మల్టీఫ్లెక్స్ లో సినిమా చూడాలంటే పర్సు ఖాళీ కావాల్సిందే. ఒక్క వ్యక్తి సినిమాకు వెళ్లినా రూ.1000 వరకు ఖతం కావడం ఖాయం. ఈ నేపథ్యంలో పీవీఆర్ సినిమాస్ సినీ లవర్స్ కోసం అదిరిపోయే ఆఫర్ ప్రకటించింది. జస్ట్ రూ.99 కే సినిమా చూసే అవకాశాన్ని కల్పిస్తున్నట్లు వెల్లడించింది. మల్టీ ఫ్లెక్స్ థియేటర్లో రూ.99కి సినిమా చూడటం ఏంటని ఆశ్చర్యపోతున్నారా? అయితే, మీరు పూర్తి వివరాలు తెలుసుకోవాల్సిందే!
ఈ నెల 20న రూ.99కే సినిమా చూసే అవకాశం
త్వరలో రాబోయే సినిమా ప్రేమికుల రోజున ఈ అవకాశం కల్పిస్తున్నట్లు పీవీఆర్ సినిమాస్ ప్రకటించింది. సినిమా ప్రేమికుల కోసం ఈ ప్రత్యేక ఆఫర్ ను తీసుకొచ్చినట్లు తెలిపింది. ప్రతి జనవరి 20న సినిమా ప్రేమికుల దినోత్సవం జరుగుతుంది. ఈ నేపథ్యంలో పీవీఆర్ సినిమాస్ కూడా ఇందుకు రెడీ అవుతోంది. ఆ రోజున పీవీఆర్ సినిమాస్ లో అన్ని షోలను రూ.99 కే చూడవచ్చని తెలిపింది. కాకపోతే, ఈ టికెట్లకు జీఎస్టీ అదనంగా ఉంటుందని చెప్పింది. దేశ వ్యాప్తంగా ఎంపిక చేసిన నగరాల్లో ఈ బంపర్ ఆఫర్ వర్తిస్తుందని వెల్లడించింది.
ఆ నగరాల్లో ఈ ఆఫర్ వర్తించదట!
పంజాబ్‌ రాష్ట్రంలోని చండీగఢ్‌, పఠాన్‌కోట్‌ తో పాటు పుదుచ్చేరి నగరాల్లో ఉన్న పీవీఆర్ సినిమాస్ లో ఈ ఆఫర్ వర్తించదని మల్టీఫ్లెక్స్ సంస్థ వెల్లడించింది. ఎందుకు అనే విషయాన్ని మాత్రం ప్రకటించలేదు. తమిళనాడు, కేరళ, కర్ణాటక, ఆంధ్రప్రదేశ్‌ లో టికెట్‌ ధర రూ.100+ జీఎస్టీ అదనంగా ఉంటుంది. తెలంగాణలో రూ.112+జీఎస్‌టీతో కలిపి ఉంటుంది. ప్రీమియం కేటగిరి సీట్స్‌ కు మాత్రం ఈ స్పెషల్ ఆఫర్ వర్తించదని యాజమాన్యం వెల్లడించింది. ఈ స్పెషల్ ఆఫర్ కు సంబంధించిన పూర్తి వివరాల కోసం పీవీఆర్ సినిమాస్ వెబ్‌ సైట్ చూడాలని తెలిపింది.
Read Also: ఓ మై గాడ్ - ‘వాల్తేరు వీరయ్య’ కోసం చిరంజీవి, రవితేజ అంత రెమ్యునరేషన్ తీసుకున్నారా?