Breathe Tease Release : 'బ్రీత్' సినిమాతో నందమూరి కుటుంబం నుంచి మరో హీరో సినీ ఇండస్ట్రీకి పరిచయం అవుతున్నాడు. నందమూరి తారక రామారావు పెద్ద కొడుకు అయిన జయకృష్ణ కుమారుడు చైతన్య కృష్ణ ఈ సినిమాతో తెలుగు ప్రేక్షకుల ముందుకు రాబోతున్నాడు. తాజాగా ఈ సినిమాకు సంబంధించి ఓ ఇంట్రస్టింగ్ అప్‌డేట్ వచ్చింది. ఈ సినిమా టీజర్ ను చిత్ర బృందం విడుదల చేసింది.
'బ్రీత్'.. వైద్యో నారాయణో హరి అనే ట్యాగ్ లైన్ తో రాబోతున్న ఈ సినిమా టీజర్ ను బట్టి చూస్తే.. ఈ మూవీ ఓ హాస్పిటల్ నేపథ్యంలో సాగే థ్రిల్లర్ అని తెలుస్తోంది. చైతన్య కృష్ణ ఓ రోగి పాత్రలో కనిపించనున్నారు. ఇంట్రస్టింగ్ అండ్ సస్పెన్స్ సీన్స్ తో ఈ టీజర్‌ను నింపేశారు. రీ-రికార్డింగ్ కూడా అద్భుతంగా ఉంది. ఈ టీజర్ సినిమాపై ఉత్కంఠను రేకెత్తిస్తోంది.
ఇక 'బ్రీత్'కి వంశీ కృష్ణ ఆకెళ్ళ రచన, దర్శకత్వం వహించారు. వంశీ కృష్ణ గతంలో 'రక్ష' (2008), 'ది ట్రిప్' (2021) చిత్రాలకు దర్శకత్వం వహించాడు. కాగా ఈ సినిమాను చైతన్య తండ్రి తన బసవతారకరామ క్రియేషన్స్ బ్యానర్‌పై నిర్మిస్తున్నారు. ఇది వారి ప్రొడక్షన్ బ్యానర్ తొలి ప్రాజెక్ట్ కావడం గమనార్హం. ఎన్టీఆర్ శతజయంతి వేడుకల్లో భాగంగా బసవతారకరామ క్రియేషన్స్ సంస్థ దీన్ని అధికారికంగా ఆవిష్కరించారు.
'బ్రీత్' సినిమాకు సంబంధించి ఇటీవల రిలీజ్ చేసిన టైటిల్ పోస్టర్ కు కూడా విపరీతమైన రెస్పాన్స్ వచ్చింది. ఈ పోస్టర్ లో చైతన్య.. వర్షంలో గొడుగు పట్టుకుని ఏదో సీరియస్ గా ఆలోచిస్తున్నట్టు కనిపించాడు. ఇదిలా ఉండగా ఈ సినిమా టైటిల్, ఫస్ట్ లుక్ ను కళ్యాణ్ రామ్ రిలీజ్ చేశాడు.
ఈ సినిమాలో వెన్నెల కిషోర్, కేశవ్ దీపక్, మధు నారాయణ్, SRS ప్రసాద్, అయిషాని మరియు సహస్ర కూడా ముఖ్య పాత్రల్లో నటిస్తున్నారు. బ్రీత్ కు సినిమాటోగాఫర్ రాకేష్ హోషమణి, ఎడిటింగ్ బి నాగేశ్వర్ రెడ్డి, ప్రొడక్షన్ డిజైన్ భాస్కర్ ముదావత్. గతంలో ఏజెంట్ సాయి శ్రీనివాస ఆత్రేయ, 8AM మెట్రో వంటి చిత్రాలకు సంగీతం అందించిన మార్క్ కె రాబిన్ బ్రీత్ చిత్రానికి సంగీత దర్శకుడిగా పని చేశారు. కాగా ఈ సినిమా విడుదల తేదీని మేకర్స్ ఇంకా ప్రకటించలేదు.
Read Also : Vyooham Movie Teaser : అలా ఆలోచించడానికి చంద్రబాబును కాదు - వర్మ 'వ్యూహం'లో జగన్, టీజర్ చూశారా?
Join Us on Telegram: https://t.me/abpdesamofficial