Chendu Muddu's Thank You Subbarao Direct OTT Release Date : క్రైమ్, సస్పెన్స్ థ్రిల్లర్ కంటెంట్కు ఉన్న క్రేజ్ గురించి స్పెషల్గా చెప్పాల్సిన పని లేదు. ఈ వీక్ ఓటీటీలో డైరెక్ట్గా లేటెస్ట్ క్రైమ్ సస్పెన్స్ థ్రిల్లర్ స్ట్రీమింగ్ కానుంది. 'ఓ పిట్టకథ', 'అన్నపూర్ణ ఫోటో స్టూడియో' వంటి డిఫరెంట్ మూవీస్ తెరకెక్కించిన చెందు ముద్దు మరో వైవిధ్యమైన థ్రిల్లర్ కథాంశంతో ఓటీటీ ఆడియన్స్ ముందుకు రాబోతున్నారు.
ఏ మూవీ... ఎందులో స్ట్రీమింగ్?
అమ్మాయిల హత్యల మిస్టరీతో ఆద్యంతం ఆసక్తిగా సాగే ఈ మూవీ టైటిల్ 'థాంక్యూ సుబ్బారావు'. థియేటర్లలో కాకుండా నేరుగా ఓటీటీలోనే స్ట్రీమింగ్ కానుంది. తెలుగు ఓటీటీ 'ఆహా'లో జూన్ 18 (గురువారం) నుంచి స్ట్రీమింగ్ కానుంది. ఇప్పటికే రిలీజైన ట్రైలర్ హైప్ క్రియేట్ చేస్తోంది. ఈ మూవీలో చంద్రహాస్, లావణ్య ప్రధాన పాత్రల్లో నటించగా... మురళీధర్ రెడ్డి, రోహిత్ రెడ్డి యర్రంరెడ్డి తదితరులు కీలకపాత్రలు పోషించారు. ఈ సినిమాను ప్రముఖ నిర్మాత కె. రాఘవేంద్ర రెడ్డి సమర్పణలో కుర్ర ప్రొడక్షన్స్ బ్యానర్పై దినేష్ కుర్ర అత్యంత ప్రతిష్టాత్మకంగా నిర్మించారు.
స్టోరీ ఏంటంటే?
ఓ అమ్మాయి హత్య చుట్టూ ఈ స్టోరీ సాగనున్నట్లు తెలుస్తోంది. ప్యాసింజర్ రైలులో ఓ అపరిచిత వ్యక్తి అమ్మాయి గొంతు పట్టుకుని చంపేందుకు యత్నించడం బయటి నుంచి హీరోయిన్ చూస్తుంది. దీనిపై ఆమె ఎంక్వైరీ చేస్తుండగానే అలా ఆరుగురు అమ్మాయిలను దారుణంగా చంపేశారని తెలుసుకుంటుంది. అసలు ఈ మర్డర్స్ వెనుక మిస్టరీ ఏంటి? క్యాబ్ నడుపుకొనే హీరోకి హీరోయిన్ ఎలా పరిచయం అవుతుంది? ఈ మిస్టరీని చేదించేందుకు వారు ఏం చేశారు? అసలు హంతకులను వీరు ఎలా పట్టుకున్నారు? అనేది తెలియాలంటే మూవీ ఓటీటీలోకి వచ్చే వరకూ వెయిట్ చేయాల్సిందే.