కన్నడ స్టార్ హీరో యష్ ప్రధాన పాత్రలో దర్శకుడు ప్రశాంత్ నీల్ రూపొందించిన 'కేజీఎఫ్2' సినిమా భారీ విజయాన్ని అందుకుంది. ఏప్రిల్ 14న విడుదలైన ఈ సినిమాకి ప్రేక్షకులు బ్రహ్మరథం పడుతున్నారు. రాకీభాయ్ క్రేజ్ కి బాక్సాఫీస్ షేక్ అవుతోంది. తెలుగు, తమిళ, మలయాళ, కన్నడ, హిందీ భాషల్లో అత్యధిక వసూళ్లను సాధిస్తోంది ఈ సినిమా. వీకెండ్ లో భారీ వసూళ్లను సాధించి రికార్డ్స్ సృష్టించింది 'కేజీఎఫ్2'.
నాలుగు రోజుల్లో ఈ సినిమా రూ.500 కోట్ల క్లబ్ లో చేరింది. ఇప్పటివరకు ఈ సినిమా రూ.546 కోట్లను వసూలు చేసింది. హిందీ, రెస్ట్ ఆఫ్ ఇండియా కలుపుకొని రూ.200 కోట్లకు పైగా గ్రాస్ కలెక్ట్ చేసింది. కర్ణాటకలో రూ.91కోట్లు, ఏపీ-తెలంగాణలో కలిపి రూ.84.80 కోట్లు, తమిళనాడులో రూ.32.10 కోట్లు, కేరళలో రూ.29.05 కోట్లు, ఓవర్సీస్ లో దాదాపు రూ.100 కోట్ల గ్రాస్ ను రాబట్టింది.
మొత్తం కలుపుకుంటే వరల్డ్ వైడ్ గా ఈ సినిమా రూ.546 కోట్ల గ్రాస్ ను సాధించింది. నాలుగు రోజుల్లో ఈ సినిమా ఇంత వసూలు చేసిందంటే.. లాంగ్ రన్ లో ఇంకెంత సాధిస్తుందో చూడాలి. ఎలివేషన్స్, బ్యాక్ గ్రౌండ్ స్కోర్, టేకింగ్, స్క్రీన్ ప్లే ఇలా ప్రతి ఎలిమెంట్ ఈ సినిమాకి హైలైట్ గా నిలిచింది.
Also Read: ఎన్టీఆర్ కోసం అలాంటి కథనే రాశా - క్లారిటీ ఇచ్చిన దర్శకుడు
Also Read: 'భలే భలే బంజారా' సాంగ్ - సిరుత పులులు కలిసి సిందేస్తే