స్టైలిష్ స్టార్ అల్లు అర్జున్‌-సుకుమార్ కాంబినేషన్లో రూపుదిద్దుకుంటోన్న సినిమా 'పుష్ప'. ఎర్రచందనం స్మగ్లింగ్ బ్యాక్ డ్రాప్ లో తెరకెక్కుతోన్న ఈ సినిమాలో బన్నీ పుష్పరాజ్ అనే స్మగ్లర్ పాత్రలో కనిపించనున్నారు. బన్నీకి జోడీగా రష్మిక నటిస్తోంది. ఈ సినిమా నుంచి రష్మిక ఫస్ట్‌లుక్‌ పోస్టర్‌ను #SoulmateOfPushpa పేరుతో కొన్నిరోజుల క్రితం చిత్రబృందం విడుదల చేసింది. అప్పుడే పట్టు చీర కట్టుకుని చెవులకు దిద్దులు పెట్టుకుంటున్న లుక్ భలేఉంది అనిపించింది. ఇప్పుడు తాజాగా మరో పోస్టర్ విడుదల చేసింది 'పుష్ప' టీమ్.
రష్మిక లంగావోణీలో అందంగా కనిపిస్తోంది. ‘పుష్ప రాజ్ మనస్సు దోచుకుంది. ఇప్పుడు మన ఊపిరి ఆపేసేందుకు వస్తోంది శ్రీవల్లి’ అంటూ పుష్ప టీమ్ ట్వీట్ చేసింది. ఇక ఈ సినిమా నుంచి అక్టోబర్ 13న కథానాయిక రష్మిక ‘శ్రీవల్లి’ లిరికల్ సాంగ్ ఐదు భాషల్లో రిలీజ్ చెయ్యబోతున్నట్లు అధికారికంగా ప్రకటించారు. ఇప్పటికే విడుదల చేసిన పుష్పరాజ్ ‘దాక్కో దాక్కో మేక’ సాంగ్ రికార్డ్ స్థాయిలో వ్యూస్ తెచ్చుకుంది.
మైత్రీమూవీ మేకర్స్ బ్యానర్‌పై రూపొందుతున్న ఈ సినిమాలో మలయాళ స్టార్ నటుడు ఫహాద్ పాజిల్ విలన్ గా నటిస్తున్నాడు. దేవి శ్రీ ప్రసాద్ సంగీతం అందిస్తున్న ఈ సినిమాలో అనసూయ భరద్వాజ్, సునీల్ ప్రధాన పాత్రలు పోషిస్తున్నారు. పాన్ ఇండియా కేటగిరీలో తెలుగు,తమిళం,మలయాళం, కన్నడం, హిందీ భాషల్లో ఒకేసారి విడుదల కానుంది పుష్ప. బన్నీ ఎర్రచందనం స్మగ్లర్ పాత్రలో కనిపించనుండగా గిరిజన యువతి పాత్రలో రష్మిక నటిస్తోందని యూనిట్ రివీల్ చేసింది. ఎర్ర చందనం స్మగ్లింగ్ బ్యాక్‌డ్రాప్‌లో రూపొందిన ఈ సినిమా క్రిస్మస్ కానుకగా.. ఈ ఏడాది డిసెంబర్ 17వ తేదీన విడుదల కానుంది.
Also Read: 'ఆదిపురుష్' మాత్రమే కాదు మరో రామాయణం వస్తోంది..ఇది కూడా భారీ ప్రాజెక్టే...
Also Read: బాలీవుడ్ బాద్ షా కి అండగా అభిమానులు, సోషల్ మీడియాలో ట్రెండ్ అవుతోన్న #WeStandWithSRK
Also Raed: మంచు విష్ణు ప్యానల్‌పై ప్రకాశ్‌రాజ్‌ ఫిర్యాదు, ప్రెస్ మీట్లో కన్నీళ్లు పెట్టుకున్న విలక్షణ నటుడు
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి