లవ్ స్టోరీ మూవీ కోసం ఎప్పటినుంచో ఎదురుచూస్తున్న ప్రేక్షకులకు గుడ్ న్యూస్ చేప్పింది మూవీ టీమ్... వినాయకచవితి సందర్భంగా వచ్చేస్తున్నాం అని ట్వీట్ చేశాడు హీరో నాగచైతన్య. యువసామ్రాట్ అక్కినేని నాగ చైతన్య - సాయి పల్లవి హీరోహీరోయిన్లుగా తెరకెక్కిన చిత్రం 'లవ్ స్టోరీ'. ఫీల్ గుడ్ చిత్రాల దర్శకుడు శేఖర్ కమ్ముల ఈ మూవిని తెరకెక్కించాడు. సమ్మర్ లో రిలీజ్ కావల్సిన ఈ చిత్రం కరోనా సెకండ్ వేవ్ కారణంగా వాయిదా పడింది. ప్రస్తుతానికి కరోనా కాస్త తగ్గుముఖం పట్టడంతో  తెలుగు రాష్ట్రాల్లో థియేటర్లు తిరిగి ఓపెన్ అవుతున్నాయి. దీంతో సినిమా విడుదల తేదీని ఖరారు చేసింది మూవీ టీమ్. వినాయక చవితి కానుకగా సెప్టెంబర్ 10న ఈ చిత్రాన్ని థియేటర్ లలో రిలీజ్ చేస్తున్నట్లు మేకర్స్ తాజాగా ప్రకటించారు.


'లవ్ స్టోరీ' రిలీజ్ డేట్ అనౌన్సమెంట్ సందర్భంగా మేకర్స్ ఓ బ్యూటిఫుల్ పోస్టర్  విడుదల చేశారు. ఇందులో నాగచైతన్య - సాయి పల్లవి ఇద్దరూ ఉల్లాసంగా ఒకరి చేతులు ఒకరు పట్టుకుని పరుగెత్తుతూ కనిపిస్తున్నారు. సెప్టెంబర్ 10న ఈ మూవీ థియేటర్ రిలీజ్ కు రావడం అటు ఎగ్జిబిషన్ సెక్టార్ లోనూ ఉత్సాహం నింపబోతోంది.


Also Read: భీమ్లానాయక్ జోష్ తగ్గకముందే ‘హరి హర వీరమల్లు’ రిలీజ్.. 3 నెలల గ్యాప్‌లోనే వస్తోన్న పవన్ కళ్యాణ్

ఇప్పటికే విడుదలైన ‘లవ్ స్టొరీ’ ఫస్ట్ లుక్ పోస్టర్స్, పాటలకు అదిరిపోయే స్పందన వచ్చింది. ముఖ్యంగా యూట్యూబ్ వ్యూస్ లో 'సారంగ దరియా' సాంగ్ ఆల్ టైమ్ రికార్డులు తిరగరాసింది. 'హే పిల్లా', 'నీ చిత్రం చూసి..' పాటలు కూడా మిలియన్ల కొద్దీ వ్యూస్ సంపాదించాయి. లవ్ స్టొరీ మ్యూజికల్ గా హిట్ అవడంతో సినిమా మీద మరిన్ని అంచనాలు పెరిగాయి. దర్శకుడు శేఖర్ కమ్ముల చూపించబోయే ప్లెజంట్ - ఎమోషనల్ ప్రేమ కథకు ఈ పాటలు అదనపు ఆకర్షణ కానున్నాయని తెలుస్తోంది.


Also Read: పవన్ కళ్యాణ్ సేఫ్ జర్నీ.. రిమేక్ సినిమాలే బెటర్ అనుకుంటున్న పవర్ స్టార్?



'లవ్ స్టొరీ' చిత్రాన్ని సోనాలి నారంగ్ సమర్పణలో శ్రీ వెంకటేశ్వర సినిమాస్ ఎల్ఎల్పీ - అమిగోస్ క్రియేషన్స్ సంస్థలు సంయుక్తంగా నిర్మించాయి. కె నారాయణదాస్ నారంగ్ - పి. రామ్మోహన్ రావు నిర్మాతలుగా వ్యవహరిస్తున్నారు. పవన్ సి.హెచ్ సంగీత దర్శకుడు. రాజీవ్ కనకాల - ఈశ్వరీ రావు - దేవయాని  కీలక పాత్రల్లో నటించారు. ‘లవ్ స్టోరీ’ చిత్రం విడుదల తేదీ పోస్టర్‌ను హీరో నాగచైతన్య కూడా తన అభిమానులతో పంచుకున్నాడు. ఆ ట్వీట్‌ను ఇక్కడ చూడండి. 


నాగ చైతన్య ట్వీట్:


Also Read: తగ్గేదే లే అంటున్న లీకు వీరులు.. తగ్గిస్తామంటున్న బన్నీ


Also Read: షాకింగ్.. ‘బిగ్‌బాస్’ నుంచి ఆ సింగర్, యాంకర్ ఔట్! ఎందుకిలా చేశారు?