలోయింగ్ ఉంది. 'గుడ్ బై' సినిమా ప్రమోషన్స్ కోసం ముంబైలో ఉన్న ఆమెను చూడటం కోసం, ఆమె దగ్గర ఆటోగ్రాఫ్ తీసుకోవడం కోసం ఫ్యాన్స్ తీవ్రంగా ప్రయత్నిస్తున్నారు.
అభిమాని గుండెలపై ఆటోగ్రాఫ్!
'గుడ్ బై' (Goodbye Movie) ప్రోగ్రామ్ కోసం వెళ్లిన రష్మికను ఓ అభిమాని ఆటోగ్రాఫ్ అడిగాడు. 'ఎక్కడ సంతకం చేయాలి' అన్నట్లు ఆమె చూస్తే... తన గుండెలపై చేయమని ఛాతి చూపించాడు అభిమాని. మొదట రష్మిక సందేహించినా... చివరకు, అతడి వైట్ టీ షర్టుపై గుండెల దగ్గర సంతకం చేశారు. అదీ సంగతి! ఆ మధ్య ముంబైలో రష్మిక ఒక గుడికి వెళితే... అభిమానులు చుట్టుముట్టారు. అక్కడ నుంచి రోడ్డు మీదకు ఆమె కారు రావడానికి చాలా సమయం పట్టింది. ఒక దశలో తన ఫ్లైట్ మిస్ అవుతానని రష్మిక కూడా అనుకున్నారు. ముంబైలో ప్రేక్షకులు ఆమెపై అంతలా అభిమానం చూపిస్తున్నారు.
గోవిందాతో శ్రీవల్లి స్టెప్!
'గుడ్ బై' ప్రమోషన్ కోసం 'డాన్స్ ఇండియా డాన్స్' కార్యక్రమానికి రష్మిక వెళ్లారు. ఆ షో జడ్జ్‌ల‌లో ఒకరు, సీనియర్ హీరో గోవిందాతో కలిసి ఆమె డ్యాన్స్ చేశారు. ఆ వీడియో వైరల్ అయ్యింది. 'పుష్ప' సినిమా హిందీలోనూ భారీ విజయం సాధించింది. అయితే, అంత కంటే ముందు హిందీలో డబ్బింగ్ అయినా సౌత్ సినిమాల ద్వారా పాపులర్ అయ్యారు.
అమితాబ్ బచ్చన్ కుమార్తెగా...
'గుడ్ బై' సినిమాలో రష్మిక క్యారెక్టర్ విషయానికి వస్తే... అమితాబ్ బచ్చన్ కుమార్తె పాత్రలో ఆవిడ కనిపించనున్నారు. హిందీలో ఆమెకు తొలి చిత్రమిది. ఆల్రెడీ విడుదలైన ఫస్ట్ లుక్ పోస్టర్, ట్రైలర్ చూస్తే... రష్మిక డిఫరెంట్ క్యారెక్టర్ చేసినట్లు అర్థం అవుతోంది. డీ గ్లామర్ లుక్‌లో ఆమె కనిపించారు. విజయ దశమి సందర్భంగా అక్టోబర్ 7న సినిమా ప్రేక్షకుల ముందుకు వస్తోంది. ఈ సినిమా కంటే రెండు రోజుల ముందు తెలుగులో చిరంజీవి 'గాడ్ ఫాదర్', నాగార్జున 'ది ఘోస్ట్' సినిమాలు రిలీజ్ అవుతున్నాయి. ఈ రెండూ హిందీలోనూ విడుదల కానున్నాయి. అందువల్ల, థియేటర్ల దగ్గర ముక్కోణపు పోటీ ఉండొచ్చు.
Also Read : 'గాడ్ ఫాదర్' క్లైమాక్స్ - చిరు, సల్మాన్ ఫ్యాన్స్‌కు ట్రీట్ - ఎక్స్‌క్లూజివ్ న్యూస్ ఏంటంటే?
సిద్ధార్థ్ మల్హోత్రాతో రష్మిక రెండో హిందీ సినిమా!
'గుడ్ బై' విడుదలకు ముందే రష్మికకు రెండో హిందీ సినిమా అవకాశం వచ్చింది. సిద్ధార్థ్ మల్హోత్రా 'మిషన్ మజ్ను'లో ఆమె కథానాయికగా నటిస్తున్నారు. ఈ రెండు హిందీ సినిమాలతో ఆమెకు ఎటువంటి పేరు వస్తుందో చూడాలి. సౌత్ సినిమాలకు వస్తే... విజయ్ హీరోగా వంశీ పైడిపల్లి దర్శకత్వంలో 'దిల్' రాజు, శిరీష్ నిర్మిస్తున్న 'వారసుడు' సినిమాలో రష్మిక నటిస్తున్నారు. త్వరలో ఐకాన్ స్టార్ అల్లు అర్జున్ హీరోగా సుకుమార్ దర్శకత్వంలో రూపొందనున్న 'పుష్ప 2' షూటింగ్ కోసం ప్రిపేర్ అవుతున్నారు.