Prabhas Maruthi Movie: ప్రభాస్, మారుతీ మూవీ నుంచి అదిరిపోయే అప్ డేట్, ఫస్ట్ లుక్, టైటిల్ రిలీజ్ ఎప్పుడంటే?

Prabhas Maruthi Movie: ప్రభాస్, మారుతి కాంబోలో తెరకెక్కుతున్న మూవీ నుంచి కీలక అప్ డేట్ వచ్చింది. ఈ చిత్రానికి సంబంధించిన టైటిల్, ఫస్ట్ లుక్ రిలీజ్ డేట్ ను మేకర్స్ ప్రకటించారు.

Prabhas Maruthi Movie Update: పాన్ ఇండియా స్టార్ ప్రభాస్ తాజాగా ‘సలార్‘ మూవీతో ప్రేక్షకుల ముందుకు వచ్చారు. డిసెంబర్ 22న విడుదలైన ఈ సినిమా బ్లాక్ బస్టర్ హిట్ అందుకుంది. బాక్సాఫీస్ దగ్గర వసూళ్ల సునామీ సృష్టిస్తోంది. హాలీవుడ్ మూవీస్ కు సైతం షాక్ ఇస్తూ, గ్లోబల్ మార్కెట్ లోనూ దూసుకెళ్తోంది. ప్రస్తుతం ‘సలార్’ సక్సెస్ జోష్ లో ఉన్న ప్రభాస్, మారుతి దర్శకత్వంలో ఓ సినిమా చేస్తున్నారు. ఈ చిత్రాన్ని పీపుల్స్ మీడియా సంస్థ ప్రతిష్టాత్మకంగా రూపొందిస్తోంది. ఈ సినిమా షూటింగ్ ఎప్పుడో మొదలయ్యింది. టైం వచ్చినప్పుడు మూవీ గురించి ప్రకటిస్తామని వెల్లడించిన మేకర్స్, తాజాగా కీలక ప్రకటన చేశారు. ఈ మూవీ ఫస్ట్ లుక్, టైటిల్ రిలీజ్ డేట్ అనౌన్స్ చేశారు.

సంక్రాంతి కానుకగా టైటిల్ ఫస్ట్ లుక్ రిలీజ్

ప్రభాస్, మారుతి మూవీ ఇప్పటికే మొదలయ్యింది. చాలా వరకు షూటింగ్ కంప్లీట్ చేసుకుంది. కానీ, ఇప్పటి వరకు అధికారికంగా ఒక్క అప్ డేట్ కూడా రివీల్ చేయలేదు మేకర్స్. తాజాగా ఈ సినిమాకు సంబంధించి అదిరిపోయే అప్ డేట్ ఇచ్చారు. సంక్రాంతికి మూవీ టైటిల్, ఫస్ట్ లుక్ పోస్టర్ విడుదల చేయనున్నట్లు ప్రకటించారు. రీసెంట్ గా డైనోసార్ గా చూసిన ప్రభాస్ ని మళ్ళీ డార్లింగ్ లుక్ లో చూడబోతున్నారని చెప్పుకొచ్చారు. ప్ర‌భాస్ లుక్‌ ను షాడోలో చూపిస్తూ మ‌ల్టీ క‌ల‌ర్ పోస్ట‌ర్‌ ను రిలీజ్ చేశారు. ఈ పోస్ట‌ర్ ప్రస్తుతం సోష‌ల్ మీడియాలో వైర‌ల్‌గా మారింది. సూప‌ర్ నేచుర‌ల్ థ్రిల్ల‌ర్ కథాశంతో దర్శకుడు మారుతి ఈ చిత్రాన్ని తెరకెక్కిస్తున్నారు. ఇప్పటికే ఈ మూవీకి సంబంధించి లీక్ అయిన ప్రభాస్ లుక్స్ ప్రేక్షకులను బాగా ఆకట్టుకుంటున్నాయి.

'రాజా డీలక్స్' ఊహాగానాలు నిజమేనా?

ఈ సినిమాకు సంబంధించి టైటిల్ విషయంలో ఇప్పటికే పలు ఊహాగానాలు వినిపిస్తున్నాయి. ఈ మూవీకి 'రాజా డీలక్స్' అనే టైటిల్ ని ఖరారు చేసినట్లు తెలుస్తోంది. అయితే, ఈ సినిమాకు సంబంధించిన ప్రభాస్ తప్ప, హీరోయిన్లు, ఇతర నటీనటులు ఎవరు అనే విషయం బయటకు రాకుండా మేకర్స్  తగు జాగ్రత్తలు తీసుకుంటున్నారు. సంక్రాంతి రోజున టైటిల్ ఫస్ట్, లుక్ తో పాటు నటీనటులు, సాంకేతిక బృందానికి సంబంధించిన వివరాలను కూడా వెల్లడించే అవకాశం ఉంది. ఈ సినిమాలో బాలీవుడ్ సీనియర్ న‌టుడు సంజ‌య్ ద‌త్ కీల‌క పాత్ర‌ను పోషిస్తున్న‌ట్లు టాక్ వినిపిస్తుంది. అటు మాళ‌వికా మోహ‌న‌న్‌, నిధి అగ‌ర్వాల్ హీరోయిన్లుగా యాక్ట్  చేస్తున్నట్లు తెలుస్తోంది.

రీసెంట్ గా ప్ర‌భాస్, ప్రశాంత్ నీల్ కాంబోలో తెరకెక్కిన ‘సలార్’ ప్రేక్షకుల ముందుకు వచ్చింది. వారం రోజుల్లోనే రూ. 300 కోట్లకు పైగా వసూళ్లను సాధించింది. ప్రభాస్ కెరీర్ లోనే బిగెస్ట్ హిట్ మూవీగా నిలిచింది. అటు నాగ్ అశ్విన్ తో కలిసి ప్రస్తుతం ‘క‌ల్కి 2989 ఏడీ’ మూవీలో నటిస్తున్నాడు ప్రభాస్.