ఈ మధ్యకాలంలో మెగాఫ్యామిలీని టార్గెట్ చేస్తూ విమర్శలు గుప్పిస్తున్నారు దర్శకుడు రామ్ గోపాల్ వర్మ. మెగాఫ్యామిలీలో మెగాస్టార్ అల్లు అర్జున్ అంటూ ఫ్యాన్స్ కి కోపం తెప్పించేలా మాట్లాడారు వర్మ. తాజాగా పవన్ కళ్యాణ్ నటించిన 'భీమ్లానాయక్' సినిమా ట్రైలర్ చూసి.. తన స్టైల్ లో రివ్యూ చెప్పారు వర్మ. పవన్ కళ్యాణ్ ఫ్యాన్ అంటూనే.. అనాల్సిన మాటలన్నీ అనేశారు. మలయాళంలో విడుదలైన 'అయ్యప్పనుమ్ కోశియుమ్' సినిమాకి రీమేక్ గా దీన్ని తెరకెక్కిస్తున్నారు.
ఇందులో పవన్ కళ్యాణ్ తో పాటు రానా కూడా నటించారు. పవన్ టైటిల్ రోల్ పోషిస్తుండగా.. రానా.. డానియల్ శేఖర్ అనే పాత్రలో కనిపించనున్నారు. నిన్న సినిమా ట్రైలర్ విడుదల చేయగా.. అది యూట్యూబ్ లో సెన్సేషన్ క్రియేట్ చేస్తోంది. ట్రైలర్ లో పవన్, రానా ఒకరినిమించి మరొకరు అన్నట్లుగా కనిపించారు. అయితే వర్మ మాత్రం ఈ సినిమాకి 'భీమ్లానాయక్'కి బదులు 'డానియల్ శేఖర్' అని పెట్టాల్సిందంటూ కామెంట్ చేశారు. అంటే పరోక్షంగా పవన్ కంటే రానా పెర్ఫార్మన్స్ బాగుందని అన్నారు.
పీకే అభిమానిగా బాగా హర్ట్ అయ్యానంటూ మరో ట్వీట్ చేశారు. ట్రైలర్ చూసిన తరువాత రానాను ప్రమోట్ చేయడానికి పవన్ కళ్యాణ్ ని వాడుకున్నారనిపిస్తోందని తనకు నచ్చితంగా ట్వీట్స్ పెట్టారు. ట్రైలర్ ఎలా ఉందో తన రివ్యూ ఇస్తూ.. మరికొన్ని ట్వీట్స్ వేశారు. ప్రస్తుతం ఈ ట్వీట్లు వైరల్ అవుతున్నాయి. పవన్ ఫ్యాన్స్ మాత్రం వర్మపై బాగా మండిపడుతున్నారు.