Naslen's Mollywood Times OTT Release Date Locked : మలయాళం మూవీస్కు తెలుగులోనూ సెపరేట్ ఫ్యాన్ బేస్ ఉంటుంది. ఓటీటీ ట్రెండింగ్ వచ్చిన తర్వాత హారర్, సస్పెన్స్, డార్క్ కామెడీ కంటెంట్కు సూపర్ రెస్పాన్స్ వస్తోంది. తాజాగా 'ప్రేమలు'తో సూపర్ క్రేజ్ సంపాదించుకున్న హీరో నస్లెన్ సైకలాజికల్ డార్క్ కామెడీ ఓటీటీలోకి వచ్చేస్తోంది.
ఎప్పుడు, ఎందులో స్ట్రీమింగ్ అంటే?
నస్లెన్ ప్రధాన పాత్రలో నటించిన రీసెంట్ మలయాళ సైకలాజికల్ డార్క్ కామెడీ మాలీవుడ్ టైమ్స్ (Mollywood Times). జూన్ 5న ప్రేక్షకుల ముందుకు వచ్చిన ఈ మూవీ మంచి టాక్ సొంతం చేసుకుంది. ఇప్పుడు నెల రోజుల్లోపే ఓటీటీలోకి వచ్చేందుకు రెడీ అవుతోంది. జులై 3 నుంచి ప్రముఖ ఓటీటీ జియో హాట్ స్టార్లో (Jio Hotstar) స్ట్రీమింగ్ కానుంది. మలయాళంతో పాటు తెలుగు, తమిళం, కన్నడ, హిందీ భాషల్లో అందుబాటులోకి రానున్నట్లు అఫీషియల్ అనౌన్స్మెంట్ వచ్చేసింది.
ఈ మూవీకి అభినవ్ సుందర్ నాయక్ దర్శకత్వం వహించగా... నస్లెన్, బాసిల్ జోసెఫ్, వినీత్ శ్రీనివాసన్, షరాఫ్ ఉద్దీన్, సంగీత్ ప్రతాప్, రోషన్ షానవాస్, రాజేష్ మాధవన్ తదితరులు కీలకపాత్రలు పోషించారు. రాము సునీల్, అభినవ్ సుందర్ నాయక్ కలిపి స్టోరీ డెవలప్ చేశారు. జేక్స్ బిజోయ్ మ్యూజిక్ అందించారు. సినీ విమర్శకుల నుంచి మంచి రెస్పాన్స్ అందుకున్న మూవీ... IMDBలో 7.6 రేటింగ్ సొంతం చేసుకుంది. మరి ఓటీటీలో ఎలాంటి రెస్పాన్స్ అందుకుంటుందో చూడాల్సి ఉంది.
స్టోరీ ఏంటంటే?
చిన్నప్పటి నుంచి హారర్ స్టోరీస్, నవల్స్ చదివి RGV, స్పీల్ బర్గ్, మనోజ్ నైట్ శ్యామలన్ వంటి దర్శకులనే మించిపోవాలని కలలు కంటుంటాడు వినీత్ మాధవన్ (నస్లెన్). తన ఫస్ట్ మూవీని ఎక్కడా రాజీ పడకుండా అద్భుతంగా తెరకెక్కించాలని ప్లాన్ చేస్తాడు. సినీ ఇండస్ట్రీలో ఓ వెలుగు వెలగాలని ఆశ పడుతుంటాడు.
అలాంటి వాడు ఇండస్ట్రీలోకి వెళ్లి ఎలాంటి ఇబ్బందులు పడ్డాడు? పరిశ్రమలో చీకటి కోణాలు, ఎదురైన సవాళ్లేంటి? తన కథను వేరే వ్యక్తి మూవీగా ముందే తీస్తే తన మూవీని చావుతో కనెక్ట్ చేసి హిట్ చేద్దామనుకుంటాడు. ఆ తర్వాత ఏం జరిగింది? అనేది తెలియాలంటే మూవీ చూడాల్సిందే.