DJ Tillu OTT: సిద్ధు జొన్నలగడ్డ (Siddu Jonnalagadda), నేహా శెట్టి (Neha Shetty) జంటగా నటించిన ‘డీజే టిల్లు’ ఎంత పెద్ద హిట్ అయిందో అందరికీ తెలిసిందే. ఈ సినిమా ఓటీటీలో స్ట్రీమింగ్‌కు రెడీ అవుతుంది. మార్చి 4వ తేదీ నుంచి ఆహాలో ఈ సినిమా స్ట్రీమ్ కానుంది. ఈ సినిమాలో ప్రిన్స్ (Prince), బ్రహ్మాజీ (Bramhaji) కీలక పాత్రల్లో నటించారు.
ఫిబ్రవరి 12వ తేదీన థియేటర్లలో విడుదలైన ఈ సినిమా బ్లాక్ బస్టర్ టాక్‌ను సొంతం చేసుకుంది. దీంతోపాటు మంచి వసూళ్లు కూడా వచ్చాయి. ఫిబ్రవరి 25వ తేదీన భీమ్లా నాయక్ (Bheemla Nayak) విడుదల కావడం, ఆ తర్వాత కూడా వరుసగా పెద్ద సినిమాల రిలీజులు ఉండటంతో డీజే టిల్లును మూడు వారాలకే ఓటీటీలో దించుతున్నారు.
ఈ సినిమాకు విమల్ కృష్ణ (Vimal Krishna) దర్శకత్వం వహించాడు. శ్రీచరణ్ పాకాల, రామ్ మిరియాల పాటలను అందించగా... ఏస్ మ్యూజిక్ డైరెక్టర్ ఎస్.ఎస్.థమన్ బ్యాక్ గ్రౌండ్ స్కోర్ అందించాడు. డీజే టిల్లు సినిమా నుంచి విడుదలైన నాలుగు పాటలూ సూపర్ హిట్ కావడం విశేషం.