Thrigun's Work From Home OTT Release Date : కరోనా టైంలో ఐటీ ఉద్యోగులు, టెక్నికల్ రంగాల్లో ప్రధాన పాత్ర పోషించిన 'వర్క్ ఫ్రమ్ హోమ్' (Work From Home) కాన్సెప్ట్ ఆధారంగా తెరకెక్కిన రీసెంట్ తెలుగు మూవీ 'వర్క్ ఫ్రమ్ హోమ్'. ఐటీ యూత్తో పాటు రైతులు కూడా తప్పకుండా చూడాల్సిన కంటెంట్తో ఈ మూవీని రూపొందించారు. థియేటర్లలో మిక్స్డ్ టాక్ సొంతం చేసుకున్న మూవీ 3 నెలల తర్వాత ఓటీటీలోకి రాబోతోంది.
ఎప్పుడు, ఎందులో స్ట్రీమింగ్ అంటే?
ఈ మూవీ ప్రముఖ ఓటీటీ సన్ నెక్స్ట్ (Sunnxt)లో ఆగస్ట్ 14 నుంచి స్ట్రీమింగ్ కానుంది. మే 15న ప్రేక్షకుల ముందుకు వచ్చిన ఈ సినిమా మిక్స్డ్ టాక్ సొంతం చేసుకుంది. యంగ్ హీరో త్రిగుణ్, పాయల్ రాధాకృష్ణ ప్రధాన పాత్రల్లో నటించగా... టాలీవుడ్ కమెడియన్స్ వైవా హర్ష, సత్యతో పాటు సీనియర్ నటుడు అనీష్ కురువిల్లా కీలకపాత్రల్లో నటించారు. ఈ మూవీకి మధుదీప్ చెలికానీ దర్శకత్వం వహించగా... లోటస్ క్రియేటివ్ వర్క్స్ బ్యానర్పై అరవింద్ మండెం నిర్మించారు.
స్టోరీ ఏంటంటే?
'మిస్టర్ వర్క్ ఫ్రమ్ హోమ్' స్టోరీ విషయానికొస్తే... అరవింద్ (త్రిగుణ్) అమెరికాలో సాఫ్ట్వేర్ జాబ్ వదిలేసి ఇండియాకు వస్తాడు. ఆ తర్వాత ఇక్కడ ఆర్గానికి వ్యవసాయం చేయాలని ఫిక్స్ అవుతాడు. ఇందులో కొత్త పద్ధతులను ప్రవేశపెట్టి తక్కువ పెట్టుబడి, సేంద్రియ పద్ధతులతో ఎక్కువ దిగుబడి వచ్చేలా ప్లాన్ చేస్తాడు. రైతుల ఆదాయం పెంచేందుకు కొత్తగా 'మిస్టర్ వర్క్ ఫ్రమ్ హోమ్' యాప్ కూడా తీసుకొస్తాడు. మరోవైపు, మహి (పాయల్ రాధాకృష్ణ)ని అరవింద్ ప్రేమిస్తాడు.
అయితే, నెల రోజుల పాటు తన మెయింటెనెన్స్ ఖర్చులు భరించాలని కండిషన్ పెడుతుంది. దీనికి అరవింద్ ఓకే చెప్తాడు. ఆ తర్వాత ఏం జరిగింది? తన యాప్ ద్వారా రైతుల జీవితాలను ఎలా మార్చాడు? మహి ప్రేమను ఎలా గెల్చుకున్నాడు? ఆర్గానిక్ వ్యవసాయంలో కొత్త పద్ధతులతో ఎలా ఆదాయం పెంచాడు? అనేది తెలియాలంటే సినిమా చూడాల్సిందే.
Also Read : SlumDog Update : విజయ్ సేతుపతి స్లమ్ డాగ్ నుంచి బిగ్ సర్ప్రైజ్ - టబు As డిప్యూటీ కమిషనర్ గౌరీ హెగ్డే