సూపర్ స్టార్ మహేష్ బాబు(Mahesh Babu) ఫ్యాన్స్ ఆయన పుట్టినరోజుని(ఆగస్టు 9) గ్రాండ్ గా సెలబ్రేట్ చేయడానికి ప్లాన్ చేస్తున్నారు. పెద్ద హీరోల పుట్టినరోజులప్పుడు వారి కెరీర్లో బిగ్గెస్ట్ హిట్స్ గా నిలిచిన సినిమాలను హైదరాబాద్, విజయవాడ, విశాఖపట్టణం లాంటి పెద్ద నగరాల్లో స్పెషల్ షోలు వేస్తుంటారు. అవి కూడా మహా అయితే ఒకట్రెండు షోలే. కానీ ఈసారి మహేష్ ఫ్యాన్స్ రెండు తెలుగు రాష్ట్రాల్లో పదుల సంఖ్యలో 'ఒక్కడు', 'పోకిరి' సినిమాల స్పెషల్ షోలు ప్లాన్ చేశారు.
Pokiri Special Showa: రెండు తెలుగు రాష్ట్రాలతో పాటు అమెరికాలో సైతం డబుల్ డిజిట్ నెంబర్స్ లో షోలు ప్లాన్ చేశారు. ఒక్క హైదరాబాద్ లోనే 'పోకిరి'(Pokiri) సినిమా ఇప్పటికి పాతిక షోలు వేస్తే దాదాపుగా అన్నీ అడ్వాన్స్ బుకింగ్స్ లోనే ఫుల్ అయిపోయాయి. ఇప్పుడు ఈ షోలను పెంచే ఛాన్స్ ఉంది. ఏపీ, తెలంగాణాలో అయితే సుమారు 100 నుంచి 150 మధ్య ప్రీమియర్లను ఫిక్స్ చేశారు. కొన్ని చోట్ల టికెట్స్ కోసం ఒత్తిడి తట్టుకోలేక అదనపు థియేటర్లను జోడిస్తుంటే అప్పటికప్పుడు ఆ టికెట్స్ అమ్ముడైపోతున్నాయి.
దీన్ని బట్టి మహేష్ బాబు మేనియా అర్ధం చేసుకోవచ్చు. యూట్యూబ్ లో ఫ్రీగా ఈ సినిమాను చూసే సౌకర్యం ఉన్నప్పటికీ.. ఈ రేంజ్ క్రేజ్ వస్తుందంటే పండుగాడి యూఫోరియా అలాంటిది. 'పోకిరి' మాత్రమే కాదు.. 'ఒక్కడు' కూడా ఇదే తరహాలో ఒక రోజు ముందు ఆగస్టు 8కి షోలు వేస్తున్నారు. ప్రసాద్ ఐమాక్స్ లో ఏడు షోలు ఫుల్ కావడానికి ఎక్కువ సమయం పట్టేలా లేదు. ఆ షోకి దర్శకుడు గుణశేఖర్ తో పాటు పలువురు సెలబ్రిటీలను ఆహ్వానించబోతున్నారు.
ఈ షోల ద్వారా వచ్చే డబ్బులన్నీ నిర్మాతలు, డిస్ట్రిబ్యూటర్స్ ఖాతాల్లోకి వెళ్లడం లేదు. సినిమా రైట్స్ కోసం కొంత మొత్తాన్ని చెల్లించి, థియేటర్లకు అద్దెలు ఇచ్చి.. మిగిలిన డబ్బుని మహేష్ బాబు పేరుతో ఉన్న ఫౌండేషన్ ద్వారా చిన్నపిల్లల హార్ట్ ఆపరేషన్స్ కి ఉపయోగించనున్నారట. ఈ విషయమై అధికారిక ప్రకటన కూడా వచ్చింది. మొత్తానికి తమ అభిమాన హీరో పుట్టినరోజుకి గుర్తుండిపోయే గిఫ్ట్ ఇవ్వడానికి రెడీ అయ్యారన్నమాట. మొత్తానికి మహేష్ బాబు అభిమానులు ట్రెండ్ సెట్ చేయబోతున్నారన్నమాట. ఈ లెక్కన రాబోయే రోజుల్లో ఇతర ఫ్యాన్స్ కూడా తమ అభిమాన హీరోల బ్లాక్ బస్టర్స్ ను ఇలా స్పెషల్ షోగా వేసుకొని మురిసిపోయేలా ఉన్నారు!
Also Read : ఆల్రెడీ 50 శాతం రికవరీ చేసిన కళ్యాణ్ రామ్ - 'బింబిసార' ఓపెనింగ్ డే కలెక్షన్స్ ఎంతంటే?