'రాశి.. అందాల రాశి' అంటూ జూన్ 1న గోపీచంద్, రాశిఖన్నా జోడీ కొత్త పాటతో ప్రేక్షకుల ముందుకు వస్తున్నారు. వీళ్ళిద్దరూ జంటగా నటిస్తున్న సినిమా 'పక్కా కమర్షియల్'. యూవీ క్రియేషన్స్, జీఏ (గీతా ఆర్ట్స్) 2 పిక్చర్స్ పతాకాలపై తెరకెక్కుతోన్న ఈ చిత్రానికి 'బన్నీ' వాసు నిర్మాత. ఇప్పటికే ఈ సినిమా నుంచి ఒక పాటను విడుదల చేశారు. 'జన్మించినా.. మరణించినా.. ఖర్చే ఖర్చు.. పక్కా కమర్షియల్' అంటూ సాగిన ఈ పాటను సిరివెన్నెల సీతారామశాస్త్రి రాశారు.
ఇప్పుడు సినిమాలో సెకండ్ సాంగ్ ను విడుదల చేయబోతున్నారు. తాజాగా ఈ సాంగ్ ప్రోమోను వదిలారు. ఇందులో విజువల్స్ ఆకట్టుకున్నాయి. హీరోయిన్ రాశిఖన్నా పేరు వచ్చేలా ఈ పాటను రాశారు. జూన్ 1న పూర్తి పాట రాబోతుంది. ఈ సినిమాలో గోపీచంద్, రాశి ఇద్దరూ లాయర్లుగా కనిపించనున్నారు.
మారుతి నుంచి ప్రేక్షకులు ఆశించే వినోదంతో పాటు యాక్షన్, కమర్షియల్ హంగులు కూడా సినిమాలో ఉన్నాయట. స‌త్య‌రాజ్, రావు ర‌మేశ్, సప్తగిరి తదితరులు న‌టించిన ఈ చిత్రానికి ప్రొడ‌క్ష‌న్ డిజైన‌ర్ : ర‌వీంద‌ర్, స‌హ నిర్మాత : ఎస్‌.కె.ఎన్, లైన్ ప్రొడ్యూసర్ : బాబు, ఎడిటింగ్ : ఎన్.పి. ఉద్భ‌వ్, సినిమాటోగ్ర‌ఫీ : క‌ర‌మ్ చావ్ల , సంగీత దర్శకుడు: జేక్స్ బిజాయ్.
Also Read: ఎన్టీఆర్ శత జయంతి - చిరంజీవి, రాజేంద్రప్రసాద్ ల ఎమోషనల్ కామెంట్స్
Also Read: 'వరల్డ్ మెన్స్ట్రువల్ హైజీన్ డే' - తన పీరియడ్ స్టోరీ గురించి చెప్పిన దీపికా పదుకోన్